What is Sri Ganesa Kilaka Stotram?

Read Sri Ganesa Kilaka Stotram in Malayalam script — full lyrics with English meaning and transliteration. A kilaka is the pin that holds a mantra shut, and this text is unusual in explaining what that means before it does anything else. Daksha asks Mudgala for the Ganesha kilaka, and Mudgala answers with the mechanics: mantras without a kilaka do not give happiness at all; one should recite the kilaka first and only then begin the japa, and only then do the mantras become full of potency and give their many accomplishments. He adds where he got it — Angiras taught it to him as the most secret thing there is. What follows is the kilaka itself, from the forty-fifth chapter of the Lambodara Charita in the Mudgala Purana, a chapter whose subject is the merit of hearing rather than of reciting.

Which deity is Sri Ganesa Kilaka Stotram dedicated to?

Sri Ganesa Kilaka Stotram is a Sanskrit hymn dedicated to Lord Ganesha.

Sri Ganesa Kilaka Stotram in Malayalam – Meaning

॥ ശ്രീ ഗണേശ കീലക സ്തോത്രമ് ॥

ദക്ഷ ഉവാച(ദക്ഷ പ്രജാപതി ബോലേ):

ഗണേശകീലകം ബ്രഹ്മന് വദ സര്വാര്ഥദായകമ് ।
മന്ത്രാദീനാം വിശേഷേണ സിദ്ധിദം പൂര്ണഭാവതഃ ॥ ൧ ॥

മുദ്ഗല ഉവാച(മുനി മുദ്ഗല ബോലേ):

കീലകേന വിഹീനാശ്ച മന്ത്രാ നൈവ സുഖപ്രദാഃ ।
ആദൌ കീലകമേവം വൈ പഠിത്വാ ജപമാചരേത് ॥ ൨ ॥

തദാ വീര്യയുതാ മന്ത്രാ നാനാസിദ്ധിപ്രദായകാഃ ।
ഭവന്തി നാത്ര സന്ദേഹഃ കഥയാമി യഥാശ്രുതമ് ॥ ൩ ॥

സമാദിഷ്ടം ചാങ്ഗിരസാ മഹ്യം ഗുഹ്യതമം പരമ് ।
സിദ്ധിദം വൈ ഗണേശസ്യ കീലകം ശൃണു മാനദ ॥ ൪ ॥

വിനിയോഗഃ

അസ്യ ശ്രീഗണേശകീലകസ്യ ശിവ ഋഷിഃ അനുഷ്ടുപ്ഛന്ദഃ ശ്രീഗണപതിര്ദേവതാ ഓം ഗം യോഗായ സ്വാഹാ ഓം ഗം ബീജം വിദ്യാഽവിദ്യാശക്തിഗണപതി പ്രീത്യര്ഥേ ജപേ വിനിയോഗഃ ॥

ഛന്ദഋഷ്യാദിന്യാസാംശ്ച കുര്യാദാദൌ തഥാ പരാന് ।
ഏകാക്ഷരസ്യൈവ ദക്ഷ ഷഡങ്ഗാനാചരേത് സുധീഃ ॥ ൫ ॥

തതോ ധ്യായേദ്ഗണേശാനം ജ്യോതീരൂപധരം പരമ് ।
മനോവാണീവിഹീനം ച ചതുര്ഭുജവിരാജിതമ് ॥ ൬ ॥

ശുണ്ഡാദണ്ഡമുഖം പൂര്ണം ദ്രഷ്ടും നൈവ പ്രശക്യതേ ।
വിദ്യാഽവിദ്യാസമായുക്തം വിഭൂതിഭിരുപാസിതമ് ॥ ൭ ॥

ഏവം ധ്യാത്വാ ഗണേശാനം മാനസൈഃ പൂജയേത്പൃഥക് ।
പഞ്ചോപചാരകൈര്ദക്ഷ തതോ ജപം സമാചരേത് ॥ ൮ ॥

ഏകവിംശതിവാരം തു ജപം കുര്യാത്പ്രജാപതേ ।
തതഃ സ്തോത്രം സമുച്ചാര്യ പശ്ചാത്സര്വം സമാചരേത് ॥ ൯ ॥

അഥ കീലക സ്തോത്രമ്

രൂപം ബലം ശ്രിയം ദേഹി യശോ വീര്യം ഗജാനന ।
മേധാം പ്രജ്ഞാം തഥാ കീര്തിം വിഘ്നരാജ നമോഽസ്തു തേ ॥ ൧൦ ॥

യദാ ദേവാദയഃ സര്വേ കുണ്ഠിതാ ദൈത്യപൈഃ കൃതാഃ ।
തദാ ത്വം താന്നിഹത്യ സ്മ കരോഷി വീര്യസമ്യുതാന് ॥ ൧൧ ॥

തഥാ മന്ത്രാ ഗണേശാന കുണ്ഠിതാശ്ച ദുരാത്മഭിഃ ।
ശാപൈശ്ച താന് സവീര്യാംസ്തേ കുരുഷ്വ ത്വം നമോ നമഃ ॥ ൧൨ ॥

ശക്തയഃ കുണ്ഠിതാഃ സര്വാഃ സ്മരണേന ത്വയാ പ്രഭോ ।
ജ്ഞാനയുക്താഃ സവീര്യാശ്ച കൃതാ വിഘ്നേശ തേ നമഃ ॥ ൧൩ ॥

