What is Heramba Stotram?

Read Heramba Stotram in Kannada script — full lyrics with English meaning and transliteration. Fourteen verses spoken in fear rather than in praise, and by a woman: the grammar of the first verse is feminine throughout, and what she says is closer to a bargain than a hymn — Gajanana, you who move in knowledge, you do not know me, who am beyond reproach; Ganesha, protect me, or else I shall give up this body at once, being joined to you in devotion. The second heaps his names on him in a run — Vighnesha, Heramba, Mahodara, the dear one, Lambodara, increaser of love, Achyuta, remover of obstacles, destroyer of the hosts of demons — and asks again to be saved from a demon. The last verse steps outside her voice into the narrative that frames it: seeing that great wonder, Maheshvara himself, struck with fear, remembered Ganapati, for the removal of the obstacle.

Which deity is Heramba Stotram dedicated to?

Heramba Stotram is a Sanskrit hymn dedicated to Lord Ganesha.

Heramba Stotram in Kannada – Lyrics, Meaning & Commentary

॥ ಹೇರಮ್ಬ ಸ್ತೋತ್ರಮ್ ॥

ಗೌರ್ಯುವಾಚ।

ಗಜಾನನ ಜ್ಞಾನವಿಹಾರಕಾನಿ-
-ನ್ನ ಮಾಂ ಚ ಜಾನಾಸಿ ಪರಾವಮರ್ಷಾಮ್ ।
ಗಣೇಶ ರಕ್ಷಸ್ವ ನ ಚೇಚ್ಛರೀರಂ
ತ್ಯಾಜಾಮಿ ಸದ್ಯಸ್ತ್ವಯಿ ಭಕ್ತಿಯುಕ್ತಾ ॥ ೧ ॥

ವಿಘ್ನೇಶ ಹೇರಮ್ಬ ಮಹೋದರ ಪ್ರಿಯ
ಲಮ್ಬೋದರ ಪ್ರೇಮವಿವರ್ಧನಾಚ್ಯುತ ।
ವಿಘ್ನಸ್ಯ ಹರ್ತಾಽಸುರಸಙ್ಘಹರ್ತಾ
ಮಾಂ ರಕ್ಷ ದೈತ್ಯಾತ್ತ್ವಯಿ ಭಕ್ತಿಯುಕ್ತಾಮ್ ॥ ೨ ॥

ಕಿಂ ಸಿದ್ಧಿಬುದ್ಧಿಪ್ರಸರೇಣ ಮೋಹ-
-ಯುಕ್ತೋಽಸಿ ಕಿಂ ವಾ ನಿಶಿ ನಿದ್ರಿತೋಽಸಿ ।
ಕಿಂ ಲಕ್ಷಲಾಭಾರ್ಥವಿಚಾರಯುಕ್ತಃ
ಕಿಂ ಮಾಂ ಚ ವಿಸ್ಮೃತ್ಯ ಸುಸಂಸ್ಥಿತೋಽಸಿ ॥ ೩ ॥

ಕಿಂ ಭಕ್ತಸಙ್ಗೇನ ಚ ದೇವದೇವ
ನಾನೋಪಚಾರೈಶ್ಚ ಸುಯನ್ತ್ರಿತೋಽಸಿ ।
ಕಿಂ ಮೋದಕಾರ್ಥೇ ಗಣಪಾದ್ಭೃತೋಽಸಿ
ನಾನಾವಿಹಾರೇಷು ಚ ವಕ್ರತುಣ್ಡ ॥ ೪ ॥

ಸ್ವಾನನ್ದಭೋಗೇಷು ಪರಿಹೃತೋಽಸಿ
ದಾಸೀಂ ಚ ವಿಸ್ಮೃತ್ಯ ಮಹಾನುಭಾವ ।
ಆನನ್ತ್ಯಲೀಲಾಸು ಚ ಲಾಲಸೋಽಸಿ
ಕಿಂ ಭಕ್ತರಕ್ಷಾರ್ಥಸುಸಙ್ಕಟಸ್ಥಃ ॥ ೫ ॥

