Lord Ganesha

బహురూప గణపతి (ద్వాత్రింశద్గణపతి) ధ్యాన శ్లోకాః

(Bahurupa Ganapati (Dvatrimshad Ganapati) Dhyana Shlokas in Telugu)

From Mudgala Purana

Also known as karastha kadalicutapanaseksukamodakam

Language:Sanskrit
Translation:English

These meditative verses describe the thirty-two distinct forms of Lord Ganesha, a collection originating from the Mudgala Purana. Each form represents unique attributes, mudras, and symbolic objects, embodying various aspects of cosmic energy and divine grace. By meditating on these Dhyana Shlokas, devotees seek to align their consciousness with the multifaceted nature of the remover of obstacles. Chanting these verses is believed to bestow spiritual clarity, mental balance, and holistic prosperity, helping the practitioner overcome deep-seated karmic challenges while invoking the protective and auspicious presence of Ganesha in his diverse manifestations.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics

1. శ్రీ బాల గణపతిః

కరస్థ కదలీచూతపనసేక్షుకమోదకమ్ ।
బాలసూర్యనిభం వన్దే దేవం బాలగణాధిపమ్ ॥ 1 ॥
2. శ్రీ తరుణ గణపతిః
పాశాఙ్కుశాపూపకపిత్థజమ్బూ-
-స్వదన్తశాలీక్షుమపి స్వహస్తైః ।
ధత్తే సదా యస్తరుణారుణాభః
పాయాత్ స యుష్మాంస్తరుణో గణేశః ॥ 2 ॥
3. శ్రీ భక్త గణపతిః
నారికేలామ్రకదలీగుడపాయసధారిణమ్ ।
శరచ్చన్ద్రాభవపుషం భజే భక్తగణాధిపమ్ ॥ 3 ॥
4. శ్రీ వీర గణపతిః
వేతాలశక్తిశరకార్ముకచక్రఖడ్గ-
-ఖట్వాఙ్గముద్గరగదాఙ్కుశనాగపాశాన్ ।
శూలం చ కున్తపరశుం ధ్వజముద్వహన్తం
వీరం గణేశమరుణం సతతం స్మరామి ॥ 4 ॥
5. శ్రీ శక్తి గణపతిః
ఆలిఙ్గ్య దేవీం హరితాఙ్గయష్టిం
పరస్పరాశ్లిష్టకటిప్రదేశమ్ ।
సన్ధ్యారుణం పాశసృణీ వహన్తం
భయాపహం శక్తిగణేశమీడే ॥ 5 ॥
6. శ్రీ ద్విజ గణపతిః
యం పుస్తకాక్ష గుణదణ్డకమణ్డలు శ్రీ-
-విద్యోతమానకరభూషణమిన్దువర్ణమ్ ।
స్తమ్బేరమాననచతుష్టయశోభమానం
త్వాం యః స్మరేత్ ద్విజగణాధిపతే స ధన్యః ॥ 6 ॥
7. శ్రీ సిద్ధ గణపతిః
పక్వచూతఫలపుష్పమఞ్జరీ-
-రిక్షుదణ్డతిలమోదకైః సహ ।
ఉద్వహన్ పరశుమస్తు తే నమః
