What is Shri Subrahmanya Hridaya Stotram?

Read Shri Subrahmanya Hridaya Stotram in Gujarati script — full lyrics with English meaning and transliteration. The Shri Subrahmanya Hridaya Stotram is a profound devotional composition found within the Skanda Purana. Dedicated to Lord Kartikeya, the divine commander-in-chief of the celestial army, this stotra serves as a protective kavacha and a meditative tool to connect with the Lord's essence. The text contains intricate nyasas and mantras that purify the practitioner, bestowing spiritual strength and clarity. Reciting this stotra is believed to destroy internal obstacles, foster courage, bestow success in endeavors, and grant the grace of Lord Subrahmanya for the attainment of worldly prosperity and ultimate liberation.

Which deity is Shri Subrahmanya Hridaya Stotram dedicated to?

Shri Subrahmanya Hridaya Stotram is a Sanskrit hymn dedicated to Lord Kartikeya.

Who composed Shri Subrahmanya Hridaya Stotram?

Shri Subrahmanya Hridaya Stotram is traditionally attributed to From Skanda Purana.

Shri Subrahmanya Hridaya Stotram in Gujarati – Meaning

અસ્ય શ્રીસુબ્રહ્મણ્યહૃદયસ્તોત્રમહામન્ત્રસ્ય, અગસ્ત્યો ભગવાન્ ઋષિઃ, અનુષ્ટુપ્છન્દઃ, શ્રીસુબ્રહ્મણ્યો દેવતા, સૌં બીજં, સ્વાહા શક્તિઃ, શ્રીં કીલકં, શ્રીસુબ્રહ્મણ્ય પ્રસાદસિદ્ધ્યર્થે જપે વિનિયોગઃ ॥

કરન્યાસઃ –
સુબ્રહ્મણ્યાય અઙ્ગુષ્ઠાભ્યાં નમઃ ।
ષણ્મુખાય તર્જનીભ્યાં નમઃ ।
શક્તિધરાય મધ્યમાભ્યાં નમઃ ।
ષટ્કોણસંસ્થિતાય અનામિકાભ્યાં નમઃ ।
સર્વતોમુખાય કનિષ્ઠિકાભ્યાં નમઃ ।
તારકાન્તકાય કરતલકરપૃષ્ઠાભ્યાં નમઃ ॥

હૃદયાદિ ન્યાસઃ –
સુબ્રહ્મણ્યાય હૃદયાય નમઃ ।
ષણ્મુખાય શિરસે સ્વાહા ।
શક્તિધરાય શિખાયૈ વષટ્ ।
ષટ્કોણસંસ્થિતાય કવચાય હુમ્ ।
સર્વતોમુખાય નેત્રત્રયાય વૌષટ્ ।
તારકાન્તકાય અસ્ત્રાય ફટ્ ।
ભૂર્ભુવસ્સુવરોમિતિ દિગ્બન્ધઃ ॥

ધ્યાનમ્ ।
ષડ્વક્ત્રં શિખિવાહનં ત્રિનયનં ચિત્રામ્બરાલઙ્કૃતં
વજ્રં શક્તિમસિં ત્રિશૂલમભયં ખેટં ધનુશ્ચક્રકમ્ ।
પાશં કુક્કુટમઙ્કુશં ચ વરદં દોર્ભિર્દધાનં સદા
ધ્યાયામીપ્સિત સિદ્ધિદં શિવસુતં શ્રીદ્વાદશાક્ષં ગુહમ્ ॥
લમિત્યાદિ પઞ્ચપૂજાં કુર્યાત્ ।

પીઠિકા ।
સત્યલોકે સદાનન્દે મુનિભિઃ પરિવેષ્ટિતમ્ ।
પપ્રચ્છુર્મુનયઃ સર્વે બ્રહ્માણં જગતાં ગુરુમ્ ॥ 1 ॥

ભગવન્ સર્વલોકેશ સર્વજ્ઞ કમલાસન ।
સદાનન્દ જ્ઞાનમૂર્તે સર્વભૂતહિતે રત ॥ 2 ॥

બહુધા પ્રોક્તમેતસ્ય ગુહસ્ય ચરિતં મહત્ ।
હૃદયં શ્રોતુમિચ્છામઃ તસ્યૈવ ક્રૌઞ્ચભેદિનઃ ॥ 3 ॥

બ્રહ્મોવાચ ।
શૃણ્વન્તુ મુનયઃ સર્વે ગુહ્યાદ્ગુહ્યતરં મહત્ ।
સુબ્રહ્મણ્યસ્ય હૃદયં સર્વભૂતહિતોદયમ્ ॥ 4 ॥

સર્વાર્થસિદ્ધિદં પુણ્યં સર્વકાર્યૈક સાધનમ્ ।
ધર્માર્થકામદં ગુહ્યં ધનધાન્યપ્રવર્ધનમ્ ॥ 5 ॥

રહસ્યમેતદ્દેવાનાં અદેયં યસ્ય કસ્યચિત્ ।
સર્વમિત્રકરં ગોપ્યં તેજોબલસમન્વિતમ્ ॥ 6 ॥

પ્રવક્ષ્યામિ હિતાર્થં વઃ પરિતુષ્ટેન ચેતસા ।
હૃત્પદ્મકર્ણિકામધ્યે ધ્યાયેત્સર્વમનોહરમ્ ॥ 7 ॥

અથ હૃદયમ્ ।
સુવર્ણમણ્ડપં દિવ્યં રત્નતોરણરાજિતમ્ ।
રત્નસ્તમ્ભસહસ્રૈશ્ચ શોભિતં પરમાદ્ભુતમ્ ॥ 8 ॥

પરમાનન્દનિલયં ભાસ્વત્સૂર્યસમપ્રભમ્ ।
દેવદાનવગન્ધર્વગરુડૈર્યક્ષકિન્નરૈઃ । ॥ 9 ॥

સેવાર્થમાગતૈઃ સિદ્ધૈઃ સાધ્યૈરધ્યુષિતં સદા ।
મહાયોગીન્દ્રસંસેવ્યં મન્દારતરુમણ્ડિતમ્ ॥ 10 ॥

મણિવિદ્રુમવેદીભિર્મહતીભિરુદઞ્ચિતમ્ ।
તન્મધ્યેઽનન્તરત્ન શ્રીચ્છટામણ્ડલશોભિતમ્ ॥ 11 ॥

રત્નસિંહાસનં દિવ્યં રવિકોટિસમપ્રભમ્ ।
સર્વાશ્ચર્યમયં પુણ્યં સર્વતઃ સુપરિષ્કૃતમ્ ॥ 12 ॥

તન્મધ્યેઽષ્ટદલં પદ્મં ઉદ્યદર્કપ્રભોદયમ્ ।
નિગમાગમરોલમ્બલમ્બિતં ચિન્મયોદયમ્ ॥ 13 ॥

દિવ્યં તેજોમયં દિવ્યં દેવતાભિર્નમસ્કૃતમ્ ।
દેદીપ્યમાનં રુચિભિર્વિશાલં સુમનોહરમ્ ॥ 14 ॥

તન્મધ્યે સર્વલોકેશં ધ્યાયેત્સર્વાઙ્ગસુન્દરમ્ ।
અનન્તાદિત્યસઙ્કાશં આશ્રિતાભીષ્ટદાયકમ્ ॥ 15 ॥

અચિન્ત્યજ્ઞાનવિજ્ઞાનતેજોબલસમન્વિતમ્ ।
સર્વાયુધધરં દિવ્યં સર્વાશ્ચર્યમયં ગુહમ્ ॥ 16 ॥

મહાર્હ રત્નખચિત ષટ્કિરીટવિરાજિતમ્ ।
શશાઙ્કાર્ધકલારમ્ય સમુદ્યન્મૌલિભૂષણમ્ ॥ 17 ॥

મદનોજ્જ્વલકોદણ્ડમઙ્ગલભ્રૂવિરાજિતમ્ ।
વિસ્તીર્ણારુણપદ્મશ્રી વિલસદ્દ્વાદશેક્ષણમ્ ॥ 18 ॥

ચારુશ્રીવર્ણસમ્પૂર્ણમુખશોભાવિભાસુરમ્ ।
મણિપ્રભાસમગ્રશ્રીસ્ફુરન્મકરકુણ્ડલમ્ ॥ 19 ॥

લસદ્દર્પણદર્પાઢ્ય ગણ્ડસ્થલવિરાજિતમ્ ।
દિવ્યકાઞ્ચનપુષ્પશ્રીનાસાપુટવિરાજિતમ્ ॥ 20 ॥

મન્દહાસપ્રભાજાલમધુરાધર શોભિતમ્ ।
સર્વલક્ષણલક્ષ્મીભૃત્કમ્બુકન્ધર સુન્દરમ્ ॥ 21 ॥

મહાનર્ઘમહારત્નદિવ્યહારવિરાજિતમ્ ।
સમગ્રનાગકેયૂરસન્નદ્ધભુજમણ્ડલમ્ ॥ 22 ॥

રત્નકઙ્કણસમ્ભાસ્વત્કરાગ્ર શ્રીમહોજ્જ્વલમ્ ।
મહામણિકવાટાભવક્ષઃસ્થલવિરાજિતમ્ ॥ 23 ॥

અતિગામ્ભીર્યસમ્ભાવ્યનાભીનવસરોરુહમ્ ।
રત્નશ્રીકલિતાબદ્ધલસન્મધ્યપ્રદેશકમ્ ॥ 24 ॥

સ્ફુરત્કનકસંવીતપીતામ્બરસમાવૃતમ્ ।
શૃઙ્ગારરસસમ્પૂર્ણ રત્નસ્તમ્ભોપમોરુકમ્ ॥ 25 ॥

સ્વર્ણકાહલરોચિષ્ણુ જઙ્ઘાયુગલમણ્ડલમ્ ।
રત્નમઞ્જીરસન્નદ્ધ રમણીય પદામ્બુજમ્ ॥ 26 ॥

ભક્તાભીષ્ટપ્રદં દેવં બ્રહ્મવિષ્ણ્વાદિસંસ્તુતમ્ ।
કટાક્ષૈઃ કરુણાદક્ષૈસ્તોષયન્તં જગત્પતિમ્ ॥ 27 ॥

ચિદાનન્દજ્ઞાનમૂર્તિં સર્વલોકપ્રિયઙ્કરમ્ ।
શઙ્કરસ્યાત્મજં દેવં ધ્યાયેચ્છરવણોદ્ભવમ્ ॥ 28 ॥

અનન્તાદિત્યચન્દ્રાગ્નિ તેજઃ સમ્પૂર્ણવિગ્રહમ્ ।
સર્વલોકૈકવરદં સર્વવિદ્યાર્થતત્ત્વકમ્ ॥ 29 ॥

સર્વેશ્વરં સર્વવિભું સર્વભૂતહિતે રતમ્ ।
એવં ધ્યાત્વા તુ હૃદયં ષણ્મુખસ્ય મહાત્મનઃ ॥ 30 ॥

સર્વાન્કામાનવાપ્નોતિ સમ્યક્ જ્ઞાનં ચ વિન્દતિ ।
શુચૌ દેશે સમાસીનઃ શુદ્ધાત્મા ચરિતાહ્નિકઃ ॥ 31 ॥

પ્રાઙ્મુખો યતચિત્તશ્ચ જપેદ્ધૃદયમુત્તમમ્ ।
સકૃદેવ મનું જપ્ત્વા સમ્પ્રાપ્નોત્યખિલં શુભમ્ ॥ 32 ॥

ઇદં સર્વાઘહરણં મૃત્યુદારિદ્ર્યનાશનમ્ ।
સર્વસમ્પત્કરં પુણ્યં સર્વરોગનિવારણમ્ ॥ 33 ॥

સર્વકામકરં દિવ્યં સર્વાભીષ્ટપ્રદાયકમ્ ।
પ્રજાકરં રાજ્યકરં ભાગ્યદં બહુપુણ્યદમ્ ॥ 34 ॥

ગુહ્યાદ્ગુહ્યતરં ભૂયો દેવાનામપિ દુર્લભમ્ ।
ઇદં તુ નાતપસ્કાય નાભક્તાય કદાચન ॥ 35 ॥

ન ચાશુશ્રૂષવે દેયં ન મદાન્ધાય કર્હિચિત્ ।
સચ્છિષ્યાય કુલીનાય સ્કન્દભક્તિરતાય ચ ॥ 36 ॥

સતામભિમતાયેદં દાતવ્યં ધર્મવર્ધનમ્ ।
ય ઇદં પરમં પુણ્યં નિત્યં જપતિ માનવઃ ।
તસ્ય શ્રી ભગવાન્ સ્કન્દઃ પ્રસન્નો ભવતિ ધ્રુવમ્ ॥ 37 ॥

શ્રી સુબ્રહ્મણ્ય હૃદય સ્તોત્રમ્

Explore More

More Kartikeya Stotras

Explore More