What is Sri Ganesa Kilaka Stotram?

Read Sri Ganesa Kilaka Stotram in Kannada script — full lyrics with English meaning and transliteration. A kilaka is the pin that holds a mantra shut, and this text is unusual in explaining what that means before it does anything else. Daksha asks Mudgala for the Ganesha kilaka, and Mudgala answers with the mechanics: mantras without a kilaka do not give happiness at all; one should recite the kilaka first and only then begin the japa, and only then do the mantras become full of potency and give their many accomplishments. He adds where he got it — Angiras taught it to him as the most secret thing there is. What follows is the kilaka itself, from the forty-fifth chapter of the Lambodara Charita in the Mudgala Purana, a chapter whose subject is the merit of hearing rather than of reciting.

Which deity is Sri Ganesa Kilaka Stotram dedicated to?

Sri Ganesa Kilaka Stotram is a Sanskrit hymn dedicated to Lord Ganesha.

Sri Ganesa Kilaka Stotram in Kannada – Meaning

॥ ಶ್ರೀ ಗಣೇಶ ಕೀಲಕ ಸ್ತೋತ್ರಮ್ ॥

ದಕ್ಷ ಉವಾಚ(ದಕ್ಷ ಪ್ರಜಾಪತಿ ಬೋಲೇ):

ಗಣೇಶಕೀಲಕಂ ಬ್ರಹ್ಮನ್ ವದ ಸರ್ವಾರ್ಥದಾಯಕಮ್ ।
ಮನ್ತ್ರಾದೀನಾಂ ವಿಶೇಷೇಣ ಸಿದ್ಧಿದಂ ಪೂರ್ಣಭಾವತಃ ॥ ೧ ॥

ಮುದ್ಗಲ ಉವಾಚ(ಮುನಿ ಮುದ್ಗಲ ಬೋಲೇ):

ಕೀಲಕೇನ ವಿಹೀನಾಶ್ಚ ಮನ್ತ್ರಾ ನೈವ ಸುಖಪ್ರದಾಃ ।
ಆದೌ ಕೀಲಕಮೇವಂ ವೈ ಪಠಿತ್ವಾ ಜಪಮಾಚರೇತ್ ॥ ೨ ॥

ತದಾ ವೀರ್ಯಯುತಾ ಮನ್ತ್ರಾ ನಾನಾಸಿದ್ಧಿಪ್ರದಾಯಕಾಃ ।
ಭವನ್ತಿ ನಾತ್ರ ಸನ್ದೇಹಃ ಕಥಯಾಮಿ ಯಥಾಶ್ರುತಮ್ ॥ ೩ ॥

ಸಮಾದಿಷ್ಟಂ ಚಾಙ್ಗಿರಸಾ ಮಹ್ಯಂ ಗುಹ್ಯತಮಂ ಪರಮ್ ।
ಸಿದ್ಧಿದಂ ವೈ ಗಣೇಶಸ್ಯ ಕೀಲಕಂ ಶೃಣು ಮಾನದ ॥ ೪ ॥

ವಿನಿಯೋಗಃ

ಅಸ್ಯ ಶ್ರೀಗಣೇಶಕೀಲಕಸ್ಯ ಶಿವ ಋಷಿಃ ಅನುಷ್ಟುಪ್ಛನ್ದಃ ಶ್ರೀಗಣಪತಿರ್ದೇವತಾ ಓಂ ಗಂ ಯೋಗಾಯ ಸ್ವಾಹಾ ಓಂ ಗಂ ಬೀಜಂ ವಿದ್ಯಾಽವಿದ್ಯಾಶಕ್ತಿಗಣಪತಿ ಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥

ಛನ್ದಋಷ್ಯಾದಿನ್ಯಾಸಾಂಶ್ಚ ಕುರ್ಯಾದಾದೌ ತಥಾ ಪರಾನ್ ।
ಏಕಾಕ್ಷರಸ್ಯೈವ ದಕ್ಷ ಷಡಙ್ಗಾನಾಚರೇತ್ ಸುಧೀಃ ॥ ೫ ॥

