Lord Ganesha

గణేశ వజ్ర పఞ్జర స్తోత్రమ్

(Ganesha Vajra Panjara Stotram in Telugu)

Traditional

Also known as trinetram gajasyam caturbahudharam

Language:Sanskrit
Translation:English

The Ganesha Vajra Panjara Stotram is a powerful protective prayer dedicated to Lord Ganesha, the remover of obstacles. Literally meaning the Diamond Cage of Ganesha, this stotra invokes the deity to form an impenetrable shield around the devotee. By chanting these verses, one seeks to safeguard the body, mind, and spirit from negative energies, external threats, and internal anxieties. It is highly regarded for its efficacy in bestowing courage, removing misfortune, and granting spiritual stability. Reciting this hymn with devotion is believed to provide divine fortification, ensuring peace and holistic success in all human endeavors.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics

ధ్యానమ్ ।

త్రినేత్రం గజాస్యం చతుర్బాహుధారం
పరశ్వాదిశస్త్రైర్యుతం భాలచన్ద్రమ్ ।
నరాకారదేహం సదా యోగశాన్తం
గణేశం భజే సర్వవన్ద్యం పరేశమ్ ॥ 1 ॥
బిన్దురూపో వక్రతుణ్డో రక్షతు మే హృది స్థితః ।
దేహాంశ్చతుర్విధాంస్తత్త్వాంస్తత్త్వాధారః సనాతనః ॥ 2 ॥
దేహమోహయుతం హ్యేకదన్తః సోఽహం స్వరూపధృక్ ।
దేహినం మాం విశేషేణ రక్షతు భ్రమనాశకః ॥ 3 ॥
మహోదరస్తథా దేవో నానాబోధాన్ ప్రతాపవాన్ ।
సదా రక్షతు మే బోధానన్దసంస్థో హ్యహర్నిశమ్ ॥ 4 ॥
సాఙ్ఖ్యాన్ రక్షతు సాఙ్ఖ్యేశో గజాననః సుసిద్ధిదః ।
అసత్యేషు స్థితం మాం స లమ్బోదరశ్చ రక్షతు ॥ 5 ॥
సత్సు స్థితం సుమోహేన వికటో మాం పరాత్పరః ।
రక్షతు భక్తవాత్సల్యాత్ సదైకామృతధారకః ॥ 6 ॥
ఆనన్దేషు స్థితం నిత్యం మాం రక్షతు సమాత్మకః ।
విఘ్నరాజో మహావిఘ్నైర్నానాఖేలకరః ప్రభుః ॥ 7 ॥
అవ్యక్తేషు స్థితం నిత్యం ధూమ్రవర్ణః స్వరూపధృక్ ।
మాం రక్షతు సుఖాకారః సహజః సర్వపూజితః ॥ 8 ॥
స్వసంవేద్యేషు సంస్థం మాం గణేశః స్వస్వరూపధృక్ ।
రక్షతు యోగభావేన సంస్థితో భవనాయకః ॥ 9 ॥
అయోగేషు స్థితం నిత్యం మాం రక్షతు గణేశ్వరః ।
నివృత్తిరూపధృక్ సాక్షాదసమాధిసుఖే రతః ॥ 10 ॥
యోగశాన్తిధరో మాం తు రక్షతు యోగసంస్థితమ్ ।
గణాధీశః ప్రసన్నాత్మా సిద్ధిబుద్ధిసమన్వితః ॥ 11 ॥
