Lord Ganesha

ಬಹುರೂಪ ಗಣಪತಿ (ದ್ವಾತ್ರಿಂಶದ್ಗಣಪತಿ) ಧ್ಯಾನ ಶ್ಲೋಕಾಃ

(Bahurupa Ganapati (Dvatrimshad Ganapati) Dhyana Shlokas in Kannada)

From Mudgala Purana

Also known as karastha kadalicutapanaseksukamodakam

Language:Sanskrit
Translation:English

These meditative verses describe the thirty-two distinct forms of Lord Ganesha, a collection originating from the Mudgala Purana. Each form represents unique attributes, mudras, and symbolic objects, embodying various aspects of cosmic energy and divine grace. By meditating on these Dhyana Shlokas, devotees seek to align their consciousness with the multifaceted nature of the remover of obstacles. Chanting these verses is believed to bestow spiritual clarity, mental balance, and holistic prosperity, helping the practitioner overcome deep-seated karmic challenges while invoking the protective and auspicious presence of Ganesha in his diverse manifestations.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics

1. ಶ್ರೀ ಬಾಲ ಗಣಪತಿಃ

ಕರಸ್ಥ ಕದಲೀಚೂತಪನಸೇಕ್ಷುಕಮೋದಕಮ್ ।
ಬಾಲಸೂರ್ಯನಿಭಂ ವನ್ದೇ ದೇವಂ ಬಾಲಗಣಾಧಿಪಮ್ ॥ 1 ॥