శ్రీసమృద్ధియుత హేమపిఙ్గల ॥ 7 ॥
8. శ్రీ ఉచ్ఛిష్ట గణపతిః
నీలాబ్జదాడిమీవీణాశాలీగుఞ్జాక్షసూత్రకమ్ ।
దధదుచ్ఛిష్టనామాయం గణేశః పాతు మేచకః ॥ 8 ॥
9. శ్రీ విఘ్న గణపతిః
శఙ్ఖేక్షుచాపకుసుమేషుకుఠారపాశ-
-చక్రస్వదన్తసృణిమఞ్జరికాశరాద్యైః ।
పాణిశ్రితైః పరిసమీహితభూషణశ్రీ-
-విఘ్నేశ్వరో విజయతే తపనీయగౌరః ॥ 9 ॥
10. శ్రీ క్షిప్ర గణపతిః
దన్తకల్పలతాపాశరత్నకుమ్భాఙ్కుశోజ్జ్వలమ్ ।
బన్ధూకకమనీయాభం ధ్యాయేత్ క్షిప్రగణాధిపమ్ ॥ 10 ॥
11. శ్రీ హేరమ్బ గణపతిః
అభయవరదహస్తః పాశదన్తాక్షమాలా-
-సృణిపరశు దధానో ముద్గరం మోదకం చ ।
ఫలమధిగతసింహః పఞ్చమాతఙ్గవక్త్రో
గణపతిరతిగౌరః పాతు హేరమ్బనామా ॥ 11 ॥
12. శ్రీ లక్ష్మీ గణపతిః
బిభ్రాణః శుకబీజపూరకమిలన్మాణిక్యకుమ్భాకుశాన్
పాశం కల్పలతాం చ ఖడ్గవిలసజ్జ్యోతిః సుధానిర్ఝరః ।
శ్యామేనాత్తసరోరుహేణ సహితం దేవీద్వయం చాన్తికే
గౌరాఙ్గో వరదానహస్తసహితో లక్ష్మీగణేశోఽవతాత్ ॥ 12 ॥
13. శ్రీ మహా గణపతిః
హస్తీన్ద్రాననమిన్దుచూడమరుణచ్ఛాయం త్రినేత్రం రసా-
-దాశ్లిష్టం ప్రియయా సపద్మకరయా స్వాఙ్కస్థయా సన్తతమ్ ।
బీజాపూరగదేక్షుకార్ముకలసచ్చక్రాబ్జపాశోత్పల-
-వ్రీహ్యగ్రస్వవిషాణరత్నకలశాన్ హస్తైర్వహన్తం భజే ॥ 13 ॥
14. శ్రీ విజయ గణపతిః
పాశాఙ్కుశస్వదన్తామ్రఫలవానాఖువాహనః ।
విఘ్నం నిహన్తు నః సర్వం రక్తవర్ణో వినాయకః ॥ 14 ॥
15. శ్రీ నృత్త గణపతిః
పాశాఙ్కుశాపూపకుఠారదన్త-
-చఞ్చత్కరాక్లుప్తవరాఙ్గులీకమ్ ।
పీతప్రభం కల్పతరోరధస్థం
భజామి నృత్తోపపదం గణేశమ్ ॥ 15 ॥
16. శ్రీ ఊర్ధ్వ గణపతిః
కల్హారశాలికమలేక్షుకచాపబాణ-
-దన్తప్రరోహకగదీ కనకోజ్జ్వలాఙ్గః ।
ఆలిఙ్గనోద్యతకరో హరితాఙ్గయష్ట్యా
దేవ్యా కరోతు శుభమూర్ధ్వగణాధిపో మే ॥ 16 ॥
17. శ్రీ ఏకాక్షర గణపతిః
రక్తో రక్తాఙ్గరాగాఙ్కుశకుసుమయుతస్తున్దిలశ్చన్ద్రమౌలిః
నేత్రైర్యుక్తస్త్రిభిర్వామనకరచరణో బీజపూరం దధానః ।
హస్తాగ్రాక్లుప్త పాశాఙ్కుశరదవరదో నాగవక్త్రోఽహిభూషో
దేవః పద్మాసనస్థో భవతు సుఖకరో భూతయే విఘ్నరాజః ॥ 17 ॥
18. శ్రీ వర గణపతిః
సిన్దూరాభమిభాననం త్రినయనం హస్తే చ పాశాఙ్కుశౌ
బిభ్రాణం మధుమత్కపాలమనిశం సాధ్విన్దుమౌలిం భజే ।
పుష్ట్యాశ్లిష్టతనుం ధ్వజాగ్రకరయా పద్మోల్లసద్ధస్తయా
తద్యోన్యాహిత పాణిమాత్తవసుమత్పాత్రోల్లసత్పుష్కరమ్ ॥ 18 ॥
19. శ్రీ త్ర్యక్షర గణపతిః
