What is Sri Ganesavatara Stotram?

Read Sri Ganesavatara Stotram in Bengali script — full lyrics with English meaning and transliteration. Angiras begins by saying that the avataras of Ganesha are endless and a hundred years would not be enough to tell them, and then gives the eight that matter. The scheme is the Mudgala Purana's own and it is a moral one: each avatara kills a demon, and each demon is a fault. Vakratunda destroys Matsara, envy, and rides a lion. Ekadanta destroys Mada, intoxication. Mahodara, who shows forth the brahman that is knowledge, destroys Moha, delusion. Gajanana destroys Lobha, greed, and gives accomplishment to those who reckon. Lambodara destroys Krodha, anger. Vikata burns up Kama, desire, and is the only one of the eight to ride a peacock. Vighnaraja destroys Mama, the sense of mine, and rides the serpent. Dhumravarna destroys Abhimana, pride.

Which deity is Sri Ganesavatara Stotram dedicated to?

Sri Ganesavatara Stotram is a Sanskrit hymn dedicated to Lord Ganesha.

Sri Ganesavatara Stotram in Bengali – Meaning

॥ শ্রী গণেশাবতার স্তোত্রম্ ॥

অঙ্গিরস উবাচ।

অনন্তা অবতারাশ্চ গণেশস্য মহাত্মনঃ ।
ন শক্যতে কথাং বক্তুং মযা বর্ষশতৈরপি ॥ ১ ॥

সঙ্ক্ষেপেণ প্রবক্ষ্যামি মুখ্যানাং মুখ্যতাং গতান্ ।
অবতারাংশ্চ তস্যাষ্টৌ বিখ্যাতান্ ব্রহ্মধারকান্ ॥ ২ ॥

বক্রতুণ্ডাবতারশ্চ দেহিনাং ব্রহ্মধারকঃ ।
মত্সুরাসুরহন্তা স সিংহবাহনগঃ স্মৃতঃ ॥ ৩ ॥

একদন্তাবতারো বৈ দেহিনাং ব্রহ্মধারকঃ ।
মদাসুরস্য হন্তা স আখুবাহনগঃ স্মৃতঃ ॥ ৪ ॥

মহোদর ইতি খ্যাতো জ্ঞানব্রহ্মপ্রকাশকঃ ।
মোহাসুরস্য শত্রুর্বৈ আখুবাহনগঃ স্মৃতঃ ॥ ৫ ॥

গজাননঃ স বিজ্ঞেযঃ সাঙ্খ্যেভ্যঃ সিদ্ধিদাযকঃ ।
লোভাসুরপ্রহর্তা চ মূষকগঃ প্রকীর্তিতঃ ॥ ৬ ॥

লম্বোদরাবতারো বৈ ক্রোধাসুরনিবর্হণঃ ।
আখুগঃ শক্তিব্রহ্মা সন্ তস্য ধারক উচ্যতে ॥ ৭ ॥

বিকটো নাম বিখ্যাতঃ কামাসুরপ্রদাহকঃ ।
মযূরবাহনশ্চাযং সৌরমাত্মধরঃ স্মৃতঃ ॥ ৮ ॥

বিঘ্নরাজাবতারশ্চ শেষবাহন উচ্যতে ।
মমাসুরপ্রহন্তা স বিষ্ণুব্রহ্মেতি বাচকঃ ॥ ৯ ॥

ধূম্রবর্ণাবতারশ্চাভিমানাসুরনাশকঃ ।
আখুবাহনতাং প্রাপ্তঃ শিবাত্মকঃ স উচ্যতে ॥ ১০ ॥

এতেঽষ্টৌ তে মযা প্রোক্তা গণেশাংশা বিনাযকাঃ ।
এষাং ভজনমাত্রেণ স্বস্বব্রহ্মপ্রধারকাঃ ॥ ১১ ॥

স্বানন্দবাসকারী স গণেশানঃ প্রকথ্যতে ।
স্বানন্দে যোগিভির্দৃষ্টো ব্রহ্মণি নাত্র সংশযঃ ॥ ১২ ॥

তস্যাবতাররূপাশ্চাষ্টৌ বিঘ্নহরণাঃ স্মৃতাঃ ।
স্বানন্দভজনেনৈব লীলাস্তত্র ভবন্তি হি ॥ ১৩ ॥

মাযা তত্র স্বযং লীনা ভবিষ্যতি সুপুত্রক ।
সম্যোগে মৌনভাবশ্চ সমাধিঃ প্রাপ্যতে জনৈঃ ॥ ১৪ ॥

অযোগে গণরাজস্য ভজনে নৈব সিদ্ধ্যতি ।
মাযাভেদমযং ব্রহ্ম নির্বৃত্তিঃ প্রাপ্যতে পরা ॥ ১৫ ॥

যোগাত্মকগণেশানো ব্রহ্মণস্পতিবাচকঃ ।
তত্র শান্তিঃ সমাখ্যাতা যোগরূপা জনৈঃ কৃতা ॥ ১৬ ॥

নানাশান্তিপ্রমোদশ্চ স্থানে স্থানে প্রকথ্যতে ।
শান্তীনাং শান্তিরূপা সা যোগশান্তিঃ প্রকীর্তিতা ॥ ১৭ ॥

যোগস্য যোগতাদৃষ্টা সর্বব্রহ্ম সুপুত্রক ।
ন যোগাত্পরমং ব্রহ্ম ব্রহ্মভূতেন লভ্যতে ॥ ১৮ ॥

এতদেব পরং গুহ্যং কথিতং বত্স তেঽলিখম্ ।
ভজ ত্বং সর্বভাবেন গণেশং ব্রহ্মনাযকম্ ॥ ১৯ ॥

ফলশ্রুতি

পুত্রপৌত্রাদিপ্রদং স্তোত্রমিদং শোকবিনাশনম্ ।
ধনধান্যসমৃদ্ধ্যাদিপ্রদং ভাবি ন সংশযঃ ॥ ২০ ॥

ধর্মার্থকামমোক্ষাণাং সাধনং ব্রহ্মদাযকম্ ।
ভক্তিদৃঢকরং চৈব ভবিষ্যতি ন সংশযঃ ॥ ২১ ॥

More Ganesha Stotras

Explore More