What is Sri Ganapati Mantraksaravali Stotram?

Read Sri Ganapati Mantraksaravali Stotram in Telugu script — full lyrics with English meaning and transliteration. The Goddess asks for a shortcut and says so plainly: without austerity, without meditation, without oblation and without recitation, tell me the effortless way of pleasing the lord of obstacles. What Maheshvara gives her is a garland made from the syllables of the mantra, taken one at a time, each turned into an image before the next is reached. The first is the syllable om, and it becomes an ocean of sugarcane juice — ring-shaped like the letter itself, garlanded with clear waves, its sound kindled. He warns her only that the thing is hard for the ill-intentioned to come by and easy for the pure of heart, which is the single condition placed on it. The closing verse hands it back to her to use.

Which deity is Sri Ganapati Mantraksaravali Stotram dedicated to?

Sri Ganapati Mantraksaravali Stotram is a Sanskrit hymn dedicated to Lord Ganesha.

Sri Ganapati Mantraksaravali Stotram in Telugu – Meaning

॥ శ్రీ గణపతి మన్త్రాక్షరావలి స్తోత్రమ్ ॥

శ్రీదేవ్యువాచ।

వినా తపో వినా ధ్యానమ్ వినా హోమం వినా జపమ్ ।
అనాయాసేన విఘ్నేశప్రీణనం వద మే ప్రభో ॥ ౧ ॥

మహేశ్వర ఉవాచ।

మన్త్రాక్షరావలిస్తోత్రం మహాసౌభాగ్యవర్ధనమ్ ।
దుర్లభం దుష్టమనసాం సులభం శుద్ధచేతసామ్ ॥ ౨ ॥

మహాగణపతిప్రీతిప్రతిపాదకమఞ్జసా ।
కథయామి ఘనశ్రోణి కర్ణాభ్యామవతంసయ ॥ ౩ ॥

ఓఙ్కారవలయాకారం అచ్ఛకల్లోలమాలికమ్ ।
ఐక్షవం చేతసా వన్దే సిన్ధుం సన్ధుక్షితస్వనమ్ ॥ ౪ ॥

శ్రీమన్తమిక్షుజలధేః అన్తరభ్యుదితం నుమః ।
మణిద్వీపం మహాకారం మహాకల్పం మహోదయమ్ ॥ ౫ ॥

హ్రీప్రదేన మహాధామ్నా ధామ్నామీశే విభారకే ।
కల్పోద్యానస్థితం వన్దే భాస్వన్తం మణిమణ్డపమ్ ॥ ౬ ॥

క్లీబస్యాపి స్మరోన్మాదకారిశృఙ్గారశాలిని ।
తన్మధ్యే గణనాథస్య మణిసింహాసనం భజే ॥ ౭ ॥

గ్లౌకలాభిరివాచ్ఛాభిస్తీవ్రాదినవశక్తిభిః ।
జుష్టం లిపిమయం పద్మం ధర్మాద్యాశ్రయమాశ్రయే ॥ ౮ ॥

గమ్భీరమివ తత్రాబ్ధిం వసన్తం త్ర్యశ్రమణ్డలే ।
ఉత్సఙ్గగతలక్ష్మీకం ఉద్యత్తిగ్మాంశుపాటలమ్ ॥ ౯ ॥

గదేక్షుకార్ముకరుజాచక్రామ్బుజగుణోత్పలైః ।
వ్రీహ్యగ్రనిజదన్తాగ్రకలశీమాతులుఙ్గకైః ॥ ౧౦ ॥

ణషష్ఠవర్ణవాచ్యస్య దారిద్ర్యస్య విభఞ్జకైః ।
ఏతైరేకాదశకరాన్ అలఙ్కుర్వాణమున్మదమ్ ॥ ౧౧ ॥

పరానన్దమయం భక్తప్రత్యూహవ్యూహనాశనమ్ ।
పరమార్థప్రబోధాబ్ధిం పశ్యామి గణనాయకమ్ ॥ ౧౨ ॥

తత్పురః ప్రస్ఫురద్బిల్వమూలపీఠసమాశ్రయౌ ।
రమారమేశౌ విమృశామ్యశేషశుభదాయకౌ ॥ ౧౩ ॥

యేన దక్షిణభాగస్థన్యగ్రోధతలమాశ్రితమ్ ।
సాకల్పం సాయుధం వన్దే తం సామ్బం పరమేశ్వరమ్ ॥ ౧౪ ॥

