What is Sri Ganapati Mantraksaravali Stotram?

Read Sri Ganapati Mantraksaravali Stotram in Gujarati script — full lyrics with English meaning and transliteration. The Goddess asks for a shortcut and says so plainly: without austerity, without meditation, without oblation and without recitation, tell me the effortless way of pleasing the lord of obstacles. What Maheshvara gives her is a garland made from the syllables of the mantra, taken one at a time, each turned into an image before the next is reached. The first is the syllable om, and it becomes an ocean of sugarcane juice — ring-shaped like the letter itself, garlanded with clear waves, its sound kindled. He warns her only that the thing is hard for the ill-intentioned to come by and easy for the pure of heart, which is the single condition placed on it. The closing verse hands it back to her to use.

Which deity is Sri Ganapati Mantraksaravali Stotram dedicated to?

Sri Ganapati Mantraksaravali Stotram is a Sanskrit hymn dedicated to Lord Ganesha.

Sri Ganapati Mantraksaravali Stotram in Gujarati – Meaning

॥ શ્રી ગણપતિ મન્ત્રાક્ષરાવલિ સ્તોત્રમ્ ॥

શ્રીદેવ્યુવાચ।

વિના તપો વિના ધ્યાનમ્ વિના હોમં વિના જપમ્ ।
અનાયાસેન વિઘ્નેશપ્રીણનં વદ મે પ્રભો ॥ ૧ ॥

મહેશ્વર ઉવાચ।

મન્ત્રાક્ષરાવલિસ્તોત્રં મહાસૌભાગ્યવર્ધનમ્ ।
દુર્લભં દુષ્ટમનસાં સુલભં શુદ્ધચેતસામ્ ॥ ૨ ॥

મહાગણપતિપ્રીતિપ્રતિપાદકમઞ્જસા ।
કથયામિ ઘનશ્રોણિ કર્ણાભ્યામવતંસય ॥ ૩ ॥

ઓઙ્કારવલયાકારં અચ્છકલ્લોલમાલિકમ્ ।
ઐક્ષવં ચેતસા વન્દે સિન્ધું સન્ધુક્ષિતસ્વનમ્ ॥ ૪ ॥

શ્રીમન્તમિક્ષુજલધેઃ અન્તરભ્યુદિતં નુમઃ ।
મણિદ્વીપં મહાકારં મહાકલ્પં મહોદયમ્ ॥ ૫ ॥

હ્રીપ્રદેન મહાધામ્ના ધામ્નામીશે વિભારકે ।
કલ્પોદ્યાનસ્થિતં વન્દે ભાસ્વન્તં મણિમણ્ડપમ્ ॥ ૬ ॥

ક્લીબસ્યાપિ સ્મરોન્માદકારિશૃઙ્ગારશાલિનિ ।
તન્મધ્યે ગણનાથસ્ય મણિસિંહાસનં ભજે ॥ ૭ ॥

ગ્લૌકલાભિરિવાચ્છાભિસ્તીવ્રાદિનવશક્તિભિઃ ।
જુષ્ટં લિપિમયં પદ્મં ધર્માદ્યાશ્રયમાશ્રયે ॥ ૮ ॥

ગમ્ભીરમિવ તત્રાબ્ધિં વસન્તં ત્ર્યશ્રમણ્ડલે ।
ઉત્સઙ્ગગતલક્ષ્મીકં ઉદ્યત્તિગ્માંશુપાટલમ્ ॥ ૯ ॥

ગદેક્ષુકાર્મુકરુજાચક્રામ્બુજગુણોત્પલૈઃ ।
વ્રીહ્યગ્રનિજદન્તાગ્રકલશીમાતુલુઙ્ગકૈઃ ॥ ૧૦ ॥

ણષષ્ઠવર્ણવાચ્યસ્ય દારિદ્ર્યસ્ય વિભઞ્જકૈઃ ।
એતૈરેકાદશકરાન્ અલઙ્કુર્વાણમુન્મદમ્ ॥ ૧૧ ॥

પરાનન્દમયં ભક્તપ્રત્યૂહવ્યૂહનાશનમ્ ।
પરમાર્થપ્રબોધાબ્ધિં પશ્યામિ ગણનાયકમ્ ॥ ૧૨ ॥

તત્પુરઃ પ્રસ્ફુરદ્બિલ્વમૂલપીઠસમાશ્રયૌ ।
રમારમેશૌ વિમૃશામ્યશેષશુભદાયકૌ ॥ ૧૩ ॥

યેન દક્ષિણભાગસ્થન્યગ્રોધતલમાશ્રિતમ્ ।
સાકલ્પં સાયુધં વન્દે તં સામ્બં પરમેશ્વરમ્ ॥ ૧૪ ॥

વરસમ્ભોગરુચિરૌ પશ્ચિમે પિપ્પલાશ્રયૌ ।
રમણીયતરૌ વન્દે રતિપુષ્પશિલીમુખૌ । ૧૫ ॥

રમમાણૌ ગણેશાનોત્તરદિક્ફલિનીતલે ।
ભૂભૂધરાવુદારાભૌ ભજે ભુવનપાલકૌ ॥ ૧૬ ॥

વલમાનવપુર્જ્યોતિઃ કડારિતકકુપ્તટીઃ ।
હૃદયાદ્યઙ્ગષડ્દેવીરઙ્ગરક્ષાકૃતે ભજે ॥ ૧૭ ॥

રદકાણ્ડરુચિજ્યોત્સ્નાકાશગણ્ડસ્રવન્મદમ્ ।
ઋદ્ધ્યાશ્લેષકૃતામોદમામોદં દેવમાશ્રયે ॥ ૧૮ ॥

દલત્કપોલવિગલન્મદધારાવલાહકમ્ ।
સમૃદ્ધિતટિદાશ્લિષ્ટં પ્રમોદં હૃદિ ભાવયે ॥ ૧૯ ॥

સકાન્તિં કાન્તિલતિકાપરિરબ્ધતનું ભજે ।
ભુજપ્રકાણ્ડસચ્છાયં સુમુખં કલ્પપાદપમ્ ॥ ૨૦ ॥

વન્દે તુન્દિલમિન્ધાનં ચન્દ્રકન્દલશીતલમ્ ।
દુર્મુખં મદનાવત્યા નિર્મિતાલિઙ્ગનામૃતમ્ ॥ ૨૧ ॥

જમ્ભવૈરિકૃતાભ્યર્ચ્યૌ જગદભ્યુદયપ્રદૌ ।
અહં મદદ્રવાવિઘ્નૌ હતયે ત્વેનસાં શ્રયે ॥ ૨૨ ॥

નવશૃઙ્ગારરુચિરૌ નમત્સર્વસુરાસુરૌ ।
દ્રાવિણીવિઘ્નકર્તારૌ દ્રાવયેતાં દરિદ્રતામ્ ॥ ૨ ૩ ॥

મેદુરં મૌક્તિકાસારં વર્ષન્તૌ ભક્તિશાલિનામ્ ।
વસુધારાશઙ્ખનિધી વાક્પુષ્પાઞ્જલિભિઃ સ્તુમઃ ॥ ૨૪ ॥

વર્ષન્તૌ રત્નવર્ષેણ વલદ્બાલાતપત્વિષૌ ।
વરદૌ નમતાં વન્દે વસુધાપદ્મશેવધી ॥ ૨૫ ॥

શમિતાધિમહાવ્યાધીઃ સાન્દ્રાનન્દકરમ્બિતાઃ ।
બ્રાહ્મ્યાદીઃ કલયે શક્તીઃ શક્તીનામભિવૃદ્ધયે ॥ ૨૬ ॥

મામવન્તુ મહેન્દ્રાદ્યા દિક્પાલા દર્પશાલિનઃ ।
સંનતાઃ શ્રીગણાધીશં સવાહાયુધશક્તયઃ ॥ ૨૭ ॥

નવીનપલ્લવચ્છાયાદાયાદવપુરુજ્જ્વલમ્ ।
મેદસ્વિ મદનિષ્યન્દસ્રોતસ્વિ કટકોટરમ્ ॥ ૨૮ ॥

યજમાનતનું યાગરૂપિણં યજ્ઞપૂરુષમ્ ।
યમં યમવતામર્ચ્યં યત્નભાજામદુર્લભમ્ ॥ ૨૯ ॥

સ્વારસ્યપરમાનન્દસ્વરૂપં સ્વયમુદ્ગતમ્ ।
સ્વયં વેદ્યં સ્વયં શક્તં સ્વયં કૃત્યત્રયાકરમ્ ॥ ૩૦ ॥

હારકેયૂર મુકુટકનકાઙ્ગદ કુણ્ડલૈઃ ।
અલઙ્કૃતં ચ વિઘ્નાનાં હર્તારં દેવમાશ્રયે ॥ ૩૧ ॥

ફલશ્રુતિ

મન્ત્રાક્ષરાવલિસ્તોત્રં કથિતં તવ સુન્દરિ ।
સમસ્તમીપ્સિતં તેન સમ્પાદય શિવે શિવમ્ ॥ ૩૨ ॥

More Ganesha Stotras

Explore More