గజేన్ద్రవదనం సాక్షాచ్చలత్కర్ణసుచామరం
హేమవర్ణం చతుర్బాహుం పాశాఙ్కుశధరం వరమ్ ।
స్వదన్తం దక్షిణే హస్తే సవ్యే త్వామ్రపలం తథా
పుష్కరైర్మోదకం చైవ ధారయన్తమనుస్మరేత్ ॥ 19 ॥
20. శ్రీ క్షిప్రప్రసాద గణపతిః
ధృతపాశాఙ్కుశకల్పలతా స్వరదశ్చ బీజపూరయుతః
శశిశకలకలితమౌలిస్త్రిలోచనోఽరుణశ్చ గజవదనః ।
భాసురభూషణదీప్తో బృహదుదరః పద్మవిష్టరోల్లసితః
విఘ్నపయోధరపవనః కరధృతకమలః సదాస్తు మే భూత్యై ॥ 20 ॥
21. శ్రీ హరిద్రా గణపతిః
హరిద్రాభం చతుర్బాహుం కరీన్ద్రవదనం ప్రభుమ్ ।
పాశాఙ్కుశధరం దేవం మోదకం దన్తమేవ చ ।
భక్తాభయప్రదాతారం వన్దే విఘ్నవినాశనమ్ ॥ 21 ॥
22. శ్రీ ఏకదన్త గణపతిః
లమ్బోదరం శ్యామతనుం గణేశం
కుఠారమక్షస్రజమూర్ధ్వగాత్రమ్ ।
సలడ్డుకం దన్తమధః కరాభ్యాం
వామేతరాభ్యాం చ దధానమీడే ॥ 22 ॥
23. శ్రీ సృష్టి గణపతిః
పాశాఙ్కుశస్వదన్తామ్రఫలవానాఖువాహనః ।
విఘ్నం నిహన్తు నః శోణః సృష్టిదక్షో వినాయకః ॥ 23 ॥
24. శ్రీ ఉద్దణ్డ గణపతిః
కల్హారామ్బుజబీజపూరకగదాదన్తేక్షుచాపం సుమం
బిభ్రాణో మణికుమ్భశాలికలశౌ పాశం సృణిం చాబ్జకమ్ ।
గౌరాఙ్గ్యా రుచిరారవిన్దకరయా దేవ్యా సమాలిఙ్గతః
శోణాఙ్గః శుభమాతనోతు భజతాముద్దణ్డవిఘ్నేశ్వరః ॥ 24 ॥
25. శ్రీ ఋణమోచక గణపతిః
పాశాఙ్కుశౌ దన్తజమ్బు దధానః స్ఫాటికప్రభః ।
రక్తాంశుకో గణపతిర్ముదే స్యాదృణమోచకః ॥ 25 ॥
26. శ్రీ ఢుణ్ఢి గణపతిః
అక్షమాలాం కుఠారం చ రత్నపాత్రం స్వదన్తకమ్ ।
ధత్తే కరైర్విఘ్నరాజో ఢుణ్ఢినామా ముదేఽస్తు నః ॥ 26 ॥
27. శ్రీ ద్విముఖ గణపతిః
స్వదన్తపాశాఙ్కుశరత్నపాత్రం
కరైర్దధానో హరినీలగాత్రః ।
రక్తాంశుకో రత్నకిరీటమాలీ
భూత్యై సదా మే ద్విముఖో గణేశః ॥ 27 ॥
28. శ్రీ త్రిముఖ గణపతిః
శ్రీమత్తీక్ష్ణశిఖాఙ్కుశాక్షవరదాన్ దక్షే దధానః కరైః
పాశం చామృతపూర్ణకుమ్భమభయం వామే దధానో ముదా ।
పీఠే స్వర్ణమయారవిన్దవిలసత్సత్కర్ణికాభాసురే
స్వాసీనస్త్రిముఖః పలాశరుచిరో నాగాననః పాతు నః ॥ 28 ॥
29. శ్రీ సింహ గణపతిః
వీణాం కల్పలతామరిం చ వరదం దక్షే విదత్తే కరై-
-ర్వామే తామరసం చ రత్నకలశం సన్మఞ్జరీం చాభయమ్ ।
శుణ్డాదణ్డలసన్మృగేన్ద్రవదనః శఙ్ఖేన్దుగౌరః శుభో
దీవ్యద్రత్ననిభాంశుకో గణపతిః పాయాదపాయత్ స నః ॥ 29 ॥
30. శ్రీ యోగ గణపతిః
యోగారూఢో యోగపట్టాభిరామో
బాలార్కాభశ్చేన్ద్రనీలాంశుకాఢ్యః ।
