What is Sri Ganesa Kilaka Stotram?

Read Sri Ganesa Kilaka Stotram in Assamese script — full lyrics with English meaning and transliteration. A kilaka is the pin that holds a mantra shut, and this text is unusual in explaining what that means before it does anything else. Daksha asks Mudgala for the Ganesha kilaka, and Mudgala answers with the mechanics: mantras without a kilaka do not give happiness at all; one should recite the kilaka first and only then begin the japa, and only then do the mantras become full of potency and give their many accomplishments. He adds where he got it — Angiras taught it to him as the most secret thing there is. What follows is the kilaka itself, from the forty-fifth chapter of the Lambodara Charita in the Mudgala Purana, a chapter whose subject is the merit of hearing rather than of reciting.

Which deity is Sri Ganesa Kilaka Stotram dedicated to?

Sri Ganesa Kilaka Stotram is a Sanskrit hymn dedicated to Lord Ganesha.

Sri Ganesa Kilaka Stotram in Assamese – Meaning

॥ শ্ৰী গণেশ কীলক স্তোত্ৰম্ ॥

দক্ষ উৱাচ(দক্ষ প্ৰজাপতি বোলে):

গণেশকীলকং ব্ৰহ্মন্ ৱদ সৰ্ৱাৰ্থদাযকম্ ।
মন্ত্ৰাদীনাং ৱিশেষেণ সিদ্ধিদং পূৰ্ণভাৱতঃ ॥ ১ ॥

মুদ্গল উৱাচ(মুনি মুদ্গল বোলে):

কীলকেন ৱিহীনাশ্চ মন্ত্ৰা নৈৱ সুখপ্ৰদাঃ ।
আদৌ কীলকমেৱং ৱৈ পঠিত্ৱা জপমাচৰেত্ ॥ ২ ॥

তদা ৱীৰ্যযুতা মন্ত্ৰা নানাসিদ্ধিপ্ৰদাযকাঃ ।
ভৱন্তি নাত্ৰ সন্দেহঃ কথযামি যথাশ্ৰুতম্ ॥ ৩ ॥

সমাদিষ্টং চাঙ্গিৰসা মহ্যং গুহ্যতমং পৰম্ ।
সিদ্ধিদং ৱৈ গণেশস্য কীলকং শৃণু মানদ ॥ ৪ ॥

ৱিনিযোগঃ

অস্য শ্ৰীগণেশকীলকস্য শিৱ ঋষিঃ অনুষ্টুপ্ছন্দঃ শ্ৰীগণপতিৰ্দেৱতা ওং গং যোগায স্ৱাহা ওং গং বীজং ৱিদ্যাঽৱিদ্যাশক্তিগণপতি প্ৰীত্যৰ্থে জপে ৱিনিযোগঃ ॥

ছন্দঋষ্যাদিন্যাসাংশ্চ কুৰ্যাদাদৌ তথা পৰান্ ।
একাক্ষৰস্যৈৱ দক্ষ ষডঙ্গানাচৰেত্ সুধীঃ ॥ ৫ ॥

ততো ধ্যাযেদ্গণেশানং জ্যোতীৰূপধৰং পৰম্ ।
মনোৱাণীৱিহীনং চ চতুৰ্ভুজৱিৰাজিতম্ ॥ ৬ ॥

শুণ্ডাদণ্ডমুখং পূৰ্ণং দ্ৰষ্টুং নৈৱ প্ৰশক্যতে ।
ৱিদ্যাঽৱিদ্যাসমাযুক্তং ৱিভূতিভিৰুপাসিতম্ ॥ ৭ ॥

এৱং ধ্যাত্ৱা গণেশানং মানসৈঃ পূজযেত্পৃথক্ ।
পঞ্চোপচাৰকৈৰ্দক্ষ ততো জপং সমাচৰেত্ ॥ ৮ ॥

একৱিংশতিৱাৰং তু জপং কুৰ্যাত্প্ৰজাপতে ।
ততঃ স্তোত্ৰং সমুচ্চাৰ্য পশ্চাত্সৰ্ৱং সমাচৰেত্ ॥ ৯ ॥

অথ কীলক স্তোত্ৰম্

ৰূপং বলং শ্ৰিযং দেহি যশো ৱীৰ্যং গজানন ।
মেধাং প্ৰজ্ঞাং তথা কীৰ্তিং ৱিঘ্নৰাজ নমোঽস্তু তে ॥ ১০ ॥

যদা দেৱাদযঃ সৰ্ৱে কুণ্ঠিতা দৈত্যপৈঃ কৃতাঃ ।
তদা ত্ৱং তান্নিহত্য স্ম কৰোষি ৱীৰ্যসম্যুতান্ ॥ ১১ ॥

তথা মন্ত্ৰা গণেশান কুণ্ঠিতাশ্চ দুৰাত্মভিঃ ।
শাপৈশ্চ তান্ সৱীৰ্যাংস্তে কুৰুষ্ৱ ত্ৱং নমো নমঃ ॥ ১২ ॥

শক্তযঃ কুণ্ঠিতাঃ সৰ্ৱাঃ স্মৰণেন ত্ৱযা প্ৰভো ।
জ্ঞানযুক্তাঃ সৱীৰ্যাশ্চ কৃতা ৱিঘ্নেশ তে নমঃ ॥ ১৩ ॥

চৰাচৰং জগত্সৰ্ৱং সত্তাহীনং যদা ভৱেত্ ।
ত্ৱযা সত্তাযুতং ঢুণ্ঢে স্মৰণেন কৃতং চ তে ॥ ১৪ ॥

তত্ত্ৱানি ৱীৰ্যহীনানি যদা জাতানি ৱিঘ্নপ ।
স্মৃত্যা তে ৱীৰ্যযুক্তানি পুনৰ্জাতানি তে নমঃ ॥ ১৫ ॥

ব্ৰহ্মাণি যোগহীনানি জাতানি স্মৰণেন তে ।
যদা পুনৰ্গণেশান যোগযুক্তানি তে নমঃ ॥ ১৬ ॥

ইত্যাদি ৱিৱিধং সৰ্ৱং স্মৰণেন চ তে প্ৰভো ।
সত্তাযুক্তং বভূৱৈৱ ৱিঘ্নেশায নমো নমঃ ॥ ১৭ ॥

তথা মন্ত্ৰা গণেশান ৱীৰ্যহীনা বভূৱিৰে ।
স্মৰণেন পুনৰ্ঢুণ্ঢে ৱীৰ্যযুক্তান্ কুৰুষ্ৱ তে ॥ ১৮ ॥

সৰ্ৱং সত্তাসমাযুক্তং মন্ত্ৰপূজাদিকং প্ৰভো ।
মম নাম্না ভৱতু তে ৱক্ৰতুণ্ডায তে নমঃ ॥ ১৯ ॥

উত্কীলয মহামন্ত্ৰান্ জপেন স্তোত্ৰপাঠতঃ ।
সৰ্ৱসিদ্ধিপ্ৰদা মন্ত্ৰা ভৱন্তু ত্ৱত্প্ৰসাদতঃ ॥ ২০ ॥

গণেশায নমস্তুভ্যং হেৰম্বাযৈকদন্তিনে ।
স্ৱানন্দৱাসিনে তুভ্যং ব্ৰহ্মণস্পতযে নমঃ ॥ ২১ ॥

গণেশকীলকমিদং কথিতং তে প্ৰজাপতে ।
শিৱপ্ৰোক্তং তু মন্ত্ৰাণামুত্কীলনকৰং পৰম্ ॥ ২২ ॥

ফলশ্ৰুতিঃ

যঃ পঠিষ্যতি ভাৱেন জপ্ত্ৱা তে মন্ত্ৰমুত্তমম্ ।
স সৰ্ৱসিদ্ধিমাপ্নোতি নানামন্ত্ৰসমুদ্ভৱাম্ ॥ ২৩ ॥

এনং ত্যক্ত্ৱা গণেশস্য মন্ত্ৰং জপতি নিত্যদা ।
স সৰ্ৱফলহীনশ্চ জাযতে নাত্ৰ সংশযঃ ॥ ২৪ ॥

সৰ্ৱসিদ্ধিপ্ৰদং প্ৰোক্তং কীলকং পৰমাদ্ভুতম্ ।
পুৰানেন স্ৱযং শম্ভুৰ্মন্ত্ৰজাং সিদ্ধিমালভত্ ॥ ২৫ ॥

ৱিষ্ণুব্ৰহ্মাদযো দেৱা মুনযো যোগিনঃ পৰে ।
অনেন মন্ত্ৰসিদ্ধিং তে লেভিৰে চ প্ৰজাপতে ॥ ২৬ ॥

ঐলঃ কীলকমাদ্যং ৱৈ কৃত্ৱা মন্ত্ৰপৰাযণঃ ।
গতঃ স্ৱানন্দপূৰ্যাং স ভক্তৰাজো বভূৱ হ ॥ ২৭ ॥

সস্ত্ৰীকো জডদেহেন ব্ৰহ্মাণ্ডমৱলোক্য তু ।
গণেশদৰ্শনেনৈৱ জ্যোতীৰূপো বভূৱ হ ॥ ২৮ ॥

দক্ষ উৱাচ।
ঐলো জডশৰীৰস্থঃ কথং দেৱাদিকৈৰ্যুতম্ ।
ব্ৰহ্মাণ্ডং স দদৰ্শৈৱ তন্মে ৱদ কুতূহলম্ ॥ ২৯ ॥

পুণ্যৰাশিঃ স্ৱযং সাক্ষান্নৰকাদীন্ মহামতে ।
অপশ্যচ্চ কথং সোঽপি পাপিদৰ্শনযোগ্যকান্ ॥ ৩০ ॥

মুদ্গলৱাচ ।
ৱিমানস্থঃ স্ৱযং ৰাজা কৃপযা তান্ দদৰ্শ হ ।
গাণেশানাং জডস্থশ্চ শিৱৱিষ্ণুমুখান্ প্ৰভো ॥ ৩১ ॥

স্ৱানন্দগে ৱিমানে যে সংস্থিতাস্তে শুভাশুভে ।
যোগৰূপতযা সৰ্ৱে দক্ষ পশ্যন্তি চাঞ্জসা ॥ ৩২ ॥

এতত্তে কথিতং সৰ্ৱমৈলস্য চৰিতং শুভম্ ।
যঃ শৃণোতি স ৱৈ মৰ্ত্যঃ ভুক্তিং মুক্তিং লভেদ্ধ্ৰুৱম্ ॥ ৩৩ ॥

More Ganesha Stotras

Explore More