ತತೋ ಧ್ಯಾಯೇದ್ಗಣೇಶಾನಂ ಜ್ಯೋತೀರೂಪಧರಂ ಪರಮ್ ।
ಮನೋವಾಣೀವಿಹೀನಂ ಚ ಚತುರ್ಭುಜವಿರಾಜಿತಮ್ ॥ ೬ ॥

ಶುಣ್ಡಾದಣ್ಡಮುಖಂ ಪೂರ್ಣಂ ದ್ರಷ್ಟುಂ ನೈವ ಪ್ರಶಕ್ಯತೇ ।
ವಿದ್ಯಾಽವಿದ್ಯಾಸಮಾಯುಕ್ತಂ ವಿಭೂತಿಭಿರುಪಾಸಿತಮ್ ॥ ೭ ॥

ಏವಂ ಧ್ಯಾತ್ವಾ ಗಣೇಶಾನಂ ಮಾನಸೈಃ ಪೂಜಯೇತ್ಪೃಥಕ್ ।
ಪಞ್ಚೋಪಚಾರಕೈರ್ದಕ್ಷ ತತೋ ಜಪಂ ಸಮಾಚರೇತ್ ॥ ೮ ॥

ಏಕವಿಂಶತಿವಾರಂ ತು ಜಪಂ ಕುರ್ಯಾತ್ಪ್ರಜಾಪತೇ ।
ತತಃ ಸ್ತೋತ್ರಂ ಸಮುಚ್ಚಾರ್ಯ ಪಶ್ಚಾತ್ಸರ್ವಂ ಸಮಾಚರೇತ್ ॥ ೯ ॥

ಅಥ ಕೀಲಕ ಸ್ತೋತ್ರಮ್

ರೂಪಂ ಬಲಂ ಶ್ರಿಯಂ ದೇಹಿ ಯಶೋ ವೀರ್ಯಂ ಗಜಾನನ ।
ಮೇಧಾಂ ಪ್ರಜ್ಞಾಂ ತಥಾ ಕೀರ್ತಿಂ ವಿಘ್ನರಾಜ ನಮೋಽಸ್ತು ತೇ ॥ ೧೦ ॥

ಯದಾ ದೇವಾದಯಃ ಸರ್ವೇ ಕುಣ್ಠಿತಾ ದೈತ್ಯಪೈಃ ಕೃತಾಃ ।
ತದಾ ತ್ವಂ ತಾನ್ನಿಹತ್ಯ ಸ್ಮ ಕರೋಷಿ ವೀರ್ಯಸಮ್ಯುತಾನ್ ॥ ೧೧ ॥

ತಥಾ ಮನ್ತ್ರಾ ಗಣೇಶಾನ ಕುಣ್ಠಿತಾಶ್ಚ ದುರಾತ್ಮಭಿಃ ।
ಶಾಪೈಶ್ಚ ತಾನ್ ಸವೀರ್ಯಾಂಸ್ತೇ ಕುರುಷ್ವ ತ್ವಂ ನಮೋ ನಮಃ ॥ ೧೨ ॥

ಶಕ್ತಯಃ ಕುಣ್ಠಿತಾಃ ಸರ್ವಾಃ ಸ್ಮರಣೇನ ತ್ವಯಾ ಪ್ರಭೋ ।
ಜ್ಞಾನಯುಕ್ತಾಃ ಸವೀರ್ಯಾಶ್ಚ ಕೃತಾ ವಿಘ್ನೇಶ ತೇ ನಮಃ ॥ ೧೩ ॥

ಚರಾಚರಂ ಜಗತ್ಸರ್ವಂ ಸತ್ತಾಹೀನಂ ಯದಾ ಭವೇತ್ ।
ತ್ವಯಾ ಸತ್ತಾಯುತಂ ಢುಣ್ಢೇ ಸ್ಮರಣೇನ ಕೃತಂ ಚ ತೇ ॥ ೧೪ ॥

ತತ್ತ್ವಾನಿ ವೀರ್ಯಹೀನಾನಿ ಯದಾ ಜಾತಾನಿ ವಿಘ್ನಪ ।
ಸ್ಮೃತ್ಯಾ ತೇ ವೀರ್ಯಯುಕ್ತಾನಿ ಪುನರ್ಜಾತಾನಿ ತೇ ನಮಃ ॥ ೧೫ ॥

ಬ್ರಹ್ಮಾಣಿ ಯೋಗಹೀನಾನಿ ಜಾತಾನಿ ಸ್ಮರಣೇನ ತೇ ।
ಯದಾ ಪುನರ್ಗಣೇಶಾನ ಯೋಗಯುಕ್ತಾನಿ ತೇ ನಮಃ ॥ ೧೬ ॥

ಇತ್ಯಾದಿ ವಿವಿಧಂ ಸರ್ವಂ ಸ್ಮರಣೇನ ಚ ತೇ ಪ್ರಭೋ ।
ಸತ್ತಾಯುಕ್ತಂ ಬಭೂವೈವ ವಿಘ್ನೇಶಾಯ ನಮೋ ನಮಃ ॥ ೧೭ ॥

ತಥಾ ಮನ್ತ್ರಾ ಗಣೇಶಾನ ವೀರ್ಯಹೀನಾ ಬಭೂವಿರೇ ।
ಸ್ಮರಣೇನ ಪುನರ್ಢುಣ್ಢೇ ವೀರ್ಯಯುಕ್ತಾನ್ ಕುರುಷ್ವ ತೇ ॥ ೧೮ ॥

ಸರ್ವಂ ಸತ್ತಾಸಮಾಯುಕ್ತಂ ಮನ್ತ್ರಪೂಜಾದಿಕಂ ಪ್ರಭೋ ।
ಮಮ ನಾಮ್ನಾ ಭವತು ತೇ ವಕ್ರತುಣ್ಡಾಯ ತೇ ನಮಃ ॥ ೧೯ ॥

ಉತ್ಕೀಲಯ ಮಹಾಮನ್ತ್ರಾನ್ ಜಪೇನ ಸ್ತೋತ್ರಪಾಠತಃ ।
ಸರ್ವಸಿದ್ಧಿಪ್ರದಾ ಮನ್ತ್ರಾ ಭವನ್ತು ತ್ವತ್ಪ್ರಸಾದತಃ ॥ ೨೦ ॥

ಗಣೇಶಾಯ ನಮಸ್ತುಭ್ಯಂ ಹೇರಮ್ಬಾಯೈಕದನ್ತಿನೇ ।
ಸ್ವಾನನ್ದವಾಸಿನೇ ತುಭ್ಯಂ ಬ್ರಹ್ಮಣಸ್ಪತಯೇ ನಮಃ ॥ ೨೧ ॥

ಗಣೇಶಕೀಲಕಮಿದಂ ಕಥಿತಂ ತೇ ಪ್ರಜಾಪತೇ ।
ಶಿವಪ್ರೋಕ್ತಂ ತು ಮನ್ತ್ರಾಣಾಮುತ್ಕೀಲನಕರಂ ಪರಮ್ ॥ ೨೨ ॥

ಫಲಶ್ರುತಿಃ

ಯಃ ಪಠಿಷ್ಯತಿ ಭಾವೇನ ಜಪ್ತ್ವಾ ತೇ ಮನ್ತ್ರಮುತ್ತಮಮ್ ।
ಸ ಸರ್ವಸಿದ್ಧಿಮಾಪ್ನೋತಿ ನಾನಾಮನ್ತ್ರಸಮುದ್ಭವಾಮ್ ॥ ೨೩ ॥

ಏನಂ ತ್ಯಕ್ತ್ವಾ ಗಣೇಶಸ್ಯ ಮನ್ತ್ರಂ ಜಪತಿ ನಿತ್ಯದಾ ।
ಸ ಸರ್ವಫಲಹೀನಶ್ಚ ಜಾಯತೇ ನಾತ್ರ ಸಂಶಯಃ ॥ ೨೪ ॥

ಸರ್ವಸಿದ್ಧಿಪ್ರದಂ ಪ್ರೋಕ್ತಂ ಕೀಲಕಂ ಪರಮಾದ್ಭುತಮ್ ।
ಪುರಾನೇನ ಸ್ವಯಂ ಶಮ್ಭುರ್ಮನ್ತ್ರಜಾಂ ಸಿದ್ಧಿಮಾಲಭತ್ ॥ ೨೫ ॥

ವಿಷ್ಣುಬ್ರಹ್ಮಾದಯೋ ದೇವಾ ಮುನಯೋ ಯೋಗಿನಃ ಪರೇ ।
ಅನೇನ ಮನ್ತ್ರಸಿದ್ಧಿಂ ತೇ ಲೇಭಿರೇ ಚ ಪ್ರಜಾಪತೇ ॥ ೨೬ ॥

ಐಲಃ ಕೀಲಕಮಾದ್ಯಂ ವೈ ಕೃತ್ವಾ ಮನ್ತ್ರಪರಾಯಣಃ ।
ಗತಃ ಸ್ವಾನನ್ದಪೂರ್ಯಾಂ ಸ ಭಕ್ತರಾಜೋ ಬಭೂವ ಹ ॥ ೨೭ ॥

ಸಸ್ತ್ರೀಕೋ ಜಡದೇಹೇನ ಬ್ರಹ್ಮಾಣ್ಡಮವಲೋಕ್ಯ ತು ।
ಗಣೇಶದರ್ಶನೇನೈವ ಜ್ಯೋತೀರೂಪೋ ಬಭೂವ ಹ ॥ ೨೮ ॥

ದಕ್ಷ ಉವಾಚ।
ಐಲೋ ಜಡಶರೀರಸ್ಥಃ ಕಥಂ ದೇವಾದಿಕೈರ್ಯುತಮ್ ।
ಬ್ರಹ್ಮಾಣ್ಡಂ ಸ ದದರ್ಶೈವ ತನ್ಮೇ ವದ ಕುತೂಹಲಮ್ ॥ ೨೯ ॥

ಪುಣ್ಯರಾಶಿಃ ಸ್ವಯಂ ಸಾಕ್ಷಾನ್ನರಕಾದೀನ್ ಮಹಾಮತೇ ।
ಅಪಶ್ಯಚ್ಚ ಕಥಂ ಸೋಽಪಿ ಪಾಪಿದರ್ಶನಯೋಗ್ಯಕಾನ್ ॥ ೩೦ ॥

ಮುದ್ಗಲವಾಚ ।
ವಿಮಾನಸ್ಥಃ ಸ್ವಯಂ ರಾಜಾ ಕೃಪಯಾ ತಾನ್ ದದರ್ಶ ಹ ।
ಗಾಣೇಶಾನಾಂ ಜಡಸ್ಥಶ್ಚ ಶಿವವಿಷ್ಣುಮುಖಾನ್ ಪ್ರಭೋ ॥ ೩೧ ॥

ಸ್ವಾನನ್ದಗೇ ವಿಮಾನೇ ಯೇ ಸಂಸ್ಥಿತಾಸ್ತೇ ಶುಭಾಶುಭೇ ।
ಯೋಗರೂಪತಯಾ ಸರ್ವೇ ದಕ್ಷ ಪಶ್ಯನ್ತಿ ಚಾಞ್ಜಸಾ ॥ ೩೨ ॥

ಏತತ್ತೇ ಕಥಿತಂ ಸರ್ವಮೈಲಸ್ಯ ಚರಿತಂ ಶುಭಮ್ ।
ಯಃ ಶೃಣೋತಿ ಸ ವೈ ಮರ್ತ್ಯಃ ಭುಕ್ತಿಂ ಮುಕ್ತಿಂ ಲಭೇದ್ಧ್ರುವಮ್ ॥ ೩೩ ॥

More Ganesha Stotras

Explore More