ശ്രീ കാമാഖ്യാ സ്തോത്രം

ജയ കാമേശി ചാമുണ്ഡേ ജയ ഭൂതാപഹാരിണി ।
ജയ സര്വഗതേ ദേവി കാമേശ്വരി നമോഽസ്തു തേ ॥ 1 ॥

വിശ്വമൂര്തേ ശുഭേ ശുദ്ധേ വിരൂപാക്ഷി ത്രിലോചനേ ।
ഭീമരൂപേ ശിവേ വിദ്യേ കാമേശ്വരി നമോഽസ്തു തേ ॥ 2 ॥

മാലാജയേ ജയേ ജമ്ഭേ ഭൂതാക്ഷി ക്ഷുഭിതേഽക്ഷയേ ।
മഹാമായേ മഹേശാനി കാമേശ്വരി നമോഽസ്തു തേ ॥ 3 ॥
ഭീമാക്ഷി ഭീഷണേ ദേവി സര്വഭൂതക്ഷയങ്കരി ।
കാലി ച വികരാലി ച കാമേശ്വരി നമോഽസ്തു തേ ॥ 3 ॥
കാലി കരാലവിക്രാന്തേ കാമേശ്വരി ഹരപ്രിയേ ।
സര്വശാസ്ത്രസാരഭൂതേ കാമേശ്വരി നമോഽസ്തു തേ ॥ 4 ॥
കാമരൂപപ്രദീപേ ച നീലകൂടനിവാസിനി ।
നിശുമ്ഭശുമ്ഭമഥനി കാമേശ്വരി നമോഽസ്തു തേ ॥ 5 ॥
കാമാഖ്യേ കാമരൂപസ്ഥേ കാമേശ്വരി ഹരിപ്രിയേ ।
കാമനാം ദേഹി മേ നിത്യം കാമേശ്വരി നമോഽസ്തു തേ ॥ 6 ॥
വപാനാഢ്യമഹാവക്ത്രേ തഥാ ത്രിഭുവനേശ്വരി ।
മഹിഷാസുരവധേ ദേവി കാമേശ്വരി നമോഽസ്തു തേ ॥ 7 ॥
ഛാഗതുഷ്ടേ മഹാഭീമേ കാമാഖ്യേ സുരവന്ദിതേ ।
ജയ കാമപ്രദേ തുഷ്ടേ കാമേശ്വരി നമോഽസ്തു തേ ॥ 8 ॥
ഭ്രഷ്ടരാജ്യോ യദാ രാജാ നവമ്യാം നിയതഃ ശുചിഃ ।
അഷ്ടമ്യാം ച ചതുര്ദശ്യാമുപവാസീ നരോത്തമഃ ॥ 9 ॥
സംവത്സരേണ ലഭതേ രാജ്യം നിഷ്കണ്ടകം പുനഃ ।
യ ഇദം ശൃണുയാദ്ഭക്ത്യാ തവ ദേവി സമുദ്ഭവമ് ।
സര്വപാപവിനിര്മുക്തഃ പരം നിര്വാണമൃച്ഛതി ॥ 10 ॥
ശ്രീകാമരൂപേശ്വരി ഭാസ്കരപ്രഭേപ്രകാശിതാമ്ഭോജനിഭായതാനനേ ।
സുരാരിരക്ഷഃസ്തുതിപാതനോത്സുകേത്രയീമയേ ദേവനുതേ നമാമി ॥ 11 ॥
സിതാസിതേ രക്തപിശങ്ഗവിഗ്രഹേരൂപാണി യസ്യാഃ പ്രതിഭാന്തി താനി ।
വികാരരൂപാ ച വികല്പിതാനിശുഭാശുഭാനാമപി താം നമാമി ॥ 12 ॥
കാമരൂപസമുദ്ഭൂതേ കാമപീഠാവതംസകേ ।
വിശ്വാധാരേ മഹാമായേ കാമേശ്വരി നമോഽസ്തു തേ ॥ 13 ॥
അവ്യക്തവിഗ്രഹേ ശാന്തേ സന്തതേ കാമരൂപിണി ।
കാലഗമ്യേ പരേ ശാന്തേ കാമേശ്വരി നമോഽസ്തു തേ ॥ 14 ॥
യാ സുഷുമ്നാന്തരാലസ്ഥാ ചിന്ത്യതേ ജ്യോതിരൂപിണീ ।
പ്രണതോഽസ്മി പരാം വീരാം കാമേശ്വരി നമോഽസ്തു തേ ॥ 15 ॥
ദംഷ്ട്രാകരാലവദനേ മുണ്ഡമാലോപശോഭിതേ ।
സര്വതഃ സര്വഗേ ദേവി കാമേശ്വരി നമോഽസ്തു തേ ॥ 16 ॥
ചാമുണ്ഡേ ച മഹാകാലി കാലി കപാലഹാരിണീ ।
പാശഹസ്തേ ദണ്ഡഹസ്തേ കാമേശ്വരി നമോഽസ്തു തേ ॥ 17 ॥
ചാമുണ്ഡേ കുലമാലാസ്യേ തീക്ഷ്ണദംഷ്ട്രേ മഹാബലേ ।
ശവയാനസ്ഥിതേ ദേവി കാമേശ്വരി നമോഽസ്തു തേ ॥ 18 ॥