ಅಹೋ ಗಣೇಶಾಮೃತಪಾನದಕ್ಷಾ-
-ಮರೈಸ್ತಥಾ ವಾಸುರಪೈಃ ಸ್ಮೃತೋಽಸಿ ।
ತದರ್ಥನಾನಾವಿಧಿಸಮ್ಯುತೋಽಸಿ
ವಿಸೃಜ್ಯ ಮಾಂ ದಾಸೀಮನನ್ಯಭಾವಾಮ್ ॥ ೬ ॥

ರಕ್ಷಸ್ವ ಮಾಂ ದೀನತಮಾ ಪರೇಶ
ಸರ್ವತ್ರ ಚಿತ್ತೇಷು ಚ ಸಂಸ್ಥಿತಸ್ತ್ವಮ್ ।
ಪ್ರಭೋ ವಿಲಮ್ಬೇನ ವಿನಾಯಕೋಽಸಿ
ಬ್ರಹ್ಮೇಶ ಕಿಂ ದೇವ ನಮೋ ನಮಸ್ತೇ ॥ ೭ ॥

ಭಕ್ತಾಭಿಮಾನೀತಿ ಚ ನಾಮ ಮುಖ್ಯಂ
ವೇದೇ ತ್ವಭಾವಾನ್ ನಹಿ ಚೇನ್ಮಹಾತ್ಮನ್ ।
ಆಗತ್ಯ ಹತ್ವಾಽದಿತಿಜಂ ಸುರೇಶ
ಮಾಂ ರಕ್ಷ ದಾಸೀಂ ಹೃದಿ ಪಾದನಿಷ್ಠಾಮ್ ॥ ೮ ॥

ಅಹೋ ನ ದೂರಂ ತವ ಕಿಞ್ಚಿದೇವ
ಕಥಂ ನ ಬುದ್ಧೀಶ ಸಮಾಗತೋಽಸಿ ।
ಸುಚಿನ್ತ್ಯದೇವ ಪ್ರಜಹಾಮಿ ದೇಹಂ
ಯಶಃ ಕರಿಷ್ಯೇ ವಿಪರೀತಮೇವಮ್ ॥ ೯ ॥

ರಕ್ಷ ರಕ್ಷ ದಯಾಸಿನ್ಧೋಽಪರಾಧಾನ್ಮೇ ಕ್ಷಮಸ್ವ ಚ ।
ಕ್ಷಣೇ ಕ್ಷಣೇ ತ್ವಹಂ ದಾಸೀ ರಕ್ಷಿತವ್ಯಾ ವಿಶೇಷತಃ ॥ ೧೦ ॥

ಸ್ತುವತ್ಯಾಮೇವ ಪಾರ್ವತ್ಯಾಂ ಶಙ್ಕರೋ ಬೋಧಸಮ್ಯುತಃ ।
ಬಭೂವ ಗಣಪಾನಾಂ ವೈ ಶ್ರುತ್ವಾ ಹಾಹಾರವಂ ವಿಧೇಃ ॥ ೧೧ ॥

ಗಣೇಶಂ ಮನಸಾ ಸ್ಮೃತ್ವಾ ವೃಷಾರೂಢಃ ಸಮಾಯಯೌ ।
ಕ್ಷಣೇನ ದೈತ್ಯರಾಜಂ ತಂ ದೃಷ್ಟ್ವಾ ಡಮರುಣಾ ಹನತ್ ॥ ೧೨ ॥

ತತಃ ಸೋಽಪಿ ಶಿವಂ ವೀಕ್ಷ್ಯಾಲಿಙ್ಗಿತುಂ ಧಾವಿತೋಽಭವತ್ ।
ಶಿವಸ್ಯ ಶೂಲಿಕಾದೀನಿ ಶಸ್ತ್ರಾಣಿ ಕುಣ್ಠಿತಾನಿ ವೈ ॥ ೧೩ ॥

ತಂ ದೃಷ್ಟ್ವಾ ಪರಮಾಶ್ಚರ್ಯಂ ಭಯಭೀತೋ ಮಹೇಶ್ವರಃ ।
ಸಸ್ಮಾರ ಗಣಪಂ ಸೋಽಪಿ ನಿರ್ವಿಘ್ನಾರ್ಥಂ ಪ್ರಜಾಪತೇ ॥ ೧೪ ॥

More Ganesha Stotras

Explore More