What is Sri Ganapati Mantraksaravali Stotram?

Read Sri Ganapati Mantraksaravali Stotram in Assamese script — full lyrics with English meaning and transliteration. The Goddess asks for a shortcut and says so plainly: without austerity, without meditation, without oblation and without recitation, tell me the effortless way of pleasing the lord of obstacles. What Maheshvara gives her is a garland made from the syllables of the mantra, taken one at a time, each turned into an image before the next is reached. The first is the syllable om, and it becomes an ocean of sugarcane juice — ring-shaped like the letter itself, garlanded with clear waves, its sound kindled. He warns her only that the thing is hard for the ill-intentioned to come by and easy for the pure of heart, which is the single condition placed on it. The closing verse hands it back to her to use.

Which deity is Sri Ganapati Mantraksaravali Stotram dedicated to?

Sri Ganapati Mantraksaravali Stotram is a Sanskrit hymn dedicated to Lord Ganesha.

Sri Ganapati Mantraksaravali Stotram in Assamese – Meaning

॥ শ্ৰী গণপতি মন্ত্ৰাক্ষৰাৱলি স্তোত্ৰম্ ॥

শ্ৰীদেৱ্যুৱাচ।

ৱিনা তপো ৱিনা ধ্যানম্ ৱিনা হোমং ৱিনা জপম্ ।
অনাযাসেন ৱিঘ্নেশপ্ৰীণনং ৱদ মে প্ৰভো ॥ ১ ॥

মহেশ্ৱৰ উৱাচ।

মন্ত্ৰাক্ষৰাৱলিস্তোত্ৰং মহাসৌভাগ্যৱৰ্ধনম্ ।
দুৰ্লভং দুষ্টমনসাং সুলভং শুদ্ধচেতসাম্ ॥ ২ ॥

মহাগণপতিপ্ৰীতিপ্ৰতিপাদকমঞ্জসা ।
কথযামি ঘনশ্ৰোণি কৰ্ণাভ্যামৱতংসয ॥ ৩ ॥

ওঙ্কাৰৱলযাকাৰং অচ্ছকল্লোলমালিকম্ ।
ঐক্ষৱং চেতসা ৱন্দে সিন্ধুং সন্ধুক্ষিতস্ৱনম্ ॥ ৪ ॥

শ্ৰীমন্তমিক্ষুজলধেঃ অন্তৰভ্যুদিতং নুমঃ ।
মণিদ্ৱীপং মহাকাৰং মহাকল্পং মহোদযম্ ॥ ৫ ॥

হ্ৰীপ্ৰদেন মহাধাম্না ধাম্নামীশে ৱিভাৰকে ।
কল্পোদ্যানস্থিতং ৱন্দে ভাস্ৱন্তং মণিমণ্ডপম্ ॥ ৬ ॥

ক্লীবস্যাপি স্মৰোন্মাদকাৰিশৃঙ্গাৰশালিনি ।
তন্মধ্যে গণনাথস্য মণিসিংহাসনং ভজে ॥ ৭ ॥

গ্লৌকলাভিৰিৱাচ্ছাভিস্তীৱ্ৰাদিনৱশক্তিভিঃ ।
জুষ্টং লিপিমযং পদ্মং ধৰ্মাদ্যাশ্ৰযমাশ্ৰযে ॥ ৮ ॥

গম্ভীৰমিৱ তত্ৰাব্ধিং ৱসন্তং ত্ৰ্যশ্ৰমণ্ডলে ।
উত্সঙ্গগতলক্ষ্মীকং উদ্যত্তিগ্মাংশুপাটলম্ ॥ ৯ ॥

গদেক্ষুকাৰ্মুকৰুজাচক্ৰাম্বুজগুণোত্পলৈঃ ।
ৱ্ৰীহ্যগ্ৰনিজদন্তাগ্ৰকলশীমাতুলুঙ্গকৈঃ ॥ ১০ ॥

ণষষ্ঠৱৰ্ণৱাচ্যস্য দাৰিদ্ৰ্যস্য ৱিভঞ্জকৈঃ ।
এতৈৰেকাদশকৰান্ অলঙ্কুৰ্ৱাণমুন্মদম্ ॥ ১১ ॥

পৰানন্দমযং ভক্তপ্ৰত্যূহৱ্যূহনাশনম্ ।
পৰমাৰ্থপ্ৰবোধাব্ধিং পশ্যামি গণনাযকম্ ॥ ১২ ॥

তত্পুৰঃ প্ৰস্ফুৰদ্বিল্ৱমূলপীঠসমাশ্ৰযৌ ।
ৰমাৰমেশৌ ৱিমৃশাম্যশেষশুভদাযকৌ ॥ ১৩ ॥

যেন দক্ষিণভাগস্থন্যগ্ৰোধতলমাশ্ৰিতম্ ।
সাকল্পং সাযুধং ৱন্দে তং সাম্বং পৰমেশ্ৱৰম্ ॥ ১৪ ॥

ৱৰসম্ভোগৰুচিৰৌ পশ্চিমে পিপ্পলাশ্ৰযৌ ।
ৰমণীযতৰৌ ৱন্দে ৰতিপুষ্পশিলীমুখৌ । ১৫ ॥

ৰমমাণৌ গণেশানোত্তৰদিক্ফলিনীতলে ।
ভূভূধৰাৱুদাৰাভৌ ভজে ভুৱনপালকৌ ॥ ১৬ ॥

ৱলমানৱপুৰ্জ্যোতিঃ কডাৰিতককুপ্তটীঃ ।
হৃদযাদ্যঙ্গষড্দেৱীৰঙ্গৰক্ষাকৃতে ভজে ॥ ১৭ ॥

ৰদকাণ্ডৰুচিজ্যোত্স্নাকাশগণ্ডস্ৰৱন্মদম্ ।
ঋদ্ধ্যাশ্লেষকৃতামোদমামোদং দেৱমাশ্ৰযে ॥ ১৮ ॥

দলত্কপোলৱিগলন্মদধাৰাৱলাহকম্ ।
সমৃদ্ধিতটিদাশ্লিষ্টং প্ৰমোদং হৃদি ভাৱযে ॥ ১৯ ॥

সকান্তিং কান্তিলতিকাপৰিৰব্ধতনুং ভজে ।
ভুজপ্ৰকাণ্ডসচ্ছাযং সুমুখং কল্পপাদপম্ ॥ ২০ ॥

ৱন্দে তুন্দিলমিন্ধানং চন্দ্ৰকন্দলশীতলম্ ।
দুৰ্মুখং মদনাৱত্যা নিৰ্মিতালিঙ্গনামৃতম্ ॥ ২১ ॥

জম্ভৱৈৰিকৃতাভ্যৰ্চ্যৌ জগদভ্যুদযপ্ৰদৌ ।
অহং মদদ্ৰৱাৱিঘ্নৌ হতযে ত্ৱেনসাং শ্ৰযে ॥ ২২ ॥

নৱশৃঙ্গাৰৰুচিৰৌ নমত্সৰ্ৱসুৰাসুৰৌ ।
দ্ৰাৱিণীৱিঘ্নকৰ্তাৰৌ দ্ৰাৱযেতাং দৰিদ্ৰতাম্ ॥ ২ ৩ ॥

মেদুৰং মৌক্তিকাসাৰং ৱৰ্ষন্তৌ ভক্তিশালিনাম্ ।
ৱসুধাৰাশঙ্খনিধী ৱাক্পুষ্পাঞ্জলিভিঃ স্তুমঃ ॥ ২৪ ॥

ৱৰ্ষন্তৌ ৰত্নৱৰ্ষেণ ৱলদ্বালাতপত্ৱিষৌ ।
ৱৰদৌ নমতাং ৱন্দে ৱসুধাপদ্মশেৱধী ॥ ২৫ ॥

শমিতাধিমহাৱ্যাধীঃ সান্দ্ৰানন্দকৰম্বিতাঃ ।
ব্ৰাহ্ম্যাদীঃ কলযে শক্তীঃ শক্তীনামভিৱৃদ্ধযে ॥ ২৬ ॥

মামৱন্তু মহেন্দ্ৰাদ্যা দিক্পালা দৰ্পশালিনঃ ।
সংনতাঃ শ্ৰীগণাধীশং সৱাহাযুধশক্তযঃ ॥ ২৭ ॥

নৱীনপল্লৱচ্ছাযাদাযাদৱপুৰুজ্জ্ৱলম্ ।
মেদস্ৱি মদনিষ্যন্দস্ৰোতস্ৱি কটকোটৰম্ ॥ ২৮ ॥

যজমানতনুং যাগৰূপিণং যজ্ঞপূৰুষম্ ।
যমং যমৱতামৰ্চ্যং যত্নভাজামদুৰ্লভম্ ॥ ২৯ ॥

স্ৱাৰস্যপৰমানন্দস্ৱৰূপং স্ৱযমুদ্গতম্ ।
স্ৱযং ৱেদ্যং স্ৱযং শক্তং স্ৱযং কৃত্যত্ৰযাকৰম্ ॥ ৩০ ॥

হাৰকেযূৰ মুকুটকনকাঙ্গদ কুণ্ডলৈঃ ।
অলঙ্কৃতং চ ৱিঘ্নানাং হৰ্তাৰং দেৱমাশ্ৰযে ॥ ৩১ ॥

ফলশ্ৰুতি

মন্ত্ৰাক্ষৰাৱলিস্তোত্ৰং কথিতং তৱ সুন্দৰি ।
সমস্তমীপ্সিতং তেন সম্পাদয শিৱে শিৱম্ ॥ ৩২ ॥

More Ganesha Stotras

Explore More