పాశేక్ష్వక్షాన్ యోగదణ్డం దధానో
పాయాన్నిత్యం యోగవిఘ్నేశ్వరో నః ॥ 30 ॥
31. శ్రీ దుర్గా గణపతిః
తప్తకాఞ్చనసఙ్కాశశ్చాష్టహస్తో మహత్తనుః
దీప్తాఙ్కుశం శరం చాక్షం దన్తు దక్షే వహన్ కరైః ।
వామే పాశం కార్ముకం చ లతాం జమ్బు దధత్కరైః
రక్తాంశుకః సదా భూయాద్దుర్గాగణపతిర్ముదే ॥ 31 ॥
32. శ్రీ సఙ్కష్టహర గణపతిః
బాలార్కారుణకాన్తిర్వామే బాలాం వహన్నఙ్కే
లసదిన్దీవరహస్తాం గౌరాఙ్గీం రత్నశోభాఢ్యామ్ ।
దక్షేఽఙ్కుశవరదానం వామే పాశం చ పాయసం పాత్రం
నీలాంశుకలసమానః పీఠే పద్మారుణే తిష్ఠన్ ॥ 32 ॥
సఙ్కటహరణః పాయాత్ సఙ్కటపూగాద్గజాననో నిత్యమ్ ।
శ్రీ వల్లభ గణపతి
బీజాపూర గదేక్షుకార్ముకభుజాచక్రాబ్జ పాశోత్పల
వ్రీహ్యగ్రస్వవిషాణ రత్నకలశ ప్రోద్యత్కరామ్భోరుహః ।
ధ్యేయో వల్లభయా చ పద్మకరయాశ్లిష్టో జ్వలద్భూషయా
విశ్వోత్పత్తివినాశసంస్థితికరో విఘ్నో విశిష్టార్థదః ॥
శ్రీ సిద్ధిదేవీ
పీతవర్ణాం ద్వినేత్రాం తామేకవక్త్రామ్బుజద్వయాం
నవరత్నకిరీటాం చ పీతామ్బరసుధారిణీమ్ ।
వామహస్తే మహాపద్మం దక్షే లమ్బకరాన్వితాం
జాజీచమ్పకమాలాం చ త్రిభఙ్గీం లలితాఙ్గికామ్ ॥
గణేశదక్షిణే భాగే గురుః సిద్ధిం తు భావయేత్ ॥
శ్రీ బుద్ధిదేవీ
ద్విహస్తాం చ ద్వినేత్రాం తామేకవక్త్రాం త్రిభఙ్గికాం
ముక్తామణికిరీటాం చ దక్షే హస్తే మహోత్పలమ్ ।
వామే ప్రలమ్బహస్తాం చ దివ్యామ్బరసుధారిణీం
శ్యామవర్ణనిభాం భాస్వత్సర్వాభరణభూషితామ్ ॥
పారిజాతోత్పలామాల్యాం గణేశో వామపార్శ్వకే
ధ్యాత్వా బుద్ధిం సురూపాం సమర్చయేద్దేశికోత్తమః ॥

More Ganesha Stotras

आरती गजवदन विनायक की
Arati Gajavadana Vinayaka Ki
चिन्तामणि षट्पदी
Chintamani Shatpadi
दारिद्र्य दहन गणपति स्तोत्रम्
Daridrya Dahana Ganapati Stotram
धुण्ढिराज भुजङ्ग प्रयात स्तोत्रम्
Dhundhiraja Bhujanga Prayata Stotram
एकादश गणेश स्तोत्र (युगपुरुष कृत)
Ekadasa Ganesa Stotra Yugapurusa Krta
गजाननं भूतगणादि
Gajananam Bhuthaganadhi
ओ-ङ्ग॒णाना᳚-न्त्वा ग॒णप॑तिग्ं हवामहे क॒वि-ङ्क॑वी॒नां
Gananamtva Ganapatim
गणपत्यथर्वशीर्षम्
Ganapati Atharvashirsha (Sectioned Recension)
View All Ganesha Collection →

Explore More

Ganesha CollectionWealthObstaclesHealthProtectionWisdomHome