2. ಶ್ರೀ ತರುಣ ಗಣಪತಿಃ
ಪಾಶಾಙ್ಕುಶಾಪೂಪಕಪಿತ್ಥಜಮ್ಬೂ-
-ಸ್ವದನ್ತಶಾಲೀಕ್ಷುಮಪಿ ಸ್ವಹಸ್ತೈಃ ।
ಧತ್ತೇ ಸದಾ ಯಸ್ತರುಣಾರುಣಾಭಃ
ಪಾಯಾತ್ ಸ ಯುಷ್ಮಾಂಸ್ತರುಣೋ ಗಣೇಶಃ ॥ 2 ॥
3. ಶ್ರೀ ಭಕ್ತ ಗಣಪತಿಃ
ನಾರಿಕೇಲಾಮ್ರಕದಲೀಗುಡಪಾಯಸಧಾರಿಣಮ್ ।
ಶರಚ್ಚನ್ದ್ರಾಭವಪುಷಂ ಭಜೇ ಭಕ್ತಗಣಾಧಿಪಮ್ ॥ 3 ॥
4. ಶ್ರೀ ವೀರ ಗಣಪತಿಃ
ವೇತಾಲಶಕ್ತಿಶರಕಾರ್ಮುಕಚಕ್ರಖಡ್ಗ-
-ಖಟ್ವಾಙ್ಗಮುದ್ಗರಗದಾಙ್ಕುಶನಾಗಪಾಶಾನ್ ।
ಶೂಲಂ ಚ ಕುನ್ತಪರಶುಂ ಧ್ವಜಮುದ್ವಹನ್ತಂ
ವೀರಂ ಗಣೇಶಮರುಣಂ ಸತತಂ ಸ್ಮರಾಮಿ ॥ 4 ॥
5. ಶ್ರೀ ಶಕ್ತಿ ಗಣಪತಿಃ
ಆಲಿಙ್ಗ್ಯ ದೇವೀಂ ಹರಿತಾಙ್ಗಯಷ್ಟಿಂ
ಪರಸ್ಪರಾಶ್ಲಿಷ್ಟಕಟಿಪ್ರದೇಶಮ್ ।
ಸನ್ಧ್ಯಾರುಣಂ ಪಾಶಸೃಣೀ ವಹನ್ತಂ
ಭಯಾಪಹಂ ಶಕ್ತಿಗಣೇಶಮೀಡೇ ॥ 5 ॥
6. ಶ್ರೀ ದ್ವಿಜ ಗಣಪತಿಃ
ಯಂ ಪುಸ್ತಕಾಕ್ಷ ಗುಣದಣ್ಡಕಮಣ್ಡಲು ಶ್ರೀ-
-ವಿದ್ಯೋತಮಾನಕರಭೂಷಣಮಿನ್ದುವರ್ಣಮ್ ।
ಸ್ತಮ್ಬೇರಮಾನನಚತುಷ್ಟಯಶೋಭಮಾನಂ
ತ್ವಾಂ ಯಃ ಸ್ಮರೇತ್ ದ್ವಿಜಗಣಾಧಿಪತೇ ಸ ಧನ್ಯಃ ॥ 6 ॥
7. ಶ್ರೀ ಸಿದ್ಧ ಗಣಪತಿಃ
ಪಕ್ವಚೂತಫಲಪುಷ್ಪಮಞ್ಜರೀ-
-ರಿಕ್ಷುದಣ್ಡತಿಲಮೋದಕೈಃ ಸಹ ।
ಉದ್ವಹನ್ ಪರಶುಮಸ್ತು ತೇ ನಮಃ
ಶ್ರೀಸಮೃದ್ಧಿಯುತ ಹೇಮಪಿಙ್ಗಲ ॥ 7 ॥
8. ಶ್ರೀ ಉಚ್ಛಿಷ್ಟ ಗಣಪತಿಃ
ನೀಲಾಬ್ಜದಾಡಿಮೀವೀಣಾಶಾಲೀಗುಞ್ಜಾಕ್ಷಸೂತ್ರಕಮ್ ।
ದಧದುಚ್ಛಿಷ್ಟನಾಮಾಯಂ ಗಣೇಶಃ ಪಾತು ಮೇಚಕಃ ॥ 8 ॥
9. ಶ್ರೀ ವಿಘ್ನ ಗಣಪತಿಃ
ಶಙ್ಖೇಕ್ಷುಚಾಪಕುಸುಮೇಷುಕುಠಾರಪಾಶ-
-ಚಕ್ರಸ್ವದನ್ತಸೃಣಿಮಞ್ಜರಿಕಾಶರಾದ್ಯೈಃ ।
ಪಾಣಿಶ್ರಿತೈಃ ಪರಿಸಮೀಹಿತಭೂಷಣಶ್ರೀ-
-ವಿಘ್ನೇಶ್ವರೋ ವಿಜಯತೇ ತಪನೀಯಗೌರಃ ॥ 9 ॥
10. ಶ್ರೀ ಕ್ಷಿಪ್ರ ಗಣಪತಿಃ
ದನ್ತಕಲ್ಪಲತಾಪಾಶರತ್ನಕುಮ್ಭಾಙ್ಕುಶೋಜ್ಜ್ವಲಮ್ ।
ಬನ್ಧೂಕಕಮನೀಯಾಭಂ ಧ್ಯಾಯೇತ್ ಕ್ಷಿಪ್ರಗಣಾಧಿಪಮ್ ॥ 10 ॥
11. ಶ್ರೀ ಹೇರಮ್ಬ ಗಣಪತಿಃ
ಅಭಯವರದಹಸ್ತಃ ಪಾಶದನ್ತಾಕ್ಷಮಾಲಾ-
-ಸೃಣಿಪರಶು ದಧಾನೋ ಮುದ್ಗರಂ ಮೋದಕಂ ಚ ।
ಫಲಮಧಿಗತಸಿಂಹಃ ಪಞ್ಚಮಾತಙ್ಗವಕ್ತ್ರೋ
ಗಣಪತಿರತಿಗೌರಃ ಪಾತು ಹೇರಮ್ಬನಾಮಾ ॥ 11 ॥
12. ಶ್ರೀ ಲಕ್ಷ್ಮೀ ಗಣಪತಿಃ
ಬಿಭ್ರಾಣಃ ಶುಕಬೀಜಪೂರಕಮಿಲನ್ಮಾಣಿಕ್ಯಕುಮ್ಭಾಕುಶಾನ್
ಪಾಶಂ ಕಲ್ಪಲತಾಂ ಚ ಖಡ್ಗವಿಲಸಜ್ಜ್ಯೋತಿಃ ಸುಧಾನಿರ್ಝರಃ ।
ಶ್ಯಾಮೇನಾತ್ತಸರೋರುಹೇಣ ಸಹಿತಂ ದೇವೀದ್ವಯಂ ಚಾನ್ತಿಕೇ
ಗೌರಾಙ್ಗೋ ವರದಾನಹಸ್ತಸಹಿತೋ ಲಕ್ಷ್ಮೀಗಣೇಶೋಽವತಾತ್ ॥ 12 ॥
13. ಶ್ರೀ ಮಹಾ ಗಣಪತಿಃ
ಹಸ್ತೀನ್ದ್ರಾನನಮಿನ್ದುಚೂಡಮರುಣಚ್ಛಾಯಂ ತ್ರಿನೇತ್ರಂ ರಸಾ-
-ದಾಶ್ಲಿಷ್ಟಂ ಪ್ರಿಯಯಾ ಸಪದ್ಮಕರಯಾ ಸ್ವಾಙ್ಕಸ್ಥಯಾ ಸನ್ತತಮ್ ।
ಬೀಜಾಪೂರಗದೇಕ್ಷುಕಾರ್ಮುಕಲಸಚ್ಚಕ್ರಾಬ್ಜಪಾಶೋತ್ಪಲ-
-ವ್ರೀಹ್ಯಗ್ರಸ್ವವಿಷಾಣರತ್ನಕಲಶಾನ್ ಹಸ್ತೈರ್ವಹನ್ತಂ ಭಜೇ ॥ 13 ॥
14. ಶ್ರೀ ವಿಜಯ ಗಣಪತಿಃ
ಪಾಶಾಙ್ಕುಶಸ್ವದನ್ತಾಮ್ರಫಲವಾನಾಖುವಾಹನಃ ।
ವಿಘ್ನಂ ನಿಹನ್ತು ನಃ ಸರ್ವಂ ರಕ್ತವರ್ಣೋ ವಿನಾಯಕಃ ॥ 14 ॥
15. ಶ್ರೀ ನೃತ್ತ ಗಣಪತಿಃ
ಪಾಶಾಙ್ಕುಶಾಪೂಪಕುಠಾರದನ್ತ-
-ಚಞ್ಚತ್ಕರಾಕ್ಲುಪ್ತವರಾಙ್ಗುಲೀಕಮ್ ।
ಪೀತಪ್ರಭಂ ಕಲ್ಪತರೋರಧಸ್ಥಂ
ಭಜಾಮಿ ನೃತ್ತೋಪಪದಂ ಗಣೇಶಮ್ ॥ 15 ॥
16. ಶ್ರೀ ಊರ್ಧ್ವ ಗಣಪತಿಃ
ಕಲ್ಹಾರಶಾಲಿಕಮಲೇಕ್ಷುಕಚಾಪಬಾಣ-
-ದನ್ತಪ್ರರೋಹಕಗದೀ ಕನಕೋಜ್ಜ್ವಲಾಙ್ಗಃ ।
ಆಲಿಙ್ಗನೋದ್ಯತಕರೋ ಹರಿತಾಙ್ಗಯಷ್ಟ್ಯಾ
ದೇವ್ಯಾ ಕರೋತು ಶುಭಮೂರ್ಧ್ವಗಣಾಧಿಪೋ ಮೇ ॥ 16 ॥
17. ಶ್ರೀ ಏಕಾಕ್ಷರ ಗಣಪತಿಃ
ರಕ್ತೋ ರಕ್ತಾಙ್ಗರಾಗಾಙ್ಕುಶಕುಸುಮಯುತಸ್ತುನ್ದಿಲಶ್ಚನ್ದ್ರಮೌಲಿಃ
ನೇತ್ರೈರ್ಯುಕ್ತಸ್ತ್ರಿಭಿರ್ವಾಮನಕರಚರಣೋ ಬೀಜಪೂರಂ ದಧಾನಃ ।
ಹಸ್ತಾಗ್ರಾಕ್ಲುಪ್ತ ಪಾಶಾಙ್ಕುಶರದವರದೋ ನಾಗವಕ್ತ್ರೋಽಹಿಭೂಷೋ
ದೇವಃ ಪದ್ಮಾಸನಸ್ಥೋ ಭವತು ಸುಖಕರೋ ಭೂತಯೇ ವಿಘ್ನರಾಜಃ ॥ 17 ॥
18. ಶ್ರೀ ವರ ಗಣಪತಿಃ
ಸಿನ್ದೂರಾಭಮಿಭಾನನಂ ತ್ರಿನಯನಂ ಹಸ್ತೇ ಚ ಪಾಶಾಙ್ಕುಶೌ
ಬಿಭ್ರಾಣಂ ಮಧುಮತ್ಕಪಾಲಮನಿಶಂ ಸಾಧ್ವಿನ್ದುಮೌಲಿಂ ಭಜೇ ।
ಪುಷ್ಟ್ಯಾಶ್ಲಿಷ್ಟತನುಂ ಧ್ವಜಾಗ್ರಕರಯಾ ಪದ್ಮೋಲ್ಲಸದ್ಧಸ್ತಯಾ
ತದ್ಯೋನ್ಯಾಹಿತ ಪಾಣಿಮಾತ್ತವಸುಮತ್ಪಾತ್ರೋಲ್ಲಸತ್ಪುಷ್ಕರಮ್ ॥ 18 ॥
19. ಶ್ರೀ ತ್ರ್ಯಕ್ಷರ ಗಣಪತಿಃ
ಗಜೇನ್ದ್ರವದನಂ ಸಾಕ್ಷಾಚ್ಚಲತ್ಕರ್ಣಸುಚಾಮರಂ
ಹೇಮವರ್ಣಂ ಚತುರ್ಬಾಹುಂ ಪಾಶಾಙ್ಕುಶಧರಂ ವರಮ್ ।
ಸ್ವದನ್ತಂ ದಕ್ಷಿಣೇ ಹಸ್ತೇ ಸವ್ಯೇ ತ್ವಾಮ್ರಪಲಂ ತಥಾ
ಪುಷ್ಕರೈರ್ಮೋದಕಂ ಚೈವ ಧಾರಯನ್ತಮನುಸ್ಮರೇತ್ ॥ 19 ॥
20. ಶ್ರೀ ಕ್ಷಿಪ್ರಪ್ರಸಾದ ಗಣಪತಿಃ
ಧೃತಪಾಶಾಙ್ಕುಶಕಲ್ಪಲತಾ ಸ್ವರದಶ್ಚ ಬೀಜಪೂರಯುತಃ
ಶಶಿಶಕಲಕಲಿತಮೌಲಿಸ್ತ್ರಿಲೋಚನೋಽರುಣಶ್ಚ ಗಜವದನಃ ।
ಭಾಸುರಭೂಷಣದೀಪ್ತೋ ಬೃಹದುದರಃ ಪದ್ಮವಿಷ್ಟರೋಲ್ಲಸಿತಃ
ವಿಘ್ನಪಯೋಧರಪವನಃ ಕರಧೃತಕಮಲಃ ಸದಾಸ್ತು ಮೇ ಭೂತ್ಯೈ ॥ 20 ॥
21. ಶ್ರೀ ಹರಿದ್ರಾ ಗಣಪತಿಃ
ಹರಿದ್ರಾಭಂ ಚತುರ್ಬಾಹುಂ ಕರೀನ್ದ್ರವದನಂ ಪ್ರಭುಮ್ ।
ಪಾಶಾಙ್ಕುಶಧರಂ ದೇವಂ ಮೋದಕಂ ದನ್ತಮೇವ ಚ ।
ಭಕ್ತಾಭಯಪ್ರದಾತಾರಂ ವನ್ದೇ ವಿಘ್ನವಿನಾಶನಮ್ ॥ 21 ॥
