Lord Ganesha

ശ്രീ ഗണപതി സ്തോത്രമ്

(Sri Ganapati Stotram (Jetum Yastripuram) in Malayalam)

Also known as sri ganapathi stotram · shri ganapati stotram · shree ganapati stotram

Language:Sanskrit
Translation:English

Its first verse is a list of who has needed him, and for what: Hara meditated on him to conquer Tripura, Hari to bind Bali by a trick, the lotus-born to make the world, Shesha to hold the earth up, Parvati to crush Mahishasura, the lords of the perfected for accomplishment, and the five-arrowed one to conquer the universe. The second is one figure worked nine times over — the single sun that clears the darkness of obstacles, the fire in the forest of obstacles, the Garuda to the brood of obstacle-serpents, the lion to the obstacle-elephants, the thunderbolt that splits their high mountain, the submarine fire in their ocean. The third is the body: short and thick, hanging-bellied, the cheeks restless with bees greedy for the scent of the running must. It ends by asking pardon for any syllable dropped or metre come up short.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
ജേതും യസ്ത്രിപുരം ഹരേണ ഹരിണാ വ്യാജാദ്ബലിം ബധ്നതാ
സ്ത്രഷ്ടും വാരിഭവോദ്ഭവേന ഭുവനം ശേഷേണ ധര്തും ധരമ് ।
പാര്വത്യാ മഹിഷാസുരപ്രമഥനേ സിദ്ധാധിപൈഃ സിദ്ധയേ
ധ്യാതഃ പഞ്ചശരേണ വിശ്വജിതയേ പായാത് സ നാഗാനനഃ ॥ ൧ ॥
വിഘ്നധ്വാന്തനിവാരണൈകതരണിര്വിഘ്നാടവീഹവ്യവാട്
വിഘ്നവ്യാലകുലാഭിമാനഗരുഡോ വിഘ്നേഭപഞ്ചാനനഃ ।
വിഘ്നോത്തുങ്ഗഗിരിപ്രഭേദനപവിര്വിഘ്നാമ്ബുധേര്വാഡവോ
വിഘ്നാഘൌധഘനപ്രചണ്ഡപവനോ വിഘ്നേശ്വരഃ പാതു നഃ ॥ ൨ ॥
ഖര്വം സ്ഥൂലതനും ഗജേന്ദ്രവദനം ലമ്ബോദരം സുന്ദരം
പ്രസ്യന്ദന്മദഗന്ധലുബ്ധമധുപവ്യാലോലഗണ്ഡസ്ഥലമ് ।
ദന്താഘാതവിദാരിതാരിരുധിരൈഃ സിന്ദൂരശോഭാകര
വന്ദേ ശൈലസുതാസുതം ഗണപതിം സിദ്ധിപ്രദം കാമദമ് ॥ ൩ ॥
ഗജാനനായ മഹസേ പ്രത്യൂഹതിമിരച്ഛിദേ ।
അപാരകരുണാപൂരതരങ്ഗിതദൃശേ നമഃ ॥ ൪ ॥
അഗജാനനപദ്മാര്കം ഗജാനനമഹര്നിശമ് ।
അനേകദം തം ഭക്താനാമേകദന്തമുപാസ്മഹേ ॥ ൫ ॥
ശ്വേതാങ്ഗം ശ്വേതവസ്ത്രം സിതകുസുമഗണൈഃ പൂജിതം ശ്വേതഗന്ധൈഃ
ക്ഷീരാബ്ധൌ രത്നദീപൈഃ സുരനരതിലകം രത്നസിംഹാസനസ്ഥമ് ।
ദോര്ഭിഃ പാശാങ്കുശാബ്ജാഭയവരമനസം ചന്ദ്രമൌലിം ത്രിനേത്രം
ധ്യായേച്ഛാന്ത്യര്ഥമീശം ഗണപതിമമലം ശ്രീസമേതം പ്രസന്നമ് ॥ ൬ ॥
ആവാഹയേ തം ഗണരാജദേവം രക്തോത്പലാഭാസമശേഷവന്ദ്യമ് ।
വിഘ്നാന്തകം വിഘ്നഹരം ഗണേശം ഭജാമി രൌദ്രം സഹിതം ച സിദ്ധ്യാ ॥ ൭ ॥
യം ബ്രഹ്മ വേദാന്തവിദോ വദന്തി പരം പ്രധാനം പുരുഷം തഥാഽന്യേ ।
വിശ്വോദ്ഗതേഃ കാരണമീശ്വരം വാ തസ്മൈ നമോ വിഘ്നവിനാശനായ ॥ ൮ ॥
വിഘ്നേശ വീര്യാണി വിചിത്രകാണി വന്ദീജനൈര്മാഗധകൈഃ സ്മൃതാനി ।
ശ്രുത്വാ സമുത്തിഷ്ഠ ഗജാനന ത്വം ബ്രാഹ്മേ ജഗന്മങ്ഗലകം കുരുഷ്വ ॥ ൯ ॥
ഗണേശ ഹേരമ്ബ ഗജാനനേതി മഹോദര സ്വാനുഭവപ്രകാശിന് ।
വരിഷ്ഠ സിദ്ധിപ്രിയ ബുദ്ധിനാഥ വദന്ത ഏവം ത്യജത പ്രഭീതീഃ ॥ ൧൦ ॥
അനേകവിഘ്നാന്തക വക്രതുണ്ഡ സ്വസഞ്ജ്ഞവാസിംശ്ച ചതുര്ഭുജേതി ।
കവീശ ദേവാന്തകനാശകാരിന് വദന്ത ഏവം ത്യജത പ്രഭീതീഃ ॥ ൧൧ ॥
അനന്തചിദ്രൂപമയം ഗണേശം ഹ്യഭേദഭേദാദിവിഹീനമാദ്യമ് ।
ഹൃദി പ്രകാശസ്യ ധരം സ്വധീസ്ഥം തമേകദന്തം ശരണം വ്രജാമഃ ॥ ൧൨ ॥
വിശ്വാദിഭൂതം ഹൃദി യോഗിനാം വൈ പ്രത്യക്ഷരൂപേണ വിഭാന്തമേകമ് ।
സദാ നിരാലമ്ബസമാധിഗമ്യം തമേകദന്തം ശരണം വ്രജാമഃ ॥ ൧൩ ॥
യദീയവീര്യേണ സമര്ഥഭൂതാ മായാ തയാ സംരചിതം ച വിശ്വമ് ।
നാഗാത്മകം ഹ്യാത്മതയാ പ്രതീതം തമേകദന്തം ശരണം വ്രജാമഃ ॥ ൧൪ ॥
സര്വാന്തരേ സംസ്ഥിതമേകമൂഢം യദാജ്ഞയാ സര്വമിദം വിഭാതി ।
അനന്തരൂപം ഹൃദി ബോധകം വൈ തമേകദന്തം ശരണം വ്രജാമഃ ॥ ൧൫ ॥
യം യോഗിനോ യോഗബലേന സാധ്യം കുര്വന്തി തം കഃ സ്തവനേന നൌതി ।
അതഃ പ്രണാമേന സുസിദ്ധിദോഽസ്തു തമേകദന്തം ശരണം വ്രജാമഃ ॥ ൧൬ ॥
ദേവേന്ദ്രമൌലിമന്ദാരമകരന്ദകണാരുണാഃ ।
വിഘ്നാന് ഹരന്തു ഹേരമ്ബചരണാമ്ബുജരേണവഃ ॥ ൧൭ ॥
ഏകദന്തം മഹാകായം ലമ്ബോദരഗജാനനമ് ।
വിഘ്നനാശകരം ദേവം ഹേരമ്ബം പ്രണമാമ്യഹമ് ॥ ൧൮ ॥
യദക്ഷര പദ ഭ്രഷ്ടം മാത്രാഹീനം ച യദ്ഭവേത് ।
തത്സര്വം ക്ഷമ്യതാം ദേവ പ്രസീദ പരമേശ്വര ॥ ൧൯ ॥
ഇതി ശ്രീ ഗണപതി സ്തോത്രം സമ്പൂര്ണമ് ।

More Ganesha Stotras

श्री गणपति तालम्
Shri Ganapati Talam
श्री गणपति गीता
Sri Ganapati Gita
श्री गणपति मन्त्राक्षरावलि स्तोत्रम्
Sri Ganapati Mantraksaravali Stotram
श्री गणेशाक्षरमालिका स्तोत्रम्
Sri Ganesaksaramalika Stotram
श्री गणेशाष्टकम्
Sri Ganesha Ashtakam (Vyasa Krutam)
श्री गणेशावतार स्तोत्रम्
Sri Ganesavatara Stotram
श्री गणेशाद्वात्रिंश नामावलिः
Sri Ganesha Dwathrimshat Namavali
श्री गणेश कीलक स्तोत्रम्
Sri Ganesa Kilaka Stotram
View All Ganesha Collection →

Explore More

Ganesha CollectionWealthObstaclesHealthProtectionWisdomHome