Lord Ganesha

ಶ್ರೀ ಗಣಪತಿ ಸ್ತೋತ್ರಮ್

(Sri Ganapati Stotram (Jetum Yastripuram) in Kannada)

Also known as sri ganapathi stotram · shri ganapati stotram · shree ganapati stotram

Language:Sanskrit
Translation:English

Its first verse is a list of who has needed him, and for what: Hara meditated on him to conquer Tripura, Hari to bind Bali by a trick, the lotus-born to make the world, Shesha to hold the earth up, Parvati to crush Mahishasura, the lords of the perfected for accomplishment, and the five-arrowed one to conquer the universe. The second is one figure worked nine times over — the single sun that clears the darkness of obstacles, the fire in the forest of obstacles, the Garuda to the brood of obstacle-serpents, the lion to the obstacle-elephants, the thunderbolt that splits their high mountain, the submarine fire in their ocean. The third is the body: short and thick, hanging-bellied, the cheeks restless with bees greedy for the scent of the running must. It ends by asking pardon for any syllable dropped or metre come up short.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
ಜೇತುಂ ಯಸ್ತ್ರಿಪುರಂ ಹರೇಣ ಹರಿಣಾ ವ್ಯಾಜಾದ್ಬಲಿಂ ಬಧ್ನತಾ
ಸ್ತ್ರಷ್ಟುಂ ವಾರಿಭವೋದ್ಭವೇನ ಭುವನಂ ಶೇಷೇಣ ಧರ್ತುಂ ಧರಮ್ ।
ಪಾರ್ವತ್ಯಾ ಮಹಿಷಾಸುರಪ್ರಮಥನೇ ಸಿದ್ಧಾಧಿಪೈಃ ಸಿದ್ಧಯೇ
ಧ್ಯಾತಃ ಪಞ್ಚಶರೇಣ ವಿಶ್ವಜಿತಯೇ ಪಾಯಾತ್ ಸ ನಾಗಾನನಃ ॥ ೧ ॥
ವಿಘ್ನಧ್ವಾನ್ತನಿವಾರಣೈಕತರಣಿರ್ವಿಘ್ನಾಟವೀಹವ್ಯವಾಟ್
ವಿಘ್ನವ್ಯಾಲಕುಲಾಭಿಮಾನಗರುಡೋ ವಿಘ್ನೇಭಪಞ್ಚಾನನಃ ।
ವಿಘ್ನೋತ್ತುಙ್ಗಗಿರಿಪ್ರಭೇದನಪವಿರ್ವಿಘ್ನಾಮ್ಬುಧೇರ್ವಾಡವೋ
ವಿಘ್ನಾಘೌಧಘನಪ್ರಚಣ್ಡಪವನೋ ವಿಘ್ನೇಶ್ವರಃ ಪಾತು ನಃ ॥ ೨ ॥
ಖರ್ವಂ ಸ್ಥೂಲತನುಂ ಗಜೇನ್ದ್ರವದನಂ ಲಮ್ಬೋದರಂ ಸುನ್ದರಂ
ಪ್ರಸ್ಯನ್ದನ್ಮದಗನ್ಧಲುಬ್ಧಮಧುಪವ್ಯಾಲೋಲಗಣ್ಡಸ್ಥಲಮ್ ।
ದನ್ತಾಘಾತವಿದಾರಿತಾರಿರುಧಿರೈಃ ಸಿನ್ದೂರಶೋಭಾಕರ
ವನ್ದೇ ಶೈಲಸುತಾಸುತಂ ಗಣಪತಿಂ ಸಿದ್ಧಿಪ್ರದಂ ಕಾಮದಮ್ ॥ ೩ ॥
ಗಜಾನನಾಯ ಮಹಸೇ ಪ್ರತ್ಯೂಹತಿಮಿರಚ್ಛಿದೇ ।
ಅಪಾರಕರುಣಾಪೂರತರಙ್ಗಿತದೃಶೇ ನಮಃ ॥ ೪ ॥
ಅಗಜಾನನಪದ್ಮಾರ್ಕಂ ಗಜಾನನಮಹರ್ನಿಶಮ್ ।
ಅನೇಕದಂ ತಂ ಭಕ್ತಾನಾಮೇಕದನ್ತಮುಪಾಸ್ಮಹೇ ॥ ೫ ॥
ಶ್ವೇತಾಙ್ಗಂ ಶ್ವೇತವಸ್ತ್ರಂ ಸಿತಕುಸುಮಗಣೈಃ ಪೂಜಿತಂ ಶ್ವೇತಗನ್ಧೈಃ
ಕ್ಷೀರಾಬ್ಧೌ ರತ್ನದೀಪೈಃ ಸುರನರತಿಲಕಂ ರತ್ನಸಿಂಹಾಸನಸ್ಥಮ್ ।
ದೋರ್ಭಿಃ ಪಾಶಾಙ್ಕುಶಾಬ್ಜಾಭಯವರಮನಸಂ ಚನ್ದ್ರಮೌಲಿಂ ತ್ರಿನೇತ್ರಂ
ಧ್ಯಾಯೇಚ್ಛಾನ್ತ್ಯರ್ಥಮೀಶಂ ಗಣಪತಿಮಮಲಂ ಶ್ರೀಸಮೇತಂ ಪ್ರಸನ್ನಮ್ ॥ ೬ ॥
ಆವಾಹಯೇ ತಂ ಗಣರಾಜದೇವಂ ರಕ್ತೋತ್ಪಲಾಭಾಸಮಶೇಷವನ್ದ್ಯಮ್ ।
ವಿಘ್ನಾನ್ತಕಂ ವಿಘ್ನಹರಂ ಗಣೇಶಂ ಭಜಾಮಿ ರೌದ್ರಂ ಸಹಿತಂ ಚ ಸಿದ್ಧ್ಯಾ ॥ ೭ ॥
ಯಂ ಬ್ರಹ್ಮ ವೇದಾನ್ತವಿದೋ ವದನ್ತಿ ಪರಂ ಪ್ರಧಾನಂ ಪುರುಷಂ ತಥಾಽನ್ಯೇ ।
ವಿಶ್ವೋದ್ಗತೇಃ ಕಾರಣಮೀಶ್ವರಂ ವಾ ತಸ್ಮೈ ನಮೋ ವಿಘ್ನವಿನಾಶನಾಯ ॥ ೮ ॥
ವಿಘ್ನೇಶ ವೀರ್ಯಾಣಿ ವಿಚಿತ್ರಕಾಣಿ ವನ್ದೀಜನೈರ್ಮಾಗಧಕೈಃ ಸ್ಮೃತಾನಿ ।
ಶ್ರುತ್ವಾ ಸಮುತ್ತಿಷ್ಠ ಗಜಾನನ ತ್ವಂ ಬ್ರಾಹ್ಮೇ ಜಗನ್ಮಙ್ಗಲಕಂ ಕುರುಷ್ವ ॥ ೯ ॥
ಗಣೇಶ ಹೇರಮ್ಬ ಗಜಾನನೇತಿ ಮಹೋದರ ಸ್ವಾನುಭವಪ್ರಕಾಶಿನ್ ।
ವರಿಷ್ಠ ಸಿದ್ಧಿಪ್ರಿಯ ಬುದ್ಧಿನಾಥ ವದನ್ತ ಏವಂ ತ್ಯಜತ ಪ್ರಭೀತೀಃ ॥ ೧೦ ॥
ಅನೇಕವಿಘ್ನಾನ್ತಕ ವಕ್ರತುಣ್ಡ ಸ್ವಸಞ್ಜ್ಞವಾಸಿಂಶ್ಚ ಚತುರ್ಭುಜೇತಿ ।
ಕವೀಶ ದೇವಾನ್ತಕನಾಶಕಾರಿನ್ ವದನ್ತ ಏವಂ ತ್ಯಜತ ಪ್ರಭೀತೀಃ ॥ ೧೧ ॥
ಅನನ್ತಚಿದ್ರೂಪಮಯಂ ಗಣೇಶಂ ಹ್ಯಭೇದಭೇದಾದಿವಿಹೀನಮಾದ್ಯಮ್ ।
ಹೃದಿ ಪ್ರಕಾಶಸ್ಯ ಧರಂ ಸ್ವಧೀಸ್ಥಂ ತಮೇಕದನ್ತಂ ಶರಣಂ ವ್ರಜಾಮಃ ॥ ೧೨ ॥
ವಿಶ್ವಾದಿಭೂತಂ ಹೃದಿ ಯೋಗಿನಾಂ ವೈ ಪ್ರತ್ಯಕ್ಷರೂಪೇಣ ವಿಭಾನ್ತಮೇಕಮ್ ।
ಸದಾ ನಿರಾಲಮ್ಬಸಮಾಧಿಗಮ್ಯಂ ತಮೇಕದನ್ತಂ ಶರಣಂ ವ್ರಜಾಮಃ ॥ ೧೩ ॥
ಯದೀಯವೀರ್ಯೇಣ ಸಮರ್ಥಭೂತಾ ಮಾಯಾ ತಯಾ ಸಂರಚಿತಂ ಚ ವಿಶ್ವಮ್ ।
ನಾಗಾತ್ಮಕಂ ಹ್ಯಾತ್ಮತಯಾ ಪ್ರತೀತಂ ತಮೇಕದನ್ತಂ ಶರಣಂ ವ್ರಜಾಮಃ ॥ ೧೪ ॥
ಸರ್ವಾನ್ತರೇ ಸಂಸ್ಥಿತಮೇಕಮೂಢಂ ಯದಾಜ್ಞಯಾ ಸರ್ವಮಿದಂ ವಿಭಾತಿ ।
ಅನನ್ತರೂಪಂ ಹೃದಿ ಬೋಧಕಂ ವೈ ತಮೇಕದನ್ತಂ ಶರಣಂ ವ್ರಜಾಮಃ ॥ ೧೫ ॥
ಯಂ ಯೋಗಿನೋ ಯೋಗಬಲೇನ ಸಾಧ್ಯಂ ಕುರ್ವನ್ತಿ ತಂ ಕಃ ಸ್ತವನೇನ ನೌತಿ ।
ಅತಃ ಪ್ರಣಾಮೇನ ಸುಸಿದ್ಧಿದೋಽಸ್ತು ತಮೇಕದನ್ತಂ ಶರಣಂ ವ್ರಜಾಮಃ ॥ ೧೬ ॥
ದೇವೇನ್ದ್ರಮೌಲಿಮನ್ದಾರಮಕರನ್ದಕಣಾರುಣಾಃ ।
ವಿಘ್ನಾನ್ ಹರನ್ತು ಹೇರಮ್ಬಚರಣಾಮ್ಬುಜರೇಣವಃ ॥ ೧೭ ॥
ಏಕದನ್ತಂ ಮಹಾಕಾಯಂ ಲಮ್ಬೋದರಗಜಾನನಮ್ ।
ವಿಘ್ನನಾಶಕರಂ ದೇವಂ ಹೇರಮ್ಬಂ ಪ್ರಣಮಾಮ್ಯಹಮ್ ॥ ೧೮ ॥
ಯದಕ್ಷರ ಪದ ಭ್ರಷ್ಟಂ ಮಾತ್ರಾಹೀನಂ ಚ ಯದ್ಭವೇತ್ ।
ತತ್ಸರ್ವಂ ಕ್ಷಮ್ಯತಾಂ ದೇವ ಪ್ರಸೀದ ಪರಮೇಶ್ವರ ॥ ೧೯ ॥
ಇತಿ ಶ್ರೀ ಗಣಪತಿ ಸ್ತೋತ್ರಂ ಸಮ್ಪೂರ್ಣಮ್ ।

More Ganesha Stotras

श्री गणपति तालम्
Shri Ganapati Talam
श्री गणपति गीता
Sri Ganapati Gita
श्री गणपति मन्त्राक्षरावलि स्तोत्रम्
Sri Ganapati Mantraksaravali Stotram
श्री गणेशाक्षरमालिका स्तोत्रम्
Sri Ganesaksaramalika Stotram
श्री गणेशाष्टकम्
Sri Ganesha Ashtakam (Vyasa Krutam)
श्री गणेशावतार स्तोत्रम्
Sri Ganesavatara Stotram
श्री गणेशाद्वात्रिंश नामावलिः
Sri Ganesha Dwathrimshat Namavali
श्री गणेश कीलक स्तोत्रम्
Sri Ganesa Kilaka Stotram
View All Ganesha Collection →

Explore More

Ganesha CollectionWealthObstaclesHealthProtectionWisdomHome