What is Sri Ganapati Mantraksaravali Stotram?

Read Sri Ganapati Mantraksaravali Stotram in Bengali script — full lyrics with English meaning and transliteration. The Goddess asks for a shortcut and says so plainly: without austerity, without meditation, without oblation and without recitation, tell me the effortless way of pleasing the lord of obstacles. What Maheshvara gives her is a garland made from the syllables of the mantra, taken one at a time, each turned into an image before the next is reached. The first is the syllable om, and it becomes an ocean of sugarcane juice — ring-shaped like the letter itself, garlanded with clear waves, its sound kindled. He warns her only that the thing is hard for the ill-intentioned to come by and easy for the pure of heart, which is the single condition placed on it. The closing verse hands it back to her to use.

Which deity is Sri Ganapati Mantraksaravali Stotram dedicated to?

Sri Ganapati Mantraksaravali Stotram is a Sanskrit hymn dedicated to Lord Ganesha.

Sri Ganapati Mantraksaravali Stotram in Bengali – Meaning

॥ শ্রী গণপতি মন্ত্রাক্ষরাবলি স্তোত্রম্ ॥

শ্রীদেব্যুবাচ।

বিনা তপো বিনা ধ্যানম্ বিনা হোমং বিনা জপম্ ।
অনাযাসেন বিঘ্নেশপ্রীণনং বদ মে প্রভো ॥ ১ ॥

মহেশ্বর উবাচ।

মন্ত্রাক্ষরাবলিস্তোত্রং মহাসৌভাগ্যবর্ধনম্ ।
দুর্লভং দুষ্টমনসাং সুলভং শুদ্ধচেতসাম্ ॥ ২ ॥

মহাগণপতিপ্রীতিপ্রতিপাদকমঞ্জসা ।
কথযামি ঘনশ্রোণি কর্ণাভ্যামবতংসয ॥ ৩ ॥

ওঙ্কারবলযাকারং অচ্ছকল্লোলমালিকম্ ।
ঐক্ষবং চেতসা বন্দে সিন্ধুং সন্ধুক্ষিতস্বনম্ ॥ ৪ ॥

শ্রীমন্তমিক্ষুজলধেঃ অন্তরভ্যুদিতং নুমঃ ।
মণিদ্বীপং মহাকারং মহাকল্পং মহোদযম্ ॥ ৫ ॥

হ্রীপ্রদেন মহাধাম্না ধাম্নামীশে বিভারকে ।
কল্পোদ্যানস্থিতং বন্দে ভাস্বন্তং মণিমণ্ডপম্ ॥ ৬ ॥

ক্লীবস্যাপি স্মরোন্মাদকারিশৃঙ্গারশালিনি ।
তন্মধ্যে গণনাথস্য মণিসিংহাসনং ভজে ॥ ৭ ॥

গ্লৌকলাভিরিবাচ্ছাভিস্তীব্রাদিনবশক্তিভিঃ ।
জুষ্টং লিপিমযং পদ্মং ধর্মাদ্যাশ্রযমাশ্রযে ॥ ৮ ॥

গম্ভীরমিব তত্রাব্ধিং বসন্তং ত্র্যশ্রমণ্ডলে ।
উত্সঙ্গগতলক্ষ্মীকং উদ্যত্তিগ্মাংশুপাটলম্ ॥ ৯ ॥

গদেক্ষুকার্মুকরুজাচক্রাম্বুজগুণোত্পলৈঃ ।
ব্রীহ্যগ্রনিজদন্তাগ্রকলশীমাতুলুঙ্গকৈঃ ॥ ১০ ॥

ণষষ্ঠবর্ণবাচ্যস্য দারিদ্র্যস্য বিভঞ্জকৈঃ ।
এতৈরেকাদশকরান্ অলঙ্কুর্বাণমুন্মদম্ ॥ ১১ ॥

পরানন্দমযং ভক্তপ্রত্যূহব্যূহনাশনম্ ।
পরমার্থপ্রবোধাব্ধিং পশ্যামি গণনাযকম্ ॥ ১২ ॥

তত্পুরঃ প্রস্ফুরদ্বিল্বমূলপীঠসমাশ্রযৌ ।
রমারমেশৌ বিমৃশাম্যশেষশুভদাযকৌ ॥ ১৩ ॥

যেন দক্ষিণভাগস্থন্যগ্রোধতলমাশ্রিতম্ ।
সাকল্পং সাযুধং বন্দে তং সাম্বং পরমেশ্বরম্ ॥ ১৪ ॥

বরসম্ভোগরুচিরৌ পশ্চিমে পিপ্পলাশ্রযৌ ।
রমণীযতরৌ বন্দে রতিপুষ্পশিলীমুখৌ । ১৫ ॥

রমমাণৌ গণেশানোত্তরদিক্ফলিনীতলে ।
ভূভূধরাবুদারাভৌ ভজে ভুবনপালকৌ ॥ ১৬ ॥

বলমানবপুর্জ্যোতিঃ কডারিতককুপ্তটীঃ ।
হৃদযাদ্যঙ্গষড্দেবীরঙ্গরক্ষাকৃতে ভজে ॥ ১৭ ॥

রদকাণ্ডরুচিজ্যোত্স্নাকাশগণ্ডস্রবন্মদম্ ।
ঋদ্ধ্যাশ্লেষকৃতামোদমামোদং দেবমাশ্রযে ॥ ১৮ ॥

দলত্কপোলবিগলন্মদধারাবলাহকম্ ।
সমৃদ্ধিতটিদাশ্লিষ্টং প্রমোদং হৃদি ভাবযে ॥ ১৯ ॥

সকান্তিং কান্তিলতিকাপরিরব্ধতনুং ভজে ।
ভুজপ্রকাণ্ডসচ্ছাযং সুমুখং কল্পপাদপম্ ॥ ২০ ॥

বন্দে তুন্দিলমিন্ধানং চন্দ্রকন্দলশীতলম্ ।
দুর্মুখং মদনাবত্যা নির্মিতালিঙ্গনামৃতম্ ॥ ২১ ॥

জম্ভবৈরিকৃতাভ্যর্চ্যৌ জগদভ্যুদযপ্রদৌ ।
অহং মদদ্রবাবিঘ্নৌ হতযে ত্বেনসাং শ্রযে ॥ ২২ ॥

নবশৃঙ্গাররুচিরৌ নমত্সর্বসুরাসুরৌ ।
দ্রাবিণীবিঘ্নকর্তারৌ দ্রাবযেতাং দরিদ্রতাম্ ॥ ২ ৩ ॥

মেদুরং মৌক্তিকাসারং বর্ষন্তৌ ভক্তিশালিনাম্ ।
বসুধারাশঙ্খনিধী বাক্পুষ্পাঞ্জলিভিঃ স্তুমঃ ॥ ২৪ ॥

বর্ষন্তৌ রত্নবর্ষেণ বলদ্বালাতপত্বিষৌ ।
বরদৌ নমতাং বন্দে বসুধাপদ্মশেবধী ॥ ২৫ ॥

শমিতাধিমহাব্যাধীঃ সান্দ্রানন্দকরম্বিতাঃ ।
ব্রাহ্ম্যাদীঃ কলযে শক্তীঃ শক্তীনামভিবৃদ্ধযে ॥ ২৬ ॥

মামবন্তু মহেন্দ্রাদ্যা দিক্পালা দর্পশালিনঃ ।
সংনতাঃ শ্রীগণাধীশং সবাহাযুধশক্তযঃ ॥ ২৭ ॥

নবীনপল্লবচ্ছাযাদাযাদবপুরুজ্জ্বলম্ ।
মেদস্বি মদনিষ্যন্দস্রোতস্বি কটকোটরম্ ॥ ২৮ ॥

যজমানতনুং যাগরূপিণং যজ্ঞপূরুষম্ ।
যমং যমবতামর্চ্যং যত্নভাজামদুর্লভম্ ॥ ২৯ ॥

স্বারস্যপরমানন্দস্বরূপং স্বযমুদ্গতম্ ।
স্বযং বেদ্যং স্বযং শক্তং স্বযং কৃত্যত্রযাকরম্ ॥ ৩০ ॥

হারকেযূর মুকুটকনকাঙ্গদ কুণ্ডলৈঃ ।
অলঙ্কৃতং চ বিঘ্নানাং হর্তারং দেবমাশ্রযে ॥ ৩১ ॥

ফলশ্রুতি

মন্ত্রাক্ষরাবলিস্তোত্রং কথিতং তব সুন্দরি ।
সমস্তমীপ্সিতং তেন সম্পাদয শিবে শিবম্ ॥ ৩২ ॥

More Ganesha Stotras

Explore More