Lord Ganesha

nāradamunikṛtā gajānanastutiḥ

(Naradamunikrta Gajananastutih in English (IAST))

From Mudgala Purana

Also known as shri gajanana stuti narada muni krita · narada gajanana stuti · narada krita ganesha stotram

Language:Sanskrit
Translation:English

Narada's hymn to Gajanana in the Mudgala Purana, its verse numbers beginning at thirty-one. Gajanana, salutation to you, whose form is the seed of all things and who is yourself without a seed; to Ganesha, to the lord of obstacles; to the endless one, to the single-tusked, to Heramba, salutation upon salutation; to the four-armed, lord of all, to you who are to be worshipped by all. The paired opposite — seed of everything, himself seedless — is the device the whole passage runs on. The reply Narada is given is the warmest in the set: whatever he wishes, that I shall give, being bound by his devotion; by the reading and the hearing of this I am satisfied.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
gajānana namastubhyaṃ sarveṣāṃ bījarūpiṇe |
nirbījāya gaṇeśāya vighnānāṃ pataye namaḥ || 31||
anantāyaikadantāya herambāya namo namaḥ |
caturbhujāya sarveśa sarvapūjyāya te namaḥ || 32||
sarvasiddhipradātre ca surāsuramayāya te |
siddhibuddhipracālāya siddhibuddhipate namaḥ || 33||
aguṇāya guṇeśāya guṇarūpāya gauṇine |
māyāmayāya māyāyāścālakāya parātmane || 34||
sarvādaye mahodāra parākramaparāya te |
svānandavāsine te'stu namaḥ svānandadāyine || 35||
yogākārāya yogānāṃ svāmine śāntidāyine |
brahmaṇaspataye te'stu brahmaṇāṃ brahmaṇe namaḥ || 36||
anādhārāya sarveṣāmādhārāya namo namaḥ |
ādimadhyāntahīnāyādimadhyāntāya te namaḥ || 37||
paraśvaṅkuśahastāya trinetrāya mahodara |
namo mūṣakavāhāya mūṣakadhvajine namaḥ || 38||
namo namaste sakalāya dhāmne sadā sukhānandakarāya pātre |
jagat susraṣṭre sakalasya hantre guṇairvihīnāya gaṇādhipāya || 39||
videharūpāya parāya bhoktre bodhena hīnāya susāṅkhyakāya |
sadā svabuddhau parasaṃsthitāya gajātmarūpāya namo namaste || 40||
bodhahīnaṃ ca yadbrahma tadeva gajavācakam |
gajacihnena yogīndrāḥ paśyanti tvāṃ gajānanam || 41||
yathā mukhasya cihnena jñāyante mānavādayaḥ |
tathā videhacihnena jñāyase tvaṃ tu yogibhiḥ || 42||
videhaṃ gajarūpaṃ yattena te mukhamucyate |
gaṇeśasya prāptikaraṃ gajānana namo'stu te || 43||
kiṃ stavāma gaṇādhīśa yatra vedādikāstathā |
yoginaḥ śāntimāpannāstaṃ vayaṃ śaraṇaṃ gatāḥ || 44||
stutvā vighneśvaraṃ te tu praṇemustaṃ punaḥ punaḥ |
tānuvāca gaṇādhīśo harṣayan sarvabhāvavit || 45||
stotraṃ bhavatkṛtaṃ devā īśvarā munayaśca me |
sarvasiddhipradaṃ pūrṇaṃ bhaviṣyati nirantaram || 46||
yadyadicchati tattadvai dāsyāmi bhaktiyantritaḥ |
paṭhanācchravaṇādasya santuṣṭo'haṃ viśeṣataḥ || 47||
varado'haṃ vṛṇuta vo dāsyāmi varamīpsitam |
tapasā bhaktibhāvena stotreṇa tuṣṭimāgataḥ || 48||
|| iti nāradamunikṛtā gajānanastutiḥ sampūrṇā ||

More Ganesha Stotras

विघ्नासुरकृता श्रीगजाननस्तुतिः
Vighnasurakrta Srigajananastutih
श्री गणेश स्तुति
Shri Ganesh Stuti
श्रीगणेश संस्कृतमारात्रिकम्
Shri Ganesha Sanskrit Aratrikam (Sanskrit Aarti)
श्री विनायकाष्टकम्
Shri Vinayaka Ashtakam
शुक्लाम्बरधरं
Shuklambaradharam
सिद्धि विनायक स्तोत्रम्
Siddhi Vinayaka Stotram
श्री महागणेश पञ्चरत्नम्
Shri Mahaganesha Pancharatnam
श्री भानुविनायक स्तोत्रम्
Sri Bhanuvinayaka Stotram
View All Ganesha Collection →

Explore More

Ganesha CollectionWealthObstaclesHealthProtectionWisdomHome