What is Sri Ganesa Kilaka Stotram?

Read Sri Ganesa Kilaka Stotram in Telugu script — full lyrics with English meaning and transliteration. A kilaka is the pin that holds a mantra shut, and this text is unusual in explaining what that means before it does anything else. Daksha asks Mudgala for the Ganesha kilaka, and Mudgala answers with the mechanics: mantras without a kilaka do not give happiness at all; one should recite the kilaka first and only then begin the japa, and only then do the mantras become full of potency and give their many accomplishments. He adds where he got it — Angiras taught it to him as the most secret thing there is. What follows is the kilaka itself, from the forty-fifth chapter of the Lambodara Charita in the Mudgala Purana, a chapter whose subject is the merit of hearing rather than of reciting.

Which deity is Sri Ganesa Kilaka Stotram dedicated to?

Sri Ganesa Kilaka Stotram is a Sanskrit hymn dedicated to Lord Ganesha.

Sri Ganesa Kilaka Stotram in Telugu – Meaning

॥ శ్రీ గణేశ కీలక స్తోత్రమ్ ॥

దక్ష ఉవాచ(దక్ష ప్రజాపతి బోలే):

గణేశకీలకం బ్రహ్మన్ వద సర్వార్థదాయకమ్ ।
మన్త్రాదీనాం విశేషేణ సిద్ధిదం పూర్ణభావతః ॥ ౧ ॥

ముద్గల ఉవాచ(ముని ముద్గల బోలే):

కీలకేన విహీనాశ్చ మన్త్రా నైవ సుఖప్రదాః ।
ఆదౌ కీలకమేవం వై పఠిత్వా జపమాచరేత్ ॥ ౨ ॥

తదా వీర్యయుతా మన్త్రా నానాసిద్ధిప్రదాయకాః ।
భవన్తి నాత్ర సన్దేహః కథయామి యథాశ్రుతమ్ ॥ ౩ ॥

సమాదిష్టం చాఙ్గిరసా మహ్యం గుహ్యతమం పరమ్ ।
సిద్ధిదం వై గణేశస్య కీలకం శృణు మానద ॥ ౪ ॥

వినియోగః

అస్య శ్రీగణేశకీలకస్య శివ ఋషిః అనుష్టుప్ఛన్దః శ్రీగణపతిర్దేవతా ఓం గం యోగాయ స్వాహా ఓం గం బీజం విద్యాఽవిద్యాశక్తిగణపతి ప్రీత్యర్థే జపే వినియోగః ॥

ఛన్దఋష్యాదిన్యాసాంశ్చ కుర్యాదాదౌ తథా పరాన్ ।
ఏకాక్షరస్యైవ దక్ష షడఙ్గానాచరేత్ సుధీః ॥ ౫ ॥

తతో ధ్యాయేద్గణేశానం జ్యోతీరూపధరం పరమ్ ।
మనోవాణీవిహీనం చ చతుర్భుజవిరాజితమ్ ॥ ౬ ॥

శుణ్డాదణ్డముఖం పూర్ణం ద్రష్టుం నైవ ప్రశక్యతే ।
విద్యాఽవిద్యాసమాయుక్తం విభూతిభిరుపాసితమ్ ॥ ౭ ॥

ఏవం ధ్యాత్వా గణేశానం మానసైః పూజయేత్పృథక్ ।
పఞ్చోపచారకైర్దక్ష తతో జపం సమాచరేత్ ॥ ౮ ॥

ఏకవింశతివారం తు జపం కుర్యాత్ప్రజాపతే ।
తతః స్తోత్రం సముచ్చార్య పశ్చాత్సర్వం సమాచరేత్ ॥ ౯ ॥

అథ కీలక స్తోత్రమ్

రూపం బలం శ్రియం దేహి యశో వీర్యం గజానన ।
మేధాం ప్రజ్ఞాం తథా కీర్తిం విఘ్నరాజ నమోఽస్తు తే ॥ ౧౦ ॥

యదా దేవాదయః సర్వే కుణ్ఠితా దైత్యపైః కృతాః ।
తదా త్వం తాన్నిహత్య స్మ కరోషి వీర్యసమ్యుతాన్ ॥ ౧౧ ॥

తథా మన్త్రా గణేశాన కుణ్ఠితాశ్చ దురాత్మభిః ।
శాపైశ్చ తాన్ సవీర్యాంస్తే కురుష్వ త్వం నమో నమః ॥ ౧౨ ॥

శక్తయః కుణ్ఠితాః సర్వాః స్మరణేన త్వయా ప్రభో ।
జ్ఞానయుక్తాః సవీర్యాశ్చ కృతా విఘ్నేశ తే నమః ॥ ౧౩ ॥

