What is Sri Ganesa Kilaka Stotram?

Read Sri Ganesa Kilaka Stotram in Bengali script — full lyrics with English meaning and transliteration. A kilaka is the pin that holds a mantra shut, and this text is unusual in explaining what that means before it does anything else. Daksha asks Mudgala for the Ganesha kilaka, and Mudgala answers with the mechanics: mantras without a kilaka do not give happiness at all; one should recite the kilaka first and only then begin the japa, and only then do the mantras become full of potency and give their many accomplishments. He adds where he got it — Angiras taught it to him as the most secret thing there is. What follows is the kilaka itself, from the forty-fifth chapter of the Lambodara Charita in the Mudgala Purana, a chapter whose subject is the merit of hearing rather than of reciting.

Which deity is Sri Ganesa Kilaka Stotram dedicated to?

Sri Ganesa Kilaka Stotram is a Sanskrit hymn dedicated to Lord Ganesha.

Sri Ganesa Kilaka Stotram in Bengali – Meaning

॥ শ্রী গণেশ কীলক স্তোত্রম্ ॥

দক্ষ উবাচ(দক্ষ প্রজাপতি বোলে):

গণেশকীলকং ব্রহ্মন্ বদ সর্বার্থদাযকম্ ।
মন্ত্রাদীনাং বিশেষেণ সিদ্ধিদং পূর্ণভাবতঃ ॥ ১ ॥

মুদ্গল উবাচ(মুনি মুদ্গল বোলে):

কীলকেন বিহীনাশ্চ মন্ত্রা নৈব সুখপ্রদাঃ ।
আদৌ কীলকমেবং বৈ পঠিত্বা জপমাচরেত্ ॥ ২ ॥

তদা বীর্যযুতা মন্ত্রা নানাসিদ্ধিপ্রদাযকাঃ ।
ভবন্তি নাত্র সন্দেহঃ কথযামি যথাশ্রুতম্ ॥ ৩ ॥

সমাদিষ্টং চাঙ্গিরসা মহ্যং গুহ্যতমং পরম্ ।
সিদ্ধিদং বৈ গণেশস্য কীলকং শৃণু মানদ ॥ ৪ ॥

বিনিযোগঃ

অস্য শ্রীগণেশকীলকস্য শিব ঋষিঃ অনুষ্টুপ্ছন্দঃ শ্রীগণপতির্দেবতা ওং গং যোগায স্বাহা ওং গং বীজং বিদ্যাঽবিদ্যাশক্তিগণপতি প্রীত্যর্থে জপে বিনিযোগঃ ॥

ছন্দঋষ্যাদিন্যাসাংশ্চ কুর্যাদাদৌ তথা পরান্ ।
একাক্ষরস্যৈব দক্ষ ষডঙ্গানাচরেত্ সুধীঃ ॥ ৫ ॥

ততো ধ্যাযেদ্গণেশানং জ্যোতীরূপধরং পরম্ ।
মনোবাণীবিহীনং চ চতুর্ভুজবিরাজিতম্ ॥ ৬ ॥

শুণ্ডাদণ্ডমুখং পূর্ণং দ্রষ্টুং নৈব প্রশক্যতে ।
বিদ্যাঽবিদ্যাসমাযুক্তং বিভূতিভিরুপাসিতম্ ॥ ৭ ॥

এবং ধ্যাত্বা গণেশানং মানসৈঃ পূজযেত্পৃথক্ ।
পঞ্চোপচারকৈর্দক্ষ ততো জপং সমাচরেত্ ॥ ৮ ॥

একবিংশতিবারং তু জপং কুর্যাত্প্রজাপতে ।
ততঃ স্তোত্রং সমুচ্চার্য পশ্চাত্সর্বং সমাচরেত্ ॥ ৯ ॥

অথ কীলক স্তোত্রম্

রূপং বলং শ্রিযং দেহি যশো বীর্যং গজানন ।
মেধাং প্রজ্ঞাং তথা কীর্তিং বিঘ্নরাজ নমোঽস্তু তে ॥ ১০ ॥

যদা দেবাদযঃ সর্বে কুণ্ঠিতা দৈত্যপৈঃ কৃতাঃ ।
তদা ত্বং তান্নিহত্য স্ম করোষি বীর্যসম্যুতান্ ॥ ১১ ॥

তথা মন্ত্রা গণেশান কুণ্ঠিতাশ্চ দুরাত্মভিঃ ।
শাপৈশ্চ তান্ সবীর্যাংস্তে কুরুষ্ব ত্বং নমো নমঃ ॥ ১২ ॥

শক্তযঃ কুণ্ঠিতাঃ সর্বাঃ স্মরণেন ত্বযা প্রভো ।
জ্ঞানযুক্তাঃ সবীর্যাশ্চ কৃতা বিঘ্নেশ তে নমঃ ॥ ১৩ ॥

চরাচরং জগত্সর্বং সত্তাহীনং যদা ভবেত্ ।
ত্বযা সত্তাযুতং ঢুণ্ঢে স্মরণেন কৃতং চ তে ॥ ১৪ ॥

তত্ত্বানি বীর্যহীনানি যদা জাতানি বিঘ্নপ ।
স্মৃত্যা তে বীর্যযুক্তানি পুনর্জাতানি তে নমঃ ॥ ১৫ ॥

ব্রহ্মাণি যোগহীনানি জাতানি স্মরণেন তে ।
যদা পুনর্গণেশান যোগযুক্তানি তে নমঃ ॥ ১৬ ॥

ইত্যাদি বিবিধং সর্বং স্মরণেন চ তে প্রভো ।
সত্তাযুক্তং বভূবৈব বিঘ্নেশায নমো নমঃ ॥ ১৭ ॥

তথা মন্ত্রা গণেশান বীর্যহীনা বভূবিরে ।
স্মরণেন পুনর্ঢুণ্ঢে বীর্যযুক্তান্ কুরুষ্ব তে ॥ ১৮ ॥

সর্বং সত্তাসমাযুক্তং মন্ত্রপূজাদিকং প্রভো ।
মম নাম্না ভবতু তে বক্রতুণ্ডায তে নমঃ ॥ ১৯ ॥

উত্কীলয মহামন্ত্রান্ জপেন স্তোত্রপাঠতঃ ।
সর্বসিদ্ধিপ্রদা মন্ত্রা ভবন্তু ত্বত্প্রসাদতঃ ॥ ২০ ॥

গণেশায নমস্তুভ্যং হেরম্বাযৈকদন্তিনে ।
স্বানন্দবাসিনে তুভ্যং ব্রহ্মণস্পতযে নমঃ ॥ ২১ ॥

গণেশকীলকমিদং কথিতং তে প্রজাপতে ।
শিবপ্রোক্তং তু মন্ত্রাণামুত্কীলনকরং পরম্ ॥ ২২ ॥

ফলশ্রুতিঃ

যঃ পঠিষ্যতি ভাবেন জপ্ত্বা তে মন্ত্রমুত্তমম্ ।
স সর্বসিদ্ধিমাপ্নোতি নানামন্ত্রসমুদ্ভবাম্ ॥ ২৩ ॥

এনং ত্যক্ত্বা গণেশস্য মন্ত্রং জপতি নিত্যদা ।
স সর্বফলহীনশ্চ জাযতে নাত্র সংশযঃ ॥ ২৪ ॥

সর্বসিদ্ধিপ্রদং প্রোক্তং কীলকং পরমাদ্ভুতম্ ।
পুরানেন স্বযং শম্ভুর্মন্ত্রজাং সিদ্ধিমালভত্ ॥ ২৫ ॥

বিষ্ণুব্রহ্মাদযো দেবা মুনযো যোগিনঃ পরে ।
অনেন মন্ত্রসিদ্ধিং তে লেভিরে চ প্রজাপতে ॥ ২৬ ॥

ঐলঃ কীলকমাদ্যং বৈ কৃত্বা মন্ত্রপরাযণঃ ।
গতঃ স্বানন্দপূর্যাং স ভক্তরাজো বভূব হ ॥ ২৭ ॥

সস্ত্রীকো জডদেহেন ব্রহ্মাণ্ডমবলোক্য তু ।
গণেশদর্শনেনৈব জ্যোতীরূপো বভূব হ ॥ ২৮ ॥

দক্ষ উবাচ।
ঐলো জডশরীরস্থঃ কথং দেবাদিকৈর্যুতম্ ।
ব্রহ্মাণ্ডং স দদর্শৈব তন্মে বদ কুতূহলম্ ॥ ২৯ ॥

পুণ্যরাশিঃ স্বযং সাক্ষান্নরকাদীন্ মহামতে ।
অপশ্যচ্চ কথং সোঽপি পাপিদর্শনযোগ্যকান্ ॥ ৩০ ॥

মুদ্গলবাচ ।
বিমানস্থঃ স্বযং রাজা কৃপযা তান্ দদর্শ হ ।
গাণেশানাং জডস্থশ্চ শিববিষ্ণুমুখান্ প্রভো ॥ ৩১ ॥

স্বানন্দগে বিমানে যে সংস্থিতাস্তে শুভাশুভে ।
যোগরূপতযা সর্বে দক্ষ পশ্যন্তি চাঞ্জসা ॥ ৩২ ॥

এতত্তে কথিতং সর্বমৈলস্য চরিতং শুভম্ ।
যঃ শৃণোতি স বৈ মর্ত্যঃ ভুক্তিং মুক্তিং লভেদ্ধ্রুবম্ ॥ ৩৩ ॥

More Ganesha Stotras

Explore More