22. ಶ್ರೀ ಏಕದನ್ತ ಗಣಪತಿಃ
ಲಮ್ಬೋದರಂ ಶ್ಯಾಮತನುಂ ಗಣೇಶಂ
ಕುಠಾರಮಕ್ಷಸ್ರಜಮೂರ್ಧ್ವಗಾತ್ರಮ್ ।
ಸಲಡ್ಡುಕಂ ದನ್ತಮಧಃ ಕರಾಭ್ಯಾಂ
ವಾಮೇತರಾಭ್ಯಾಂ ಚ ದಧಾನಮೀಡೇ ॥ 22 ॥
23. ಶ್ರೀ ಸೃಷ್ಟಿ ಗಣಪತಿಃ
ಪಾಶಾಙ್ಕುಶಸ್ವದನ್ತಾಮ್ರಫಲವಾನಾಖುವಾಹನಃ ।
ವಿಘ್ನಂ ನಿಹನ್ತು ನಃ ಶೋಣಃ ಸೃಷ್ಟಿದಕ್ಷೋ ವಿನಾಯಕಃ ॥ 23 ॥
24. ಶ್ರೀ ಉದ್ದಣ್ಡ ಗಣಪತಿಃ
ಕಲ್ಹಾರಾಮ್ಬುಜಬೀಜಪೂರಕಗದಾದನ್ತೇಕ್ಷುಚಾಪಂ ಸುಮಂ
ಬಿಭ್ರಾಣೋ ಮಣಿಕುಮ್ಭಶಾಲಿಕಲಶೌ ಪಾಶಂ ಸೃಣಿಂ ಚಾಬ್ಜಕಮ್ ।
ಗೌರಾಙ್ಗ್ಯಾ ರುಚಿರಾರವಿನ್ದಕರಯಾ ದೇವ್ಯಾ ಸಮಾಲಿಙ್ಗತಃ
ಶೋಣಾಙ್ಗಃ ಶುಭಮಾತನೋತು ಭಜತಾಮುದ್ದಣ್ಡವಿಘ್ನೇಶ್ವರಃ ॥ 24 ॥
25. ಶ್ರೀ ಋಣಮೋಚಕ ಗಣಪತಿಃ
ಪಾಶಾಙ್ಕುಶೌ ದನ್ತಜಮ್ಬು ದಧಾನಃ ಸ್ಫಾಟಿಕಪ್ರಭಃ ।
ರಕ್ತಾಂಶುಕೋ ಗಣಪತಿರ್ಮುದೇ ಸ್ಯಾದೃಣಮೋಚಕಃ ॥ 25 ॥
26. ಶ್ರೀ ಢುಣ್ಢಿ ಗಣಪತಿಃ
ಅಕ್ಷಮಾಲಾಂ ಕುಠಾರಂ ಚ ರತ್ನಪಾತ್ರಂ ಸ್ವದನ್ತಕಮ್ ।
ಧತ್ತೇ ಕರೈರ್ವಿಘ್ನರಾಜೋ ಢುಣ್ಢಿನಾಮಾ ಮುದೇಽಸ್ತು ನಃ ॥ 26 ॥
27. ಶ್ರೀ ದ್ವಿಮುಖ ಗಣಪತಿಃ
ಸ್ವದನ್ತಪಾಶಾಙ್ಕುಶರತ್ನಪಾತ್ರಂ
ಕರೈರ್ದಧಾನೋ ಹರಿನೀಲಗಾತ್ರಃ ।
ರಕ್ತಾಂಶುಕೋ ರತ್ನಕಿರೀಟಮಾಲೀ
ಭೂತ್ಯೈ ಸದಾ ಮೇ ದ್ವಿಮುಖೋ ಗಣೇಶಃ ॥ 27 ॥
28. ಶ್ರೀ ತ್ರಿಮುಖ ಗಣಪತಿಃ
ಶ್ರೀಮತ್ತೀಕ್ಷ್ಣಶಿಖಾಙ್ಕುಶಾಕ್ಷವರದಾನ್ ದಕ್ಷೇ ದಧಾನಃ ಕರೈಃ
ಪಾಶಂ ಚಾಮೃತಪೂರ್ಣಕುಮ್ಭಮಭಯಂ ವಾಮೇ ದಧಾನೋ ಮುದಾ ।
ಪೀಠೇ ಸ್ವರ್ಣಮಯಾರವಿನ್ದವಿಲಸತ್ಸತ್ಕರ್ಣಿಕಾಭಾಸುರೇ
ಸ್ವಾಸೀನಸ್ತ್ರಿಮುಖಃ ಪಲಾಶರುಚಿರೋ ನಾಗಾನನಃ ಪಾತು ನಃ ॥ 28 ॥
29. ಶ್ರೀ ಸಿಂಹ ಗಣಪತಿಃ
ವೀಣಾಂ ಕಲ್ಪಲತಾಮರಿಂ ಚ ವರದಂ ದಕ್ಷೇ ವಿದತ್ತೇ ಕರೈ-
-ರ್ವಾಮೇ ತಾಮರಸಂ ಚ ರತ್ನಕಲಶಂ ಸನ್ಮಞ್ಜರೀಂ ಚಾಭಯಮ್ ।
ಶುಣ್ಡಾದಣ್ಡಲಸನ್ಮೃಗೇನ್ದ್ರವದನಃ ಶಙ್ಖೇನ್ದುಗೌರಃ ಶುಭೋ
ದೀವ್ಯದ್ರತ್ನನಿಭಾಂಶುಕೋ ಗಣಪತಿಃ ಪಾಯಾದಪಾಯತ್ ಸ ನಃ ॥ 29 ॥
30. ಶ್ರೀ ಯೋಗ ಗಣಪತಿಃ
ಯೋಗಾರೂಢೋ ಯೋಗಪಟ್ಟಾಭಿರಾಮೋ
ಬಾಲಾರ್ಕಾಭಶ್ಚೇನ್ದ್ರನೀಲಾಂಶುಕಾಢ್ಯಃ ।
ಪಾಶೇಕ್ಷ್ವಕ್ಷಾನ್ ಯೋಗದಣ್ಡಂ ದಧಾನೋ
ಪಾಯಾನ್ನಿತ್ಯಂ ಯೋಗವಿಘ್ನೇಶ್ವರೋ ನಃ ॥ 30 ॥
31. ಶ್ರೀ ದುರ್ಗಾ ಗಣಪತಿಃ
ತಪ್ತಕಾಞ್ಚನಸಙ್ಕಾಶಶ್ಚಾಷ್ಟಹಸ್ತೋ ಮಹತ್ತನುಃ
ದೀಪ್ತಾಙ್ಕುಶಂ ಶರಂ ಚಾಕ್ಷಂ ದನ್ತು ದಕ್ಷೇ ವಹನ್ ಕರೈಃ ।
ವಾಮೇ ಪಾಶಂ ಕಾರ್ಮುಕಂ ಚ ಲತಾಂ ಜಮ್ಬು ದಧತ್ಕರೈಃ
ರಕ್ತಾಂಶುಕಃ ಸದಾ ಭೂಯಾದ್ದುರ್ಗಾಗಣಪತಿರ್ಮುದೇ ॥ 31 ॥
32. ಶ್ರೀ ಸಙ್ಕಷ್ಟಹರ ಗಣಪತಿಃ
ಬಾಲಾರ್ಕಾರುಣಕಾನ್ತಿರ್ವಾಮೇ ಬಾಲಾಂ ವಹನ್ನಙ್ಕೇ
ಲಸದಿನ್ದೀವರಹಸ್ತಾಂ ಗೌರಾಙ್ಗೀಂ ರತ್ನಶೋಭಾಢ್ಯಾಮ್ ।
ದಕ್ಷೇಽಙ್ಕುಶವರದಾನಂ ವಾಮೇ ಪಾಶಂ ಚ ಪಾಯಸಂ ಪಾತ್ರಂ
ನೀಲಾಂಶುಕಲಸಮಾನಃ ಪೀಠೇ ಪದ್ಮಾರುಣೇ ತಿಷ್ಠನ್ ॥ 32 ॥
ಸಙ್ಕಟಹರಣಃ ಪಾಯಾತ್ ಸಙ್ಕಟಪೂಗಾದ್ಗಜಾನನೋ ನಿತ್ಯಮ್ ।
ಶ್ರೀ ವಲ್ಲಭ ಗಣಪತಿ
ಬೀಜಾಪೂರ ಗದೇಕ್ಷುಕಾರ್ಮುಕಭುಜಾಚಕ್ರಾಬ್ಜ ಪಾಶೋತ್ಪಲ
ವ್ರೀಹ್ಯಗ್ರಸ್ವವಿಷಾಣ ರತ್ನಕಲಶ ಪ್ರೋದ್ಯತ್ಕರಾಮ್ಭೋರುಹಃ ।
ಧ್ಯೇಯೋ ವಲ್ಲಭಯಾ ಚ ಪದ್ಮಕರಯಾಶ್ಲಿಷ್ಟೋ ಜ್ವಲದ್ಭೂಷಯಾ
ವಿಶ್ವೋತ್ಪತ್ತಿವಿನಾಶಸಂಸ್ಥಿತಿಕರೋ ವಿಘ್ನೋ ವಿಶಿಷ್ಟಾರ್ಥದಃ ॥
ಶ್ರೀ ಸಿದ್ಧಿದೇವೀ
ಪೀತವರ್ಣಾಂ ದ್ವಿನೇತ್ರಾಂ ತಾಮೇಕವಕ್ತ್ರಾಮ್ಬುಜದ್ವಯಾಂ
ನವರತ್ನಕಿರೀಟಾಂ ಚ ಪೀತಾಮ್ಬರಸುಧಾರಿಣೀಮ್ ।
ವಾಮಹಸ್ತೇ ಮಹಾಪದ್ಮಂ ದಕ್ಷೇ ಲಮ್ಬಕರಾನ್ವಿತಾಂ
ಜಾಜೀಚಮ್ಪಕಮಾಲಾಂ ಚ ತ್ರಿಭಙ್ಗೀಂ ಲಲಿತಾಙ್ಗಿಕಾಮ್ ॥
ಗಣೇಶದಕ್ಷಿಣೇ ಭಾಗೇ ಗುರುಃ ಸಿದ್ಧಿಂ ತು ಭಾವಯೇತ್ ॥
ಶ್ರೀ ಬುದ್ಧಿದೇವೀ
ದ್ವಿಹಸ್ತಾಂ ಚ ದ್ವಿನೇತ್ರಾಂ ತಾಮೇಕವಕ್ತ್ರಾಂ ತ್ರಿಭಙ್ಗಿಕಾಂ
ಮುಕ್ತಾಮಣಿಕಿರೀಟಾಂ ಚ ದಕ್ಷೇ ಹಸ್ತೇ ಮಹೋತ್ಪಲಮ್ ।
ವಾಮೇ ಪ್ರಲಮ್ಬಹಸ್ತಾಂ ಚ ದಿವ್ಯಾಮ್ಬರಸುಧಾರಿಣೀಂ
ಶ್ಯಾಮವರ್ಣನಿಭಾಂ ಭಾಸ್ವತ್ಸರ್ವಾಭರಣಭೂಷಿತಾಮ್ ॥
ಪಾರಿಜಾತೋತ್ಪಲಾಮಾಲ್ಯಾಂ ಗಣೇಶೋ ವಾಮಪಾರ್ಶ್ವಕೇ
ಧ್ಯಾತ್ವಾ ಬುದ್ಧಿಂ ಸುರೂಪಾಂ ಸಮರ್ಚಯೇದ್ದೇಶಿಕೋತ್ತಮಃ ॥

More Ganesha Stotras

आरती गजवदन विनायक की
Arati Gajavadana Vinayaka Ki
चिन्तामणि षट्पदी
Chintamani Shatpadi
दारिद्र्य दहन गणपति स्तोत्रम्
Daridrya Dahana Ganapati Stotram
धुण्ढिराज भुजङ्ग प्रयात स्तोत्रम्
Dhundhiraja Bhujanga Prayata Stotram
एकादश गणेश स्तोत्र (युगपुरुष कृत)
Ekadasa Ganesa Stotra Yugapurusa Krta
गजाननं भूतगणादि
Gajananam Bhuthaganadhi
ओ-ङ्ग॒णाना᳚-न्त्वा ग॒णप॑तिग्ं हवामहे क॒वि-ङ्क॑वी॒नां
Gananamtva Ganapatim
गणपत्यथर्वशीर्षम्
Ganapati Atharvashirsha (Sectioned Recension)
View All Ganesha Collection →

Explore More

Ganesha CollectionWealthObstaclesHealthProtectionWisdomHome