పురో మాం గజకర్ణశ్చ రక్షతు విఘ్నహారకః ।
వాహ్న్యాం యామ్యాం చ నైరృత్యాం చిన్తామణిర్వరప్రదః ॥ 12 ॥
రక్షతు పశ్చిమే ఢుణ్ఢిర్హేరమ్బో వాయుదిక్ స్థితమ్ ।
వినాయకశ్చోత్తరే తు ప్రమోదశ్చేశదిక్ స్థితమ్ ॥ 13 ॥
ఊర్ధ్వం సిద్ధిపతిః పాతు బుద్ధీశోఽధః స్థితం సదా ।
సర్వాఙ్గేషు మయూరేశః పాతు మాం భక్తిలాలసః ॥ 14 ॥
యత్ర తత్ర స్థితం మాం తు సదా రక్షతు యోగపః ।
పురశుపాశసంయుక్తో వరదాభయధారకః ॥ 15 ॥
ఇదం గణపతేః ప్రోక్తం వజ్రపఞ్జరకం పరమ్ ।
ధారయస్వ మహాదేవ విజయీ త్వం భవిష్యసి ॥ 16 ॥
య ఇదం పఞ్జరం ధృత్వా యత్ర కుత్ర స్థితో భవేత్ ।
న తస్య జాయతే క్వాపి భయం నానాస్వభావజమ్ ॥ 17 ॥
యః పఠేత్ పఞ్జరం నిత్యం స ఈప్సితమవాప్నుయాత్ ।
వజ్రసారతనుర్భూత్వా చరేత్సర్వత్ర మానవః ॥ 18 ॥
త్రికాలం యః పఠేన్నిత్యం స గణేశ ఇవాపరః ।
నిర్విఘ్నః సర్వకార్యేషు బ్రహ్మభూతో భవేన్నరః ॥ 19 ॥
యః శృణోతి గణేశస్య పఞ్జరం వజ్రసఞ్జ్ఞకమ్ ।
ఆరోగ్యాదిసమాయుక్తో భవతే గణపప్రియః ॥ 20 ॥
ధనం ధాన్యం పశూన్ విద్యామాయుష్యం పుత్రపౌత్రకమ్ ।
సర్వసమ్పత్సమాయుక్తమైశ్వర్యం పఠనాల్లభేత్ ॥ 21 ॥
న భయం తస్య వజ్రాత్తు చక్రాచ్ఛూలాద్భవేత్ కదా ।
శఙ్కరాదేర్మహాదేవ పఠనాదస్య నిత్యశః ॥ 22 ॥
యం యం చిన్తయతే మర్త్యస్తం తం ప్రాప్నోతి శాశ్వతమ్ ।
పఠనాదస్య విఘ్నేశ పఞ్జరస్య నిరన్తరమ్ ॥ 23 ॥
లక్షావృత్తిభిరేవం స సిద్ధపఞ్జరకో భవేత్ ।
స్తమ్భయేదపి సూర్యం తు బ్రహ్మాణ్డం వశమానయేత్ ॥ 24 ॥
ఏవముక్త్వా గణేశానోఽన్తర్దధే మునిసత్తమ ।
శివో దేవాదిభిర్యుక్తో హర్షితః సమ్బభూవ హ ॥ 25 ॥
ఇతి శ్రీమన్ముద్గలే మహాపురాణే ధూమ్రవర్ణచరితే వజ్రపఞ్జరకథనం నామ త్రయోవింశోఽధ్యాయః ।

More Ganesha Stotras

श्रीगनपति भज प्रगट पार्वती
Ganpati Ji Ki Aarti
हेरम्ब स्तोत्रम्
Heramba Stotram
जय गणेश जय गणेश देवा
Jai Ganesh Deva
जय जयाजी गणपती स्तोत्र
Jay Jayaji Ganapati Stotra
महा गणपति मूल मन्त्राः (पाद माला स्तोत्रम्)
Maha Ganapati Moola Mantrah (Pada Mala Stotram)
मनोरथसिद्धिप्रद गणेश स्तोत्रम्
Manorathasiddhiprada Ganesa Stotram
मरकत श्री लक्ष्मीगणपति मङ्गलाशासनम्
Marakata Sri Laksmiganapati Mangalasasanam
मरकत श्री लक्ष्मीगणपति प्रपत्तिः
Marakata Sri Laksmiganapati Prapattih
View All Ganesha Collection →

Explore More

Ganesha CollectionWealthObstaclesHealthProtectionWisdomHome