Lord Ganesha

നാരദമുനികൃതാ ഗജാനനസ്തുതിഃ

(Naradamunikrta Gajananastutih in Malayalam)

From Mudgala Purana

Also known as shri gajanana stuti narada muni krita · narada gajanana stuti · narada krita ganesha stotram

Language:Sanskrit
Translation:English

Narada's hymn to Gajanana in the Mudgala Purana, its verse numbers beginning at thirty-one. Gajanana, salutation to you, whose form is the seed of all things and who is yourself without a seed; to Ganesha, to the lord of obstacles; to the endless one, to the single-tusked, to Heramba, salutation upon salutation; to the four-armed, lord of all, to you who are to be worshipped by all. The paired opposite — seed of everything, himself seedless — is the device the whole passage runs on. The reply Narada is given is the warmest in the set: whatever he wishes, that I shall give, being bound by his devotion; by the reading and the hearing of this I am satisfied.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
ഗജാനന നമസ്തുഭ്യം സര്വേഷാം ബീജരൂപിണേ ।
നിര്ബീജായ ഗണേശായ വിഘ്നാനാം പതയേ നമഃ ॥ ൩൧॥
അനന്തായൈകദന്തായ ഹേരമ്ബായ നമോ നമഃ ।
ചതുര്ഭുജായ സര്വേശ സര്വപൂജ്യായ തേ നമഃ ॥ ൩൨॥
സര്വസിദ്ധിപ്രദാത്രേ ച സുരാസുരമയായ തേ ।
സിദ്ധിബുദ്ധിപ്രചാലായ സിദ്ധിബുദ്ധിപതേ നമഃ ॥ ൩൩॥
അഗുണായ ഗുണേശായ ഗുണരൂപായ ഗൌണിനേ ।
മായാമയായ മായായാശ്ചാലകായ പരാത്മനേ ॥ ൩൪॥
സര്വാദയേ മഹോദാര പരാക്രമപരായ തേ ।
സ്വാനന്ദവാസിനേ തേഽസ്തു നമഃ സ്വാനന്ദദായിനേ ॥ ൩൫॥
യോഗാകാരായ യോഗാനാം സ്വാമിനേ ശാന്തിദായിനേ ।
ബ്രഹ്മണസ്പതയേ തേഽസ്തു ബ്രഹ്മണാം ബ്രഹ്മണേ നമഃ ॥ ൩൬॥
അനാധാരായ സര്വേഷാമാധാരായ നമോ നമഃ ।
ആദിമധ്യാന്തഹീനായാദിമധ്യാന്തായ തേ നമഃ ॥ ൩൭॥
പരശ്വങ്കുശഹസ്തായ ത്രിനേത്രായ മഹോദര ।
നമോ മൂഷകവാഹായ മൂഷകധ്വജിനേ നമഃ ॥ ൩൮॥
നമോ നമസ്തേ സകലായ ധാമ്നേ സദാ സുഖാനന്ദകരായ പാത്രേ ।
ജഗത് സുസ്രഷ്ട്രേ സകലസ്യ ഹന്ത്രേ ഗുണൈര്വിഹീനായ ഗണാധിപായ ॥ ൩൯॥
വിദേഹരൂപായ പരായ ഭോക്ത്രേ ബോധേന ഹീനായ സുസാങ്ഖ്യകായ ।
സദാ സ്വബുദ്ധൌ പരസംസ്ഥിതായ ഗജാത്മരൂപായ നമോ നമസ്തേ ॥ ൪൦॥
ബോധഹീനം ച യദ്ബ്രഹ്മ തദേവ ഗജവാചകമ് ।
ഗജചിഹ്നേന യോഗീന്ദ്രാഃ പശ്യന്തി ത്വാം ഗജാനനമ് ॥ ൪൧॥
യഥാ മുഖസ്യ ചിഹ്നേന ജ്ഞായന്തേ മാനവാദയഃ ।
തഥാ വിദേഹചിഹ്നേന ജ്ഞായസേ ത്വം തു യോഗിഭിഃ ॥ ൪൨॥
വിദേഹം ഗജരൂപം യത്തേന തേ മുഖമുച്യതേ ।
ഗണേശസ്യ പ്രാപ്തികരം ഗജാനന നമോഽസ്തു തേ ॥ ൪൩॥
കിം സ്തവാമ ഗണാധീശ യത്ര വേദാദികാസ്തഥാ ।
യോഗിനഃ ശാന്തിമാപന്നാസ്തം വയം ശരണം ഗതാഃ ॥ ൪൪॥
സ്തുത്വാ വിഘ്നേശ്വരം തേ തു പ്രണേമുസ്തം പുനഃ പുനഃ ।
താനുവാച ഗണാധീശോ ഹര്ഷയന് സര്വഭാവവിത് ॥ ൪൫॥
സ്തോത്രം ഭവത്കൃതം ദേവാ ഈശ്വരാ മുനയശ്ച മേ ।
സര്വസിദ്ധിപ്രദം പൂര്ണം ഭവിഷ്യതി നിരന്തരമ് ॥ ൪൬॥
യദ്യദിച്ഛതി തത്തദ്വൈ ദാസ്യാമി ഭക്തിയന്ത്രിതഃ ।
പഠനാച്ഛ്രവണാദസ്യ സന്തുഷ്ടോഽഹം വിശേഷതഃ ॥ ൪൭॥
വരദോഽഹം വൃണുത വോ ദാസ്യാമി വരമീപ്സിതമ് ।
തപസാ ഭക്തിഭാവേന സ്തോത്രേണ തുഷ്ടിമാഗതഃ ॥ ൪൮॥
॥ ഇതി നാരദമുനികൃതാ ഗജാനനസ്തുതിഃ സമ്പൂര്ണാ ॥

More Ganesha Stotras

विघ्नासुरकृता श्रीगजाननस्तुतिः
Vighnasurakrta Srigajananastutih
श्री गणेश स्तुति
Shri Ganesh Stuti
श्रीगणेश संस्कृतमारात्रिकम्
Shri Ganesha Sanskrit Aratrikam (Sanskrit Aarti)
श्री विनायकाष्टकम्
Shri Vinayaka Ashtakam
शुक्लाम्बरधरं
Shuklambaradharam
सिद्धि विनायक स्तोत्रम्
Siddhi Vinayaka Stotram
श्री महागणेश पञ्चरत्नम्
Shri Mahaganesha Pancharatnam
श्री भानुविनायक स्तोत्रम्
Sri Bhanuvinayaka Stotram
View All Ganesha Collection →

Explore More

Ganesha CollectionWealthObstaclesHealthProtectionWisdomHome