ചരാചരം ജഗത്സര്വം സത്താഹീനം യദാ ഭവേത് ।
ത്വയാ സത്തായുതം ഢുണ്ഢേ സ്മരണേന കൃതം ച തേ ॥ ൧൪ ॥

തത്ത്വാനി വീര്യഹീനാനി യദാ ജാതാനി വിഘ്നപ ।
സ്മൃത്യാ തേ വീര്യയുക്താനി പുനര്ജാതാനി തേ നമഃ ॥ ൧൫ ॥

ബ്രഹ്മാണി യോഗഹീനാനി ജാതാനി സ്മരണേന തേ ।
യദാ പുനര്ഗണേശാന യോഗയുക്താനി തേ നമഃ ॥ ൧൬ ॥

ഇത്യാദി വിവിധം സര്വം സ്മരണേന ച തേ പ്രഭോ ।
സത്തായുക്തം ബഭൂവൈവ വിഘ്നേശായ നമോ നമഃ ॥ ൧൭ ॥

തഥാ മന്ത്രാ ഗണേശാന വീര്യഹീനാ ബഭൂവിരേ ।
സ്മരണേന പുനര്ഢുണ്ഢേ വീര്യയുക്താന് കുരുഷ്വ തേ ॥ ൧൮ ॥

സര്വം സത്താസമായുക്തം മന്ത്രപൂജാദികം പ്രഭോ ।
മമ നാമ്നാ ഭവതു തേ വക്രതുണ്ഡായ തേ നമഃ ॥ ൧൯ ॥

ഉത്കീലയ മഹാമന്ത്രാന് ജപേന സ്തോത്രപാഠതഃ ।
സര്വസിദ്ധിപ്രദാ മന്ത്രാ ഭവന്തു ത്വത്പ്രസാദതഃ ॥ ൨൦ ॥

ഗണേശായ നമസ്തുഭ്യം ഹേരമ്ബായൈകദന്തിനേ ।
സ്വാനന്ദവാസിനേ തുഭ്യം ബ്രഹ്മണസ്പതയേ നമഃ ॥ ൨൧ ॥

ഗണേശകീലകമിദം കഥിതം തേ പ്രജാപതേ ।
ശിവപ്രോക്തം തു മന്ത്രാണാമുത്കീലനകരം പരമ് ॥ ൨൨ ॥

ഫലശ്രുതിഃ

യഃ പഠിഷ്യതി ഭാവേന ജപ്ത്വാ തേ മന്ത്രമുത്തമമ് ।
സ സര്വസിദ്ധിമാപ്നോതി നാനാമന്ത്രസമുദ്ഭവാമ് ॥ ൨൩ ॥

ഏനം ത്യക്ത്വാ ഗണേശസ്യ മന്ത്രം ജപതി നിത്യദാ ।
സ സര്വഫലഹീനശ്ച ജായതേ നാത്ര സംശയഃ ॥ ൨൪ ॥

സര്വസിദ്ധിപ്രദം പ്രോക്തം കീലകം പരമാദ്ഭുതമ് ।
പുരാനേന സ്വയം ശമ്ഭുര്മന്ത്രജാം സിദ്ധിമാലഭത് ॥ ൨൫ ॥

വിഷ്ണുബ്രഹ്മാദയോ ദേവാ മുനയോ യോഗിനഃ പരേ ।
അനേന മന്ത്രസിദ്ധിം തേ ലേഭിരേ ച പ്രജാപതേ ॥ ൨൬ ॥

ഐലഃ കീലകമാദ്യം വൈ കൃത്വാ മന്ത്രപരായണഃ ।
ഗതഃ സ്വാനന്ദപൂര്യാം സ ഭക്തരാജോ ബഭൂവ ഹ ॥ ൨൭ ॥

സസ്ത്രീകോ ജഡദേഹേന ബ്രഹ്മാണ്ഡമവലോക്യ തു ।
ഗണേശദര്ശനേനൈവ ജ്യോതീരൂപോ ബഭൂവ ഹ ॥ ൨൮ ॥

ദക്ഷ ഉവാച।
ഐലോ ജഡശരീരസ്ഥഃ കഥം ദേവാദികൈര്യുതമ് ।
ബ്രഹ്മാണ്ഡം സ ദദര്ശൈവ തന്മേ വദ കുതൂഹലമ് ॥ ൨൯ ॥

പുണ്യരാശിഃ സ്വയം സാക്ഷാന്നരകാദീന് മഹാമതേ ।
അപശ്യച്ച കഥം സോഽപി പാപിദര്ശനയോഗ്യകാന് ॥ ൩൦ ॥

മുദ്ഗലവാച ।
വിമാനസ്ഥഃ സ്വയം രാജാ കൃപയാ താന് ദദര്ശ ഹ ।
ഗാണേശാനാം ജഡസ്ഥശ്ച ശിവവിഷ്ണുമുഖാന് പ്രഭോ ॥ ൩൧ ॥

സ്വാനന്ദഗേ വിമാനേ യേ സംസ്ഥിതാസ്തേ ശുഭാശുഭേ ।
യോഗരൂപതയാ സര്വേ ദക്ഷ പശ്യന്തി ചാഞ്ജസാ ॥ ൩൨ ॥

ഏതത്തേ കഥിതം സര്വമൈലസ്യ ചരിതം ശുഭമ് ।
യഃ ശൃണോതി സ വൈ മര്ത്യഃ ഭുക്തിം മുക്തിം ലഭേദ്ധ്രുവമ് ॥ ൩൩ ॥

More Ganesha Stotras

Explore More