Lord Ganesha

శ్రీ గణపతి స్తోత్రమ్

(Sri Ganapati Stotram (Jetum Yastripuram) in Telugu)

Also known as sri ganapathi stotram · shri ganapati stotram · shree ganapati stotram

Language:Sanskrit
Translation:English

Its first verse is a list of who has needed him, and for what: Hara meditated on him to conquer Tripura, Hari to bind Bali by a trick, the lotus-born to make the world, Shesha to hold the earth up, Parvati to crush Mahishasura, the lords of the perfected for accomplishment, and the five-arrowed one to conquer the universe. The second is one figure worked nine times over — the single sun that clears the darkness of obstacles, the fire in the forest of obstacles, the Garuda to the brood of obstacle-serpents, the lion to the obstacle-elephants, the thunderbolt that splits their high mountain, the submarine fire in their ocean. The third is the body: short and thick, hanging-bellied, the cheeks restless with bees greedy for the scent of the running must. It ends by asking pardon for any syllable dropped or metre come up short.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
జేతుం యస్త్రిపురం హరేణ హరిణా వ్యాజాద్బలిం బధ్నతా
స్త్రష్టుం వారిభవోద్భవేన భువనం శేషేణ ధర్తుం ధరమ్ ।
పార్వత్యా మహిషాసురప్రమథనే సిద్ధాధిపైః సిద్ధయే
ధ్యాతః పఞ్చశరేణ విశ్వజితయే పాయాత్ స నాగాననః ॥ ౧ ॥
విఘ్నధ్వాన్తనివారణైకతరణిర్విఘ్నాటవీహవ్యవాట్
విఘ్నవ్యాలకులాభిమానగరుడో విఘ్నేభపఞ్చాననః ।
విఘ్నోత్తుఙ్గగిరిప్రభేదనపవిర్విఘ్నామ్బుధేర్వాడవో
విఘ్నాఘౌధఘనప్రచణ్డపవనో విఘ్నేశ్వరః పాతు నః ॥ ౨ ॥
ఖర్వం స్థూలతనుం గజేన్ద్రవదనం లమ్బోదరం సున్దరం
ప్రస్యన్దన్మదగన్ధలుబ్ధమధుపవ్యాలోలగణ్డస్థలమ్ ।
దన్తాఘాతవిదారితారిరుధిరైః సిన్దూరశోభాకర
వన్దే శైలసుతాసుతం గణపతిం సిద్ధిప్రదం కామదమ్ ॥ ౩ ॥
గజాననాయ మహసే ప్రత్యూహతిమిరచ్ఛిదే ।
అపారకరుణాపూరతరఙ్గితదృశే నమః ॥ ౪ ॥
అగజాననపద్మార్కం గజాననమహర్నిశమ్ ।
అనేకదం తం భక్తానామేకదన్తముపాస్మహే ॥ ౫ ॥
శ్వేతాఙ్గం శ్వేతవస్త్రం సితకుసుమగణైః పూజితం శ్వేతగన్ధైః
క్షీరాబ్ధౌ రత్నదీపైః సురనరతిలకం రత్నసింహాసనస్థమ్ ।
దోర్భిః పాశాఙ్కుశాబ్జాభయవరమనసం చన్ద్రమౌలిం త్రినేత్రం
ధ్యాయేచ్ఛాన్త్యర్థమీశం గణపతిమమలం శ్రీసమేతం ప్రసన్నమ్ ॥ ౬ ॥
ఆవాహయే తం గణరాజదేవం రక్తోత్పలాభాసమశేషవన్ద్యమ్ ।
విఘ్నాన్తకం విఘ్నహరం గణేశం భజామి రౌద్రం సహితం చ సిద్ధ్యా ॥ ౭ ॥
యం బ్రహ్మ వేదాన్తవిదో వదన్తి పరం ప్రధానం పురుషం తథాఽన్యే ।
విశ్వోద్గతేః కారణమీశ్వరం వా తస్మై నమో విఘ్నవినాశనాయ ॥ ౮ ॥
విఘ్నేశ వీర్యాణి విచిత్రకాణి వన్దీజనైర్మాగధకైః స్మృతాని ।
శ్రుత్వా సముత్తిష్ఠ గజానన త్వం బ్రాహ్మే జగన్మఙ్గలకం కురుష్వ ॥ ౯ ॥
గణేశ హేరమ్బ గజాననేతి మహోదర స్వానుభవప్రకాశిన్ ।
వరిష్ఠ సిద్ధిప్రియ బుద్ధినాథ వదన్త ఏవం త్యజత ప్రభీతీః ॥ ౧౦ ॥
అనేకవిఘ్నాన్తక వక్రతుణ్డ స్వసఞ్జ్ఞవాసింశ్చ చతుర్భుజేతి ।
కవీశ దేవాన్తకనాశకారిన్ వదన్త ఏవం త్యజత ప్రభీతీః ॥ ౧౧ ॥
అనన్తచిద్రూపమయం గణేశం హ్యభేదభేదాదివిహీనమాద్యమ్ ।
హృది ప్రకాశస్య ధరం స్వధీస్థం తమేకదన్తం శరణం వ్రజామః ॥ ౧౨ ॥
విశ్వాదిభూతం హృది యోగినాం వై ప్రత్యక్షరూపేణ విభాన్తమేకమ్ ।
సదా నిరాలమ్బసమాధిగమ్యం తమేకదన్తం శరణం వ్రజామః ॥ ౧౩ ॥
యదీయవీర్యేణ సమర్థభూతా మాయా తయా సంరచితం చ విశ్వమ్ ।
నాగాత్మకం హ్యాత్మతయా ప్రతీతం తమేకదన్తం శరణం వ్రజామః ॥ ౧౪ ॥
సర్వాన్తరే సంస్థితమేకమూఢం యదాజ్ఞయా సర్వమిదం విభాతి ।
అనన్తరూపం హృది బోధకం వై తమేకదన్తం శరణం వ్రజామః ॥ ౧౫ ॥
యం యోగినో యోగబలేన సాధ్యం కుర్వన్తి తం కః స్తవనేన నౌతి ।
అతః ప్రణామేన సుసిద్ధిదోఽస్తు తమేకదన్తం శరణం వ్రజామః ॥ ౧౬ ॥
దేవేన్ద్రమౌలిమన్దారమకరన్దకణారుణాః ।
విఘ్నాన్ హరన్తు హేరమ్బచరణామ్బుజరేణవః ॥ ౧౭ ॥
ఏకదన్తం మహాకాయం లమ్బోదరగజాననమ్ ।
విఘ్ననాశకరం దేవం హేరమ్బం ప్రణమామ్యహమ్ ॥ ౧౮ ॥
యదక్షర పద భ్రష్టం మాత్రాహీనం చ యద్భవేత్ ।
తత్సర్వం క్షమ్యతాం దేవ ప్రసీద పరమేశ్వర ॥ ౧౯ ॥
ఇతి శ్రీ గణపతి స్తోత్రం సమ్పూర్ణమ్ ।

More Ganesha Stotras

श्री गणपति तालम्
Shri Ganapati Talam
श्री गणपति गीता
Sri Ganapati Gita
श्री गणपति मन्त्राक्षरावलि स्तोत्रम्
Sri Ganapati Mantraksaravali Stotram
श्री गणेशाक्षरमालिका स्तोत्रम्
Sri Ganesaksaramalika Stotram
श्री गणेशाष्टकम्
Sri Ganesha Ashtakam (Vyasa Krutam)
श्री गणेशावतार स्तोत्रम्
Sri Ganesavatara Stotram
श्री गणेशाद्वात्रिंश नामावलिः
Sri Ganesha Dwathrimshat Namavali
श्री गणेश कीलक स्तोत्रम्
Sri Ganesa Kilaka Stotram
View All Ganesha Collection →

Explore More

Ganesha CollectionWealthObstaclesHealthProtectionWisdomHome