వరసమ్భోగరుచిరౌ పశ్చిమే పిప్పలాశ్రయౌ ।
రమణీయతరౌ వన్దే రతిపుష్పశిలీముఖౌ । ౧౫ ॥

రమమాణౌ గణేశానోత్తరదిక్ఫలినీతలే ।
భూభూధరావుదారాభౌ భజే భువనపాలకౌ ॥ ౧౬ ॥

వలమానవపుర్జ్యోతిః కడారితకకుప్తటీః ।
హృదయాద్యఙ్గషడ్దేవీరఙ్గరక్షాకృతే భజే ॥ ౧౭ ॥

రదకాణ్డరుచిజ్యోత్స్నాకాశగణ్డస్రవన్మదమ్ ।
ఋద్ధ్యాశ్లేషకృతామోదమామోదం దేవమాశ్రయే ॥ ౧౮ ॥

దలత్కపోలవిగలన్మదధారావలాహకమ్ ।
సమృద్ధితటిదాశ్లిష్టం ప్రమోదం హృది భావయే ॥ ౧౯ ॥

సకాన్తిం కాన్తిలతికాపరిరబ్ధతనుం భజే ।
భుజప్రకాణ్డసచ్ఛాయం సుముఖం కల్పపాదపమ్ ॥ ౨౦ ॥

వన్దే తున్దిలమిన్ధానం చన్ద్రకన్దలశీతలమ్ ।
దుర్ముఖం మదనావత్యా నిర్మితాలిఙ్గనామృతమ్ ॥ ౨౧ ॥

జమ్భవైరికృతాభ్యర్చ్యౌ జగదభ్యుదయప్రదౌ ।
అహం మదద్రవావిఘ్నౌ హతయే త్వేనసాం శ్రయే ॥ ౨౨ ॥

నవశృఙ్గారరుచిరౌ నమత్సర్వసురాసురౌ ।
ద్రావిణీవిఘ్నకర్తారౌ ద్రావయేతాం దరిద్రతామ్ ॥ ౨ ౩ ॥

మేదురం మౌక్తికాసారం వర్షన్తౌ భక్తిశాలినామ్ ।
వసుధారాశఙ్ఖనిధీ వాక్పుష్పాఞ్జలిభిః స్తుమః ॥ ౨౪ ॥

వర్షన్తౌ రత్నవర్షేణ వలద్బాలాతపత్విషౌ ।
వరదౌ నమతాం వన్దే వసుధాపద్మశేవధీ ॥ ౨౫ ॥

శమితాధిమహావ్యాధీః సాన్ద్రానన్దకరమ్బితాః ।
బ్రాహ్మ్యాదీః కలయే శక్తీః శక్తీనామభివృద్ధయే ॥ ౨౬ ॥

మామవన్తు మహేన్ద్రాద్యా దిక్పాలా దర్పశాలినః ।
సంనతాః శ్రీగణాధీశం సవాహాయుధశక్తయః ॥ ౨౭ ॥

నవీనపల్లవచ్ఛాయాదాయాదవపురుజ్జ్వలమ్ ।
మేదస్వి మదనిష్యన్దస్రోతస్వి కటకోటరమ్ ॥ ౨౮ ॥

యజమానతనుం యాగరూపిణం యజ్ఞపూరుషమ్ ।
యమం యమవతామర్చ్యం యత్నభాజామదుర్లభమ్ ॥ ౨౯ ॥

స్వారస్యపరమానన్దస్వరూపం స్వయముద్గతమ్ ।
స్వయం వేద్యం స్వయం శక్తం స్వయం కృత్యత్రయాకరమ్ ॥ ౩౦ ॥

హారకేయూర ముకుటకనకాఙ్గద కుణ్డలైః ।
అలఙ్కృతం చ విఘ్నానాం హర్తారం దేవమాశ్రయే ॥ ౩౧ ॥

ఫలశ్రుతి

మన్త్రాక్షరావలిస్తోత్రం కథితం తవ సున్దరి ।
సమస్తమీప్సితం తేన సమ్పాదయ శివే శివమ్ ॥ ౩౨ ॥

More Ganesha Stotras

Explore More