Lord Ganesha

ଶ୍ରୀ ଗଣପତି ସ୍ତୋତ୍ରମ୍

(Sri Ganapati Stotram (Jetum Yastripuram) in Odia)

Also known as sri ganapathi stotram · shri ganapati stotram · shree ganapati stotram

Language:Sanskrit
Translation:English

Its first verse is a list of who has needed him, and for what: Hara meditated on him to conquer Tripura, Hari to bind Bali by a trick, the lotus-born to make the world, Shesha to hold the earth up, Parvati to crush Mahishasura, the lords of the perfected for accomplishment, and the five-arrowed one to conquer the universe. The second is one figure worked nine times over — the single sun that clears the darkness of obstacles, the fire in the forest of obstacles, the Garuda to the brood of obstacle-serpents, the lion to the obstacle-elephants, the thunderbolt that splits their high mountain, the submarine fire in their ocean. The third is the body: short and thick, hanging-bellied, the cheeks restless with bees greedy for the scent of the running must. It ends by asking pardon for any syllable dropped or metre come up short.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
ଜେତୁଂ ଯସ୍ତ୍ରିପୁରଂ ହରେଣ ହରିଣା ଵ୍ଯାଜାଦ୍ବଲିଂ ବଧ୍ନତା
ସ୍ତ୍ରଷ୍ଟୁଂ ଵାରିଭଵୋଦ୍ଭଵେନ ଭୁଵନଂ ଶେଷେଣ ଧର୍ତୁଂ ଧରମ୍ ।
ପାର୍ଵତ୍ଯା ମହିଷାସୁରପ୍ରମଥନେ ସିଦ୍ଧାଧିପୈଃ ସିଦ୍ଧଯେ
ଧ୍ଯାତଃ ପଞ୍ଚଶରେଣ ଵିଶ୍ଵଜିତଯେ ପାଯାତ୍ ସ ନାଗାନନଃ ॥ ୧ ॥
ଵିଘ୍ନଧ୍ଵାନ୍ତନିଵାରଣୈକତରଣିର୍ଵିଘ୍ନାଟଵୀହଵ୍ଯଵାଟ୍
ଵିଘ୍ନଵ୍ଯାଲକୁଲାଭିମାନଗରୁଡୋ ଵିଘ୍ନେଭପଞ୍ଚାନନଃ ।
ଵିଘ୍ନୋତ୍ତୁଙ୍ଗଗିରିପ୍ରଭେଦନପଵିର୍ଵିଘ୍ନାମ୍ବୁଧେର୍ଵାଡଵୋ
ଵିଘ୍ନାଘୌଧଘନପ୍ରଚଣ୍ଡପଵନୋ ଵିଘ୍ନେଶ୍ଵରଃ ପାତୁ ନଃ ॥ ୨ ॥
ଖର୍ଵଂ ସ୍ଥୂଲତନୁଂ ଗଜେନ୍ଦ୍ରଵଦନଂ ଲମ୍ବୋଦରଂ ସୁନ୍ଦରଂ
ପ୍ରସ୍ଯନ୍ଦନ୍ମଦଗନ୍ଧଲୁବ୍ଧମଧୁପଵ୍ଯାଲୋଲଗଣ୍ଡସ୍ଥଲମ୍ ।
ଦନ୍ତାଘାତଵିଦାରିତାରିରୁଧିରୈଃ ସିନ୍ଦୂରଶୋଭାକର
ଵନ୍ଦେ ଶୈଲସୁତାସୁତଂ ଗଣପତିଂ ସିଦ୍ଧିପ୍ରଦଂ କାମଦମ୍ ॥ ୩ ॥
ଗଜାନନାଯ ମହସେ ପ୍ରତ୍ଯୂହତିମିରଚ୍ଛିଦେ ।
ଅପାରକରୁଣାପୂରତରଙ୍ଗିତଦୃଶେ ନମଃ ॥ ୪ ॥
ଅଗଜାନନପଦ୍ମାର୍କଂ ଗଜାନନମହର୍ନିଶମ୍ ।
ଅନେକଦଂ ତଂ ଭକ୍ତାନାମେକଦନ୍ତମୁପାସ୍ମହେ ॥ ୫ ॥
ଶ୍ଵେତାଙ୍ଗଂ ଶ୍ଵେତଵସ୍ତ୍ରଂ ସିତକୁସୁମଗଣୈଃ ପୂଜିତଂ ଶ୍ଵେତଗନ୍ଧୈଃ
କ୍ଷୀରାବ୍ଧୌ ରତ୍ନଦୀପୈଃ ସୁରନରତିଲକଂ ରତ୍ନସିଂହାସନସ୍ଥମ୍ ।
ଦୋର୍ଭିଃ ପାଶାଙ୍କୁଶାବ୍ଜାଭଯଵରମନସଂ ଚନ୍ଦ୍ରମୌଲିଂ ତ୍ରିନେତ୍ରଂ
ଧ୍ଯାଯେଚ୍ଛାନ୍ତ୍ଯର୍ଥମୀଶଂ ଗଣପତିମମଲଂ ଶ୍ରୀସମେତଂ ପ୍ରସନ୍ନମ୍ ॥ ୬ ॥
ଆଵାହଯେ ତଂ ଗଣରାଜଦେଵଂ ରକ୍ତୋତ୍ପଲାଭାସମଶେଷଵନ୍ଦ୍ଯମ୍ ।
ଵିଘ୍ନାନ୍ତକଂ ଵିଘ୍ନହରଂ ଗଣେଶଂ ଭଜାମି ରୌଦ୍ରଂ ସହିତଂ ଚ ସିଦ୍ଧ୍ଯା ॥ ୭ ॥
ଯଂ ବ୍ରହ୍ମ ଵେଦାନ୍ତଵିଦୋ ଵଦନ୍ତି ପରଂ ପ୍ରଧାନଂ ପୁରୁଷଂ ତଥାଽନ୍ଯେ ।
ଵିଶ୍ଵୋଦ୍ଗତେଃ କାରଣମୀଶ୍ଵରଂ ଵା ତସ୍ମୈ ନମୋ ଵିଘ୍ନଵିନାଶନାଯ ॥ ୮ ॥
ଵିଘ୍ନେଶ ଵୀର୍ଯାଣି ଵିଚିତ୍ରକାଣି ଵନ୍ଦୀଜନୈର୍ମାଗଧକୈଃ ସ୍ମୃତାନି ।
ଶ୍ରୁତ୍ଵା ସମୁତ୍ତିଷ୍ଠ ଗଜାନନ ତ୍ଵଂ ବ୍ରାହ୍ମେ ଜଗନ୍ମଙ୍ଗଲକଂ କୁରୁଷ୍ଵ ॥ ୯ ॥
ଗଣେଶ ହେରମ୍ବ ଗଜାନନେତି ମହୋଦର ସ୍ଵାନୁଭଵପ୍ରକାଶିନ୍ ।
ଵରିଷ୍ଠ ସିଦ୍ଧିପ୍ରିଯ ବୁଦ୍ଧିନାଥ ଵଦନ୍ତ ଏଵଂ ତ୍ଯଜତ ପ୍ରଭୀତୀଃ ॥ ୧୦ ॥
ଅନେକଵିଘ୍ନାନ୍ତକ ଵକ୍ରତୁଣ୍ଡ ସ୍ଵସଞ୍ଜ୍ଞଵାସିଂଶ୍ଚ ଚତୁର୍ଭୁଜେତି ।
କଵୀଶ ଦେଵାନ୍ତକନାଶକାରିନ୍ ଵଦନ୍ତ ଏଵଂ ତ୍ଯଜତ ପ୍ରଭୀତୀଃ ॥ ୧୧ ॥
ଅନନ୍ତଚିଦ୍ରୂପମଯଂ ଗଣେଶଂ ହ୍ଯଭେଦଭେଦାଦିଵିହୀନମାଦ୍ଯମ୍ ।
ହୃଦି ପ୍ରକାଶସ୍ଯ ଧରଂ ସ୍ଵଧୀସ୍ଥଂ ତମେକଦନ୍ତଂ ଶରଣଂ ଵ୍ରଜାମଃ ॥ ୧୨ ॥
ଵିଶ୍ଵାଦିଭୂତଂ ହୃଦି ଯୋଗିନାଂ ଵୈ ପ୍ରତ୍ଯକ୍ଷରୂପେଣ ଵିଭାନ୍ତମେକମ୍ ।
ସଦା ନିରାଲମ୍ବସମାଧିଗମ୍ଯଂ ତମେକଦନ୍ତଂ ଶରଣଂ ଵ୍ରଜାମଃ ॥ ୧୩ ॥
ଯଦୀଯଵୀର୍ଯେଣ ସମର୍ଥଭୂତା ମାଯା ତଯା ସଂରଚିତଂ ଚ ଵିଶ୍ଵମ୍ ।
ନାଗାତ୍ମକଂ ହ୍ଯାତ୍ମତଯା ପ୍ରତୀତଂ ତମେକଦନ୍ତଂ ଶରଣଂ ଵ୍ରଜାମଃ ॥ ୧୪ ॥
ସର୍ଵାନ୍ତରେ ସଂସ୍ଥିତମେକମୂଢଂ ଯଦାଜ୍ଞଯା ସର୍ଵମିଦଂ ଵିଭାତି ।
ଅନନ୍ତରୂପଂ ହୃଦି ବୋଧକଂ ଵୈ ତମେକଦନ୍ତଂ ଶରଣଂ ଵ୍ରଜାମଃ ॥ ୧୫ ॥
ଯଂ ଯୋଗିନୋ ଯୋଗବଲେନ ସାଧ୍ଯଂ କୁର୍ଵନ୍ତି ତଂ କଃ ସ୍ତଵନେନ ନୌତି ।
ଅତଃ ପ୍ରଣାମେନ ସୁସିଦ୍ଧିଦୋଽସ୍ତୁ ତମେକଦନ୍ତଂ ଶରଣଂ ଵ୍ରଜାମଃ ॥ ୧୬ ॥
ଦେଵେନ୍ଦ୍ରମୌଲିମନ୍ଦାରମକରନ୍ଦକଣାରୁଣାଃ ।
ଵିଘ୍ନାନ୍ ହରନ୍ତୁ ହେରମ୍ବଚରଣାମ୍ବୁଜରେଣଵଃ ॥ ୧୭ ॥
ଏକଦନ୍ତଂ ମହାକାଯଂ ଲମ୍ବୋଦରଗଜାନନମ୍ ।
ଵିଘ୍ନନାଶକରଂ ଦେଵଂ ହେରମ୍ବଂ ପ୍ରଣମାମ୍ଯହମ୍ ॥ ୧୮ ॥
ଯଦକ୍ଷର ପଦ ଭ୍ରଷ୍ଟଂ ମାତ୍ରାହୀନଂ ଚ ଯଦ୍ଭଵେତ୍ ।
ତତ୍ସର୍ଵଂ କ୍ଷମ୍ଯତାଂ ଦେଵ ପ୍ରସୀଦ ପରମେଶ୍ଵର ॥ ୧୯ ॥
ଇତି ଶ୍ରୀ ଗଣପତି ସ୍ତୋତ୍ରଂ ସମ୍ପୂର୍ଣମ୍ ।

More Ganesha Stotras

श्री गणपति तालम्
Shri Ganapati Talam
श्री गणपति गीता
Sri Ganapati Gita
श्री गणपति मन्त्राक्षरावलि स्तोत्रम्
Sri Ganapati Mantraksaravali Stotram
श्री गणेशाक्षरमालिका स्तोत्रम्
Sri Ganesaksaramalika Stotram
श्री गणेशाष्टकम्
Sri Ganesha Ashtakam (Vyasa Krutam)
श्री गणेशावतार स्तोत्रम्
Sri Ganesavatara Stotram
श्री गणेशाद्वात्रिंश नामावलिः
Sri Ganesha Dwathrimshat Namavali
श्री गणेश कीलक स्तोत्रम्
Sri Ganesa Kilaka Stotram
View All Ganesha Collection →

Explore More

Ganesha CollectionWealthObstaclesHealthProtectionWisdomHome