చరాచరం జగత్సర్వం సత్తాహీనం యదా భవేత్ ।
త్వయా సత్తాయుతం ఢుణ్ఢే స్మరణేన కృతం చ తే ॥ ౧౪ ॥

తత్త్వాని వీర్యహీనాని యదా జాతాని విఘ్నప ।
స్మృత్యా తే వీర్యయుక్తాని పునర్జాతాని తే నమః ॥ ౧౫ ॥

బ్రహ్మాణి యోగహీనాని జాతాని స్మరణేన తే ।
యదా పునర్గణేశాన యోగయుక్తాని తే నమః ॥ ౧౬ ॥

ఇత్యాది వివిధం సర్వం స్మరణేన చ తే ప్రభో ।
సత్తాయుక్తం బభూవైవ విఘ్నేశాయ నమో నమః ॥ ౧౭ ॥

తథా మన్త్రా గణేశాన వీర్యహీనా బభూవిరే ।
స్మరణేన పునర్ఢుణ్ఢే వీర్యయుక్తాన్ కురుష్వ తే ॥ ౧౮ ॥

సర్వం సత్తాసమాయుక్తం మన్త్రపూజాదికం ప్రభో ।
మమ నామ్నా భవతు తే వక్రతుణ్డాయ తే నమః ॥ ౧౯ ॥

ఉత్కీలయ మహామన్త్రాన్ జపేన స్తోత్రపాఠతః ।
సర్వసిద్ధిప్రదా మన్త్రా భవన్తు త్వత్ప్రసాదతః ॥ ౨౦ ॥

గణేశాయ నమస్తుభ్యం హేరమ్బాయైకదన్తినే ।
స్వానన్దవాసినే తుభ్యం బ్రహ్మణస్పతయే నమః ॥ ౨౧ ॥

గణేశకీలకమిదం కథితం తే ప్రజాపతే ।
శివప్రోక్తం తు మన్త్రాణాముత్కీలనకరం పరమ్ ॥ ౨౨ ॥

ఫలశ్రుతిః

యః పఠిష్యతి భావేన జప్త్వా తే మన్త్రముత్తమమ్ ।
స సర్వసిద్ధిమాప్నోతి నానామన్త్రసముద్భవామ్ ॥ ౨౩ ॥

ఏనం త్యక్త్వా గణేశస్య మన్త్రం జపతి నిత్యదా ।
స సర్వఫలహీనశ్చ జాయతే నాత్ర సంశయః ॥ ౨౪ ॥

సర్వసిద్ధిప్రదం ప్రోక్తం కీలకం పరమాద్భుతమ్ ।
పురానేన స్వయం శమ్భుర్మన్త్రజాం సిద్ధిమాలభత్ ॥ ౨౫ ॥

విష్ణుబ్రహ్మాదయో దేవా మునయో యోగినః పరే ।
అనేన మన్త్రసిద్ధిం తే లేభిరే చ ప్రజాపతే ॥ ౨౬ ॥

ఐలః కీలకమాద్యం వై కృత్వా మన్త్రపరాయణః ।
గతః స్వానన్దపూర్యాం స భక్తరాజో బభూవ హ ॥ ౨౭ ॥

సస్త్రీకో జడదేహేన బ్రహ్మాణ్డమవలోక్య తు ।
గణేశదర్శనేనైవ జ్యోతీరూపో బభూవ హ ॥ ౨౮ ॥

దక్ష ఉవాచ।
ఐలో జడశరీరస్థః కథం దేవాదికైర్యుతమ్ ।
బ్రహ్మాణ్డం స దదర్శైవ తన్మే వద కుతూహలమ్ ॥ ౨౯ ॥

పుణ్యరాశిః స్వయం సాక్షాన్నరకాదీన్ మహామతే ।
అపశ్యచ్చ కథం సోఽపి పాపిదర్శనయోగ్యకాన్ ॥ ౩౦ ॥

ముద్గలవాచ ।
విమానస్థః స్వయం రాజా కృపయా తాన్ దదర్శ హ ।
గాణేశానాం జడస్థశ్చ శివవిష్ణుముఖాన్ ప్రభో ॥ ౩౧ ॥

స్వానన్దగే విమానే యే సంస్థితాస్తే శుభాశుభే ।
యోగరూపతయా సర్వే దక్ష పశ్యన్తి చాఞ్జసా ॥ ౩౨ ॥

ఏతత్తే కథితం సర్వమైలస్య చరితం శుభమ్ ।
యః శృణోతి స వై మర్త్యః భుక్తిం ముక్తిం లభేద్ధ్రువమ్ ॥ ౩౩ ॥

More Ganesha Stotras

Explore More