What is Sri Ganapati Mantraksaravali Stotram?

Read Sri Ganapati Mantraksaravali Stotram in Malayalam script — full lyrics with English meaning and transliteration. The Goddess asks for a shortcut and says so plainly: without austerity, without meditation, without oblation and without recitation, tell me the effortless way of pleasing the lord of obstacles. What Maheshvara gives her is a garland made from the syllables of the mantra, taken one at a time, each turned into an image before the next is reached. The first is the syllable om, and it becomes an ocean of sugarcane juice — ring-shaped like the letter itself, garlanded with clear waves, its sound kindled. He warns her only that the thing is hard for the ill-intentioned to come by and easy for the pure of heart, which is the single condition placed on it. The closing verse hands it back to her to use.

Which deity is Sri Ganapati Mantraksaravali Stotram dedicated to?

Sri Ganapati Mantraksaravali Stotram is a Sanskrit hymn dedicated to Lord Ganesha.

Sri Ganapati Mantraksaravali Stotram in Malayalam – Meaning

॥ ശ്രീ ഗണപതി മന്ത്രാക്ഷരാവലി സ്തോത്രമ് ॥

ശ്രീദേവ്യുവാച।

വിനാ തപോ വിനാ ധ്യാനമ് വിനാ ഹോമം വിനാ ജപമ് ।
അനായാസേന വിഘ്നേശപ്രീണനം വദ മേ പ്രഭോ ॥ ൧ ॥

മഹേശ്വര ഉവാച।

മന്ത്രാക്ഷരാവലിസ്തോത്രം മഹാസൌഭാഗ്യവര്ധനമ് ।
ദുര്ലഭം ദുഷ്ടമനസാം സുലഭം ശുദ്ധചേതസാമ് ॥ ൨ ॥

മഹാഗണപതിപ്രീതിപ്രതിപാദകമഞ്ജസാ ।
കഥയാമി ഘനശ്രോണി കര്ണാഭ്യാമവതംസയ ॥ ൩ ॥

ഓങ്കാരവലയാകാരം അച്ഛകല്ലോലമാലികമ് ।
ഐക്ഷവം ചേതസാ വന്ദേ സിന്ധും സന്ധുക്ഷിതസ്വനമ് ॥ ൪ ॥

ശ്രീമന്തമിക്ഷുജലധേഃ അന്തരഭ്യുദിതം നുമഃ ।
മണിദ്വീപം മഹാകാരം മഹാകല്പം മഹോദയമ് ॥ ൫ ॥

ഹ്രീപ്രദേന മഹാധാമ്നാ ധാമ്നാമീശേ വിഭാരകേ ।
കല്പോദ്യാനസ്ഥിതം വന്ദേ ഭാസ്വന്തം മണിമണ്ഡപമ് ॥ ൬ ॥

ക്ലീബസ്യാപി സ്മരോന്മാദകാരിശൃങ്ഗാരശാലിനി ।
തന്മധ്യേ ഗണനാഥസ്യ മണിസിംഹാസനം ഭജേ ॥ ൭ ॥

ഗ്ലൌകലാഭിരിവാച്ഛാഭിസ്തീവ്രാദിനവശക്തിഭിഃ ।
ജുഷ്ടം ലിപിമയം പദ്മം ധര്മാദ്യാശ്രയമാശ്രയേ ॥ ൮ ॥

ഗമ്ഭീരമിവ തത്രാബ്ധിം വസന്തം ത്ര്യശ്രമണ്ഡലേ ।
ഉത്സങ്ഗഗതലക്ഷ്മീകം ഉദ്യത്തിഗ്മാംശുപാടലമ് ॥ ൯ ॥

ഗദേക്ഷുകാര്മുകരുജാചക്രാമ്ബുജഗുണോത്പലൈഃ ।
വ്രീഹ്യഗ്രനിജദന്താഗ്രകലശീമാതുലുങ്ഗകൈഃ ॥ ൧൦ ॥

ണഷഷ്ഠവര്ണവാച്യസ്യ ദാരിദ്ര്യസ്യ വിഭഞ്ജകൈഃ ।
ഏതൈരേകാദശകരാന് അലങ്കുര്വാണമുന്മദമ് ॥ ൧൧ ॥

പരാനന്ദമയം ഭക്തപ്രത്യൂഹവ്യൂഹനാശനമ് ।
പരമാര്ഥപ്രബോധാബ്ധിം പശ്യാമി ഗണനായകമ് ॥ ൧൨ ॥

തത്പുരഃ പ്രസ്ഫുരദ്ബില്വമൂലപീഠസമാശ്രയൌ ।
രമാരമേശൌ വിമൃശാമ്യശേഷശുഭദായകൌ ॥ ൧൩ ॥

യേന ദക്ഷിണഭാഗസ്ഥന്യഗ്രോധതലമാശ്രിതമ് ।
സാകല്പം സായുധം വന്ദേ തം സാമ്ബം പരമേശ്വരമ് ॥ ൧൪ ॥

വരസമ്ഭോഗരുചിരൌ പശ്ചിമേ പിപ്പലാശ്രയൌ ।
രമണീയതരൌ വന്ദേ രതിപുഷ്പശിലീമുഖൌ । ൧൫ ॥

രമമാണൌ ഗണേശാനോത്തരദിക്ഫലിനീതലേ ।
ഭൂഭൂധരാവുദാരാഭൌ ഭജേ ഭുവനപാലകൌ ॥ ൧൬ ॥

വലമാനവപുര്ജ്യോതിഃ കഡാരിതകകുപ്തടീഃ ।
ഹൃദയാദ്യങ്ഗഷഡ്ദേവീരങ്ഗരക്ഷാകൃതേ ഭജേ ॥ ൧൭ ॥

രദകാണ്ഡരുചിജ്യോത്സ്നാകാശഗണ്ഡസ്രവന്മദമ് ।
ഋദ്ധ്യാശ്ലേഷകