Lord Ganesha

બહુરૂપ ગણપતિ (દ્વાત્રિંશદ્ગણપતિ) ધ્યાન શ્લોકાઃ

(Bahurupa Ganapati (Dvatrimshad Ganapati) Dhyana Shlokas in Gujarati)

From Mudgala Purana

Also known as karastha kadalicutapanaseksukamodakam

Language:Sanskrit
Translation:English

These meditative verses describe the thirty-two distinct forms of Lord Ganesha, a collection originating from the Mudgala Purana. Each form represents unique attributes, mudras, and symbolic objects, embodying various aspects of cosmic energy and divine grace. By meditating on these Dhyana Shlokas, devotees seek to align their consciousness with the multifaceted nature of the remover of obstacles. Chanting these verses is believed to bestow spiritual clarity, mental balance, and holistic prosperity, helping the practitioner overcome deep-seated karmic challenges while invoking the protective and auspicious presence of Ganesha in his diverse manifestations.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics

1. શ્રી બાલ ગણપતિઃ

કરસ્થ કદલીચૂતપનસેક્ષુકમોદકમ્ ।
બાલસૂર્યનિભં વન્દે દેવં બાલગણાધિપમ્ ॥ 1 ॥
2. શ્રી તરુણ ગણપતિઃ
પાશાઙ્કુશાપૂપકપિત્થજમ્બૂ-
-સ્વદન્તશાલીક્ષુમપિ સ્વહસ્તૈઃ ।
ધત્તે સદા યસ્તરુણારુણાભઃ
પાયાત્ સ યુષ્માંસ્તરુણો ગણેશઃ ॥ 2 ॥
3. શ્રી ભક્ત ગણપતિઃ
નારિકેલામ્રકદલીગુડપાયસધારિણમ્ ।
શરચ્ચન્દ્રાભવપુષં ભજે ભક્તગણાધિપમ્ ॥ 3 ॥
4. શ્રી વીર ગણપતિઃ
વેતાલશક્તિશરકાર્મુકચક્રખડ્ગ-
-ખટ્વાઙ્ગમુદ્ગરગદાઙ્કુશનાગપાશાન્ ।
શૂલં ચ કુન્તપરશું ધ્વજમુદ્વહન્તં
વીરં ગણેશમરુણં સતતં સ્મરામિ ॥ 4 ॥
5. શ્રી શક્તિ ગણપતિઃ
આલિઙ્ગ્ય દેવીં હરિતાઙ્ગયષ્ટિં
પરસ્પરાશ્લિષ્ટકટિપ્રદેશમ્ ।
સન્ધ્યારુણં પાશસૃણી વહન્તં
ભયાપહં શક્તિગણેશમીડે ॥ 5 ॥
6. શ્રી દ્વિજ ગણપતિઃ
યં પુસ્તકાક્ષ ગુણદણ્ડકમણ્ડલુ શ્રી-
-વિદ્યોતમાનકરભૂષણમિન્દુવર્ણમ્ ।
સ્તમ્બેરમાનનચતુષ્ટયશોભમાનં
ત્વાં યઃ સ્મરેત્ દ્વિજગણાધિપતે સ ધન્યઃ ॥ 6 ॥
7. શ્રી સિદ્ધ ગણપતિઃ
પક્વચૂતફલપુષ્પમઞ્જરી-
-રિક્ષુદણ્ડતિલમોદકૈઃ સહ ।
ઉદ્વહન્ પરશુમસ્તુ તે નમઃ
શ્રીસમૃદ્ધિયુત હેમપિઙ્ગલ ॥ 7 ॥
8. શ્રી ઉચ્છિષ્ટ ગણપતિઃ
નીલાબ્જદાડિમીવીણાશાલીગુઞ્જાક્ષસૂત્રકમ્ ।
દધદુચ્છિષ્ટનામાયં ગણેશઃ પાતુ મેચકઃ ॥ 8 ॥
9. શ્રી વિઘ્ન ગણપતિઃ
શઙ્ખેક્ષુચાપકુસુમેષુકુઠારપાશ-
-ચક્રસ્વદન્તસૃણિમઞ્જરિકાશરાદ્યૈઃ ।
પાણિશ્રિતૈઃ પરિસમીહિતભૂષણશ્રી-
-વિઘ્નેશ્વરો વિજયતે તપનીયગૌરઃ ॥ 9 ॥
10. શ્રી ક્ષિપ્ર ગણપતિઃ
દન્તકલ્પલતાપાશરત્નકુમ્ભાઙ્કુશોજ્જ્વલમ્ ।
બન્ધૂકકમનીયાભં ધ્યાયેત્ ક્ષિપ્રગણાધિપમ્ ॥ 10 ॥
11. શ્રી હેરમ્બ ગણપતિઃ
અભયવરદહસ્તઃ પાશદન્તાક્ષમાલા-
-સૃણિપરશુ દધાનો મુદ્ગરં મોદકં ચ ।
ફલમધિગતસિંહઃ પઞ્ચમાતઙ્ગવક્ત્રો
ગણપતિરતિગૌરઃ પાતુ હેરમ્બનામા ॥ 11 ॥
12. શ્રી લક્ષ્મી ગણપતિઃ
બિભ્રાણઃ શુકબીજપૂરકમિલન્માણિક્યકુમ્ભાકુશાન્
પાશં કલ્પલતાં ચ ખડ્ગવિલસજ્જ્યોતિઃ સુધાનિર્ઝરઃ ।
શ્યામેનાત્તસરોરુહેણ સહિતં દેવીદ્વયં ચાન્તિકે
ગૌરાઙ્ગો વરદાનહસ્તસહિતો લક્ષ્મીગણેશોઽવતાત્ ॥ 12 ॥
13. શ્રી મહા ગણપતિઃ
હસ્તીન્દ્રાનનમિન્દુચૂડમરુણચ્છાયં ત્રિનેત્રં રસા-
-દાશ્લિષ્ટં પ્રિયયા સપદ્મકરયા સ્વાઙ્કસ્થયા સન્તતમ્ ।
બીજાપૂરગદેક્ષુકાર્મુકલસચ્ચક્રાબ્જપાશોત્પલ-
-વ્રીહ્યગ્રસ્વવિષાણરત્નકલશાન્ હસ્તૈર્વહન્તં ભજે ॥ 13 ॥
14. શ્રી વિજય ગણપતિઃ
પાશાઙ્કુશસ્વદન્તામ્રફલવાનાખુવાહનઃ ।
વિઘ્નં નિહન્તુ નઃ સર્વં રક્તવર્ણો વિનાયકઃ ॥ 14 ॥
15. શ્રી નૃત્ત ગણપતિઃ
પાશાઙ્કુશાપૂપકુઠારદન્ત-
-ચઞ્ચત્કરાક્લુપ્તવરાઙ્ગુલીકમ્ ।
પીતપ્રભં કલ્પતરોરધસ્થં
ભજામિ નૃત્તોપપદં ગણેશમ્ ॥ 15 ॥
16. શ્રી ઊર્ધ્વ ગણપતિઃ
કલ્હારશાલિકમલેક્ષુકચાપબાણ-
-દન્તપ્રરોહકગદી કનકોજ્જ્વલાઙ્ગઃ ।
આલિઙ્ગનોદ્યતકરો હરિતાઙ્ગયષ્ટ્યા
દેવ્યા કરોતુ શુભમૂર્ધ્વગણાધિપો મે ॥ 16 ॥
17. શ્રી એકાક્ષર ગણપતિઃ
રક્તો રક્તાઙ્ગરાગાઙ્કુશકુસુમયુતસ્તુન્દિલશ્ચન્દ્રમૌલિઃ
નેત્રૈર્યુક્તસ્ત્રિભિર્વામનકરચરણો બીજપૂરં દધાનઃ ।
હસ્તાગ્રાક્લુપ્ત પાશાઙ્કુશરદવરદો નાગવક્ત્રોઽહિભૂષો
દેવઃ પદ્માસનસ્થો ભવતુ સુખકરો ભૂતયે વિઘ્નરાજઃ ॥ 17 ॥
18. શ્રી વર ગણપતિઃ
સિન્દૂરાભમિભાનનં ત્રિનયનં હસ્તે ચ પાશાઙ્કુશૌ
બિભ્રાણં મધુમત્કપાલમનિશં સાધ્વિન્દુમૌલિં ભજે ।
પુષ્ટ્યાશ્લિષ્ટતનું ધ્વજાગ્રકરયા પદ્મોલ્લસદ્ધસ્તયા
તદ્યોન્યાહિત પાણિમાત્તવસુમત્પાત્રોલ્લસત્પુષ્કરમ્ ॥ 18 ॥
19. શ્રી ત્ર્યક્ષર ગણપતિઃ
ગજેન્દ્રવદનં સાક્ષાચ્ચલત્કર્ણસુચામરં
હેમવર્ણં ચતુર્બાહું પાશાઙ્કુશધરં વરમ્ ।
સ્વદન્તં દક્ષિણે હસ્તે સવ્યે ત્વામ્રપલં તથા
પુષ્કરૈર્મોદકં ચૈવ ધારયન્તમનુસ્મરેત્ ॥ 19 ॥
20. શ્રી ક્ષિપ્રપ્રસાદ ગણપતિઃ
ધૃતપાશાઙ્કુશકલ્પલતા સ્વરદશ્ચ બીજપૂરયુતઃ
શશિશકલકલિતમૌલિસ્ત્રિલોચનોઽરુણશ્ચ ગજવદનઃ ।
ભાસુરભૂષણદીપ્તો બૃહદુદરઃ પદ્મવિષ્ટરોલ્લસિતઃ
વિઘ્નપયોધરપવનઃ કરધૃતકમલઃ સદાસ્તુ મે ભૂત્યૈ ॥ 20 ॥
21. શ્રી હરિદ્રા ગણપતિઃ
હરિદ્રાભં ચતુર્બાહું કરીન્દ્રવદનં પ્રભુમ્ ।
પાશાઙ્કુશધરં દેવં મોદકં દન્તમેવ ચ ।
ભક્તાભયપ્રદાતારં વન્દે વિઘ્નવિનાશનમ્ ॥ 21 ॥
22. શ્રી એકદન્ત ગણપતિઃ
લમ્બોદરં શ્યામતનું ગણેશં
કુઠારમક્ષસ્રજમૂર્ધ્વગાત્રમ્ ।
સલડ્ડુકં દન્તમધઃ કરાભ્યાં
વામેતરાભ્યાં ચ દધાનમીડે ॥ 22 ॥
23. શ્રી સૃષ્ટિ ગણપતિઃ
પાશાઙ્કુશસ્વદન્તામ્રફલવાનાખુવાહનઃ ।
વિઘ્નં નિહન્તુ નઃ શોણઃ સૃષ્ટિદક્ષો વિનાયકઃ ॥ 23 ॥
24. શ્રી ઉદ્દણ્ડ ગણપતિઃ
કલ્હારામ્બુજબીજપૂરકગદાદન્તેક્ષુચાપં સુમં
બિભ્રાણો મણિકુમ્ભશાલિકલશૌ પાશં સૃણિં ચાબ્જકમ્ ।
ગૌરાઙ્ગ્યા રુચિરારવિન્દકરયા દેવ્યા સમાલિઙ્ગતઃ
શોણાઙ્ગઃ શુભમાતનોતુ ભજતામુદ્દણ્ડવિઘ્નેશ્વરઃ ॥ 24 ॥
25. શ્રી ઋણમોચક ગણપતિઃ
પાશાઙ્કુશૌ દન્તજમ્બુ દધાનઃ સ્ફાટિકપ્રભઃ ।
રક્તાંશુકો ગણપતિર્મુદે સ્યાદૃણમોચકઃ ॥ 25 ॥
26. શ્રી ઢુણ્ઢિ ગણપતિઃ
અક્ષમાલાં કુઠારં ચ રત્નપાત્રં સ્વદન્તકમ્ ।
ધત્તે કરૈર્વિઘ્નરાજો ઢુણ્ઢિનામા મુદેઽસ્તુ નઃ ॥ 26 ॥
27. શ્રી દ્વિમુખ ગણપતિઃ
સ્વદન્તપાશાઙ્કુશરત્નપાત્રં
કરૈર્દધાનો હરિનીલગાત્રઃ ।
રક્તાંશુકો રત્નકિરીટમાલી
ભૂત્યૈ સદા મે દ્વિમુખો ગણેશઃ ॥ 27 ॥
28. શ્રી ત્રિમુખ ગણપતિઃ
શ્રીમત્તીક્ષ્ણશિખાઙ્કુશાક્ષવરદાન્ દક્ષે દધાનઃ કરૈઃ
પાશં ચામૃતપૂર્ણકુમ્ભમભયં વામે દધાનો મુદા ।
પીઠે સ્વર્ણમયારવિન્દવિલસત્સત્કર્ણિકાભાસુરે
સ્વાસીનસ્ત્રિમુખઃ પલાશરુચિરો નાગાનનઃ પાતુ નઃ ॥ 28 ॥
29. શ્રી સિંહ ગણપતિઃ
વીણાં કલ્પલતામરિં ચ વરદં દક્ષે વિદત્તે કરૈ-
-ર્વામે તામરસં ચ રત્નકલશં સન્મઞ્જરીં ચાભયમ્ ।
શુણ્ડાદણ્ડલસન્મૃગેન્દ્રવદનઃ શઙ્ખેન્દુગૌરઃ શુભો
દીવ્યદ્રત્નનિભાંશુકો ગણપતિઃ પાયાદપાયત્ સ નઃ ॥ 29 ॥
30. શ્રી યોગ ગણપતિઃ
યોગારૂઢો યોગપટ્ટાભિરામો
બાલાર્કાભશ્ચેન્દ્રનીલાંશુકાઢ્યઃ ।
પાશેક્ષ્વક્ષાન્ યોગદણ્ડં દધાનો
પાયાન્નિત્યં યોગવિઘ્નેશ્વરો નઃ ॥ 30 ॥
31. શ્રી દુર્ગા ગણપતિઃ
તપ્તકાઞ્ચનસઙ્કાશશ્ચાષ્ટહસ્તો મહત્તનુઃ
દીપ્તાઙ્કુશં શરં ચાક્ષં દન્તુ દક્ષે વહન્ કરૈઃ ।
વામે પાશં કાર્મુકં ચ લતાં જમ્બુ દધત્કરૈઃ
રક્તાંશુકઃ સદા ભૂયાદ્દુર્ગાગણપતિર્મુદે ॥ 31 ॥
32. શ્રી સઙ્કષ્ટહર ગણપતિઃ
બાલાર્કારુણકાન્તિર્વામે બાલાં વહન્નઙ્કે
લસદિન્દીવરહસ્તાં ગૌરાઙ્ગીં રત્નશોભાઢ્યામ્ ।
દક્ષેઽઙ્કુશવરદાનં વામે પાશં ચ પાયસં પાત્રં
નીલાંશુકલસમાનઃ પીઠે પદ્મારુણે તિષ્ઠન્ ॥ 32 ॥
સઙ્કટહરણઃ પાયાત્ સઙ્કટપૂગાદ્ગજાનનો નિત્યમ્ ।
શ્રી વલ્લભ ગણપતિ
બીજાપૂર ગદેક્ષુકાર્મુકભુજાચક્રાબ્જ પાશોત્પલ
વ્રીહ્યગ્રસ્વવિષાણ રત્નકલશ પ્રોદ્યત્કરામ્ભોરુહઃ ।
ધ્યેયો વલ્લભયા ચ પદ્મકરયાશ્લિષ્ટો જ્વલદ્ભૂષયા
વિશ્વોત્પત્તિવિનાશસંસ્થિતિકરો વિઘ્નો વિશિષ્ટાર્થદઃ ॥
શ્રી સિદ્ધિદેવી
પીતવર્ણાં દ્વિનેત્રાં તામેકવક્ત્રામ્બુજદ્વયાં
નવરત્નકિરીટાં ચ પીતામ્બરસુધારિણીમ્ ।
વામહસ્તે મહાપદ્મં દક્ષે લમ્બકરાન્વિતાં
જાજીચમ્પકમાલાં ચ ત્રિભઙ્ગીં લલિતાઙ્ગિકામ્ ॥
ગણેશદક્ષિણે ભાગે ગુરુઃ સિદ્ધિં તુ ભાવયેત્ ॥
શ્રી બુદ્ધિદેવી
દ્વિહસ્તાં ચ દ્વિનેત્રાં તામેકવક્ત્રાં ત્રિભઙ્ગિકાં
મુક્તામણિકિરીટાં ચ દક્ષે હસ્તે મહોત્પલમ્ ।
વામે પ્રલમ્બહસ્તાં ચ દિવ્યામ્બરસુધારિણીં
શ્યામવર્ણનિભાં ભાસ્વત્સર્વાભરણભૂષિતામ્ ॥
પારિજાતોત્પલામાલ્યાં ગણેશો વામપાર્શ્વકે
ધ્યાત્વા બુદ્ધિં સુરૂપાં સમર્ચયેદ્દેશિકોત્તમઃ ॥

More Ganesha Stotras

आरती गजवदन विनायक की
Arati Gajavadana Vinayaka Ki
चिन्तामणि षट्पदी
Chintamani Shatpadi
दारिद्र्य दहन गणपति स्तोत्रम्
Daridrya Dahana Ganapati Stotram
धुण्ढिराज भुजङ्ग प्रयात स्तोत्रम्
Dhundhiraja Bhujanga Prayata Stotram
एकादश गणेश स्तोत्र (युगपुरुष कृत)
Ekadasa Ganesa Stotra Yugapurusa Krta
गजाननं भूतगणादि
Gajananam Bhuthaganadhi
ओ-ङ्ग॒णाना᳚-न्त्वा ग॒णप॑तिग्ं हवामहे क॒वि-ङ्क॑वी॒नां
Gananamtva Ganapatim
गणपत्यथर्वशीर्षम्
Ganapati Atharvashirsha (Sectioned Recension)
View All Ganesha Collection →

Explore More

Ganesha CollectionWealthObstaclesHealthProtectionWisdomHome