What is Bhagavad Gita Chapter 7 — Jñāna-Vijñāna Yoga?

Read Bhagavad Gita Chapter 7 — Jñāna-Vijñāna Yoga in Assamese script — full lyrics with English meaning and transliteration. Krishna invites Arjuna to listen with faith so that he may understand him completely. He reveals that all beings arise from two divine aspects: his lower nature, consisting of material elements, and his higher nature, which is pure consciousness. These together form the totality of existence. He declares that few recognize this truth because the world is veiled by māyā — the divine power of illusion — which makes beings identify with the temporary rather than the eternal. Those bound by desire and ignorance fail to perceive him, but the wise, seeing him as the origin of all, worship with steadfast devotion.

Which deity is Bhagavad Gita Chapter 7 — Jñāna-Vijñāna Yoga dedicated to?

Bhagavad Gita Chapter 7 — Jñāna-Vijñāna Yoga is a Sanskrit hymn dedicated to Lord Krishna.

Who composed Bhagavad Gita Chapter 7 — Jñāna-Vijñāna Yoga?

Bhagavad Gita Chapter 7 — Jñāna-Vijñāna Yoga is traditionally attributed to Vyasa.

Bhagavad Gita Chapter 7 — Jñāna-Vijñāna Yoga in Assamese

ওঁ শ্ৰী পৰমাত্মনে নমঃ

অথ সপ্তমোঽধ্যাযঃ ।
জ্ঞানৱিজ্ঞানযোগঃ
শ্ৰীভগৱানুৱাচ

ময্যাসক্তমনাঃ পাৰ্থ যোগং যুঞ্জন্মদাশ্ৰযঃ ।
অসংশযং সমগ্ৰং মাং যথা জ্ঞাস্যসি তচ্ছৃণু ॥ 1 ॥

জ্ঞানং তেঽহং সৱিজ্ঞানমিদং ৱক্ষ্যাম্যশেষতঃ ।
যজ্জ্ঞাত্ৱা নেহ ভূযোঽন্যজ্জ্ঞাতৱ্যমৱশিষ্যতে ॥ 2 ॥

মনুষ্যাণাং সহস্ৰেষু কশ্চিদ্যততি সিদ্ধযে ।
যততামপি সিদ্ধানাং কশ্চিন্মাং ৱেত্তি তত্ত্ৱতঃ ॥ 3 ॥

ভূমিৰাপোঽনলো ৱাযুঃ খং মনো বুদ্ধিৰেৱ চ ।
অহঙ্কাৰ ইতীযং মে ভিন্না প্ৰকৃতিৰষ্টধা ॥ 4 ॥

অপৰেযমিতস্ত্ৱন্যাং প্ৰকৃতিং ৱিদ্ধি মে পৰাম্ ।
জীৱভূতাং মহাবাহো যযেদং ধাৰ্যতে জগত্ ॥ 5 ॥

এতদ্যোনীনি ভূতানি সৰ্ৱাণীত্যুপধাৰয ।
অহং কৃত্স্নস্য জগতঃ প্ৰভৱঃ প্ৰলযস্তথা ॥ 6 ॥

মত্তঃ পৰতৰং নান্যত্কিঞ্চিদস্তি ধনঞ্জয ।
মযি সৰ্ৱমিদং প্ৰোতং সূত্ৰে মণিগণা ইৱ ॥ 7 ॥

ৰসোঽহমপ্সু কৌন্তেয প্ৰভাস্মি শশিসূৰ্যযোঃ ।
প্ৰণৱঃ সৰ্ৱৱেদেষু শব্দঃ খে পৌৰুষং নৃষু ॥ 8 ॥

পুণ্যো গন্ধঃ পৃথিৱ্যাং চ তেজশ্চাস্মি ৱিভাৱসৌ ।
জীৱনং সৰ্ৱভূতেষু তপশ্চাস্মি তপস্ৱিষু ॥ 9 ॥

বীজং মাং সৰ্ৱভূতানাং ৱিদ্ধি পাৰ্থ সনাতনম্ ।
বুদ্ধিৰ্বুদ্ধিমতামস্মি তেজস্তেজস্ৱিনামহম্ ॥ 10 ॥

বলং বলৱতাং চাহং কামৰাগৱিৱৰ্জিতম্ ।
ধৰ্মাৱিৰুদ্ধো ভূতেষু কামোঽস্মি ভৰতৰ্ষভ ॥ 11 ॥

যে চৈৱ সাত্ত্ৱিকা ভাৱা ৰাজসাস্তামসাশ্চ যে ।
মত্ত এৱেতি তান্ৱিদ্ধি ন ত্ৱহং তেষু তে মযি ॥ 12 ॥

ত্ৰিভিৰ্গুণমযৈৰ্ভাৱৈৰেভিঃ সৰ্ৱমিদং জগত্ ।
মোহিতং নাভিজানাতি মামেভ্যঃ পৰমৱ্যযম্ ॥ 13 ॥

দৈৱী হ্যেষা গুণমযী মম মাযা দুৰত্যযা ।
মামেৱ যে প্ৰপদ্যন্তে মাযামেতাং তৰন্তি তে ॥ 14 ॥

ন মাং দুষ্কৃতিনো মূঢাঃ প্ৰপদ্যন্তে নৰাধমাঃ ।
মাযযাপহৃতজ্ঞানা আসুৰং ভাৱমাশ্ৰিতাঃ ॥ 15 ॥

চতুৰ্ৱিধা ভজন্তে মাং জনাঃ সুকৃতিনোঽৰ্জুন ।
আৰ্তো জিজ্ঞাসুৰৰ্থাৰ্থী জ্ঞানী চ ভৰতৰ্ষভ ॥ 16 ॥

তেষাং জ্ঞানী নিত্যযুক্ত একভক্তিৰ্ৱিশিষ্যতে ।
প্ৰিযো হি জ্ঞানিনোঽত্যৰ্থমহং স চ মম প্ৰিযঃ ॥ 17 ॥

উদাৰাঃ সৰ্ৱ এৱৈতে জ্ঞানী ত্ৱাত্মৈৱ মে মতম্ ।
আস্থিতঃ স হি যুক্তাত্মা মামেৱানুত্তমাং গতিম্ ॥ 18 ॥

বহূনাং জন্মনামন্তে জ্ঞানৱান্মাং প্ৰপদ্যতে ।
ৱাসুদেৱঃ সৰ্ৱমিতি স মহাত্মা সুদুৰ্লভঃ ॥ 19 ॥

কামৈস্তৈস্তৈৰ্হৃতজ্ঞানাঃ প্ৰপদ্যন্তেঽন্যদেৱতাঃ ।
তং তং নিযমমাস্থায প্ৰকৃত্যা নিযতাঃ স্ৱযা ॥ 20 ॥

যো যো যাং যাং তনুং ভক্তঃ শ্ৰদ্ধযাৰ্চিতুমিচ্ছতি ।
তস্য তস্যাচলাং শ্ৰদ্ধাং তামেৱ ৱিদধাম্যহম্ ॥ 21 ॥

স তযা শ্ৰদ্ধযা যুক্তস্তস্যাৰাধনমীহতে ।
লভতে চ ততঃ কামান্মযৈৱ ৱিহিতান্হি তান্ ॥ 22 ॥

অন্তৱত্তু ফলং তেষাং তদ্ভৱত্যল্পমেধসাম্ ।
দেৱান্দেৱযজো যান্তি মদ্ভক্তা যান্তি মামপি ॥ 23 ॥

অৱ্যক্তং ৱ্যক্তিমাপন্নং মন্যন্তে মামবুদ্ধযঃ ।
পৰং ভাৱমজানন্তো মমাৱ্যযমনুত্তমম্ ॥ 24 ॥

নাহং প্ৰকাশঃ সৰ্ৱস্য যোগমাযাসমাৱৃতঃ ।
মূঢোঽযং নাভিজানাতি লোকো মামজমৱ্যযম্ ॥ 25 ॥

ৱেদাহং সমতীতানি ৱৰ্তমানানি চাৰ্জুন ।
ভৱিষ্যাণি চ ভূতানি মাং তু ৱেদ ন কশ্চন ॥ 26 ॥

ইচ্ছাদ্ৱেষসমুত্থেন দ্ৱন্দ্ৱমোহেন ভাৰত ।
সৰ্ৱভূতানি সম্মোহং সৰ্গে যান্তি পৰন্তপ ॥ 27 ॥

যেষাং ত্ৱন্তগতং পাপং জনানাং পুণ্যকৰ্মণাম্ ।
তে দ্ৱন্দ্ৱমোহনিৰ্মুক্তা ভজন্তে মাং দৃঢৱ্ৰতাঃ ॥ 28 ॥

জৰামৰণমোক্ষায মামাশ্ৰিত্য যতন্তি যে ।
তে ব্ৰহ্ম তদ্ৱিদুঃ কৃত্স্নমধ্যাত্মং কৰ্ম চাখিলম্ ॥ 29 ॥

সাধিভূতাধিদৈৱং মাং সাধিযজ্ঞং চ যে ৱিদুঃ ।
প্ৰযাণকালেঽপি চ মাং তে ৱিদুৰ্যুক্তচেতসঃ ॥ 30 ॥

ওঁ তত্সদিতি শ্ৰীমদ্ভগৱদ্গীতাসূপনিষত্সু ব্ৰহ্মৱিদ্যাযাং যোগশাস্ত্ৰে
শ্ৰীকৃষ্ণাৰ্জুনসংৱাদেজ্ঞানৱিজ্ঞানযোগো নাম সপ্তমোঽধ্যাযঃ ॥7 ॥

শ্ৰীমদ্ভগৱদ্গীতা মূলম্ - সপ্তমোঽধ্যাযঃ

Explore More

More Krishna Stotras

Explore More