ശ്രീവിദ്യേ ശിവവാമഭാഗനിലയേ ശ്രീരാജരാജാര്ചിതേ
ശ്രീനാഥാദിഗുരുസ്വരൂപവിഭവേ ചിന്താമണീപീഠികേ ।
ശ്രീവാണീഗിരിജാനുതാങ്ഘ്രികമലേ ശ്രീശാമ്ഭവി ശ്രീശിവേ
മധ്യാഹ്നേ മലയധ്വജാധിപസുതേ മാം പാഹി മീനാമ്ബികേ ॥ 1 ॥
ശ്രീനാഥാദിഗുരുസ്വരൂപവിഭവേ ചിന്താമണീപീഠികേ ।
ശ്രീവാണീഗിരിജാനുതാങ്ഘ്രികമലേ ശ്രീശാമ്ഭവി ശ്രീശിവേ
മധ്യാഹ്നേ മലയധ്വജാധിപസുതേ മാം പാഹി മീനാമ്ബികേ ॥ 1 ॥
ചക്രസ്ഥേഽചപലേ ചരാചരജഗന്നാഥേ ജഗത്പൂജിതേ
ആര്താലീവരദേ നതാഭയകരേ വക്ഷോജഭാരാന്വിതേ ।
വിദ്യേ വേദകലാപമൌലിവിദിതേ വിദ്യുല്ലതാവിഗ്രഹേ
മാതഃ പൂര്ണസുധാരസാര്ദ്രഹൃദയേ മാം പാഹി മീനാമ്ബികേ ॥ 2 ॥
ആര്താലീവരദേ നതാഭയകരേ വക്ഷോജഭാരാന്വിതേ ।
വിദ്യേ വേദകലാപമൌലിവിദിതേ വിദ്യുല്ലതാവിഗ്രഹേ
മാതഃ പൂര്ണസുധാരസാര്ദ്രഹൃദയേ മാം പാഹി മീനാമ്ബികേ ॥ 2 ॥
കോടീരാങ്ഗദരത്നകുണ്ഡലധരേ കോദണ്ഡബാണാഞ്ചിതേ
കോകാകാരകുചദ്വയോപരിലസത്പ്രാലമ്ബഹാരാഞ്ചിതേ ।
ശിഞ്ജന്നൂപുരപാദസാരസമണീശ്രീപാദുകാലങ്കൃതേ
മദ്ദാരിദ്ര്യഭുജങ്ഗഗാരുഡഖഗേ മാം പാഹി മീനാമ്ബികേ ॥ 3 ॥
കോകാകാരകുചദ്വയോപരിലസത്പ്രാലമ്ബഹാരാഞ്ചിതേ ।
ശിഞ്ജന്നൂപുരപാദസാരസമണീശ്രീപാദുകാലങ്കൃതേ
മദ്ദാരിദ്ര്യഭുജങ്ഗഗാരുഡഖഗേ മാം പാഹി മീനാമ്ബികേ ॥ 3 ॥
ബ്രഹ്മേശാച്യുതഗീയമാനചരിതേ പ്രേതാസനാന്തസ്ഥിതേ
പാശോദങ്കുശചാപബാണകലിതേ ബാലേന്ദുചൂഡാഞ്ചിതേ ।
ബാലേ ബാലകുരങ്ഗലോലനയനേ ബാലാര്കകോട്യുജ്ജ്വലേ
മുദ്രാരാധിതദൈവതേ മുനിസുതേ മാം പാഹി മീനാമ്ബികേ ॥ 4 ॥
പാശോദങ്കുശചാപബാണകലിതേ ബാലേന്ദുചൂഡാഞ്ചിതേ ।
ബാലേ ബാലകുരങ്ഗലോലനയനേ ബാലാര്കകോട്യുജ്ജ്വലേ
മുദ്രാരാധിതദൈവതേ മുനിസുതേ മാം പാഹി മീനാമ്ബികേ ॥ 4 ॥
ഗന്ധര്വാമരയക്ഷപന്നഗനുതേ ഗങ്ഗാധരാലിങ്ഗിതേ
ഗായത്രീഗരുഡാസനേ കമലജേ സുശ്യാമലേ സുസ്ഥിതേ ।
ഖാതീതേ ഖലദാരുപാവകശിഖേ ഖദ്യോതകോട്യുജ്ജ്വലേ
മന്ത്രാരാധിതദൈവതേ മുനിസുതേ മാം പാഹീ മീനാമ്ബികേ ॥ 5 ॥
ഗായത്രീഗരുഡാസനേ കമലജേ സുശ്യാമലേ സുസ്ഥിതേ ।
ഖാതീതേ ഖലദാരുപാവകശിഖേ ഖദ്യോതകോട്യുജ്ജ്വലേ
മന്ത്രാരാധിതദൈവതേ മുനിസുതേ മാം പാഹീ മീനാമ്ബികേ ॥ 5 ॥
നാദേ നാരദതുമ്ബുരാദ്യവിനുതേ നാദാന്തനാദാത്മികേ
നിത്യേ നീലലതാത്മികേ നിരുപമേ നീവാരശൂകോപമേ ।
കാന്തേ കാമകലേ കദമ്ബനിലയേ കാമേശ്വരാങ്കസ്ഥിതേ
മദ്വിദ്യേ മദഭീഷ്ടകല്പലതികേ മാം പാഹി മീനാമ്ബികേ ॥ 6 ॥
നിത്യേ നീലലതാത്മികേ നിരുപമേ നീവാരശൂകോപമേ ।
കാന്തേ കാമകലേ കദമ്ബനിലയേ കാമേശ്വരാങ്കസ്ഥിതേ
മദ്വിദ്യേ മദഭീഷ്ടകല്പലതികേ മാം പാഹി മീനാമ്ബികേ ॥ 6 ॥
വീണാനാദനിമീലിതാര്ധനയനേ വിസ്രസ്തചൂലീഭരേ
താമ്ബൂലാരുണപല്ലവാധരയുതേ താടങ്കഹാരാന്വിതേ ।
ശ്യാമേ ചന്ദ്രകലാവതംസകലിതേ കസ്തൂരികാഫാലികേ
പൂര്ണേ പൂര്ണകലാഭിരാമവദനേ മാം പാഹി മീനാമ്ബികേ ॥ 7 ॥
താമ്ബൂലാരുണപല്ലവാധരയുതേ താടങ്കഹാരാന്വിതേ ।
ശ്യാമേ ചന്ദ്രകലാവതംസകലിതേ കസ്തൂരികാഫാലികേ
പൂര്ണേ പൂര്ണകലാഭിരാമവദനേ മാം പാഹി മീനാമ്ബികേ ॥ 7 ॥
ശബ്ദബ്രഹ്മമയീ ചരാചരമയീ ജ്യോതിര്മയീ വാങ്മയീ
നിത്യാനന്ദമയീ നിരഞ്ജനമയീ തത്ത്വമ്മയീ ചിന്മയീ ।
തത്ത്വാതീതമയീ പരാത്പരമയീ മായാമയീ ശ്രീമയീ
സര്വൈശ്വര്യമയീ സദാശിവമയീ മാം പാഹി മീനാമ്ബികേ ॥ 8 ॥
നിത്യാനന്ദമയീ നിരഞ്ജനമയീ തത്ത്വമ്മയീ ചിന്മയീ ।
തത്ത്വാതീതമയീ പരാത്പരമയീ മായാമയീ ശ്രീമയീ
സര്വൈശ്വര്യമയീ സദാശിവമയീ മാം പാഹി മീനാമ്ബികേ ॥ 8 ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൌ മീനാക്ഷീ സ്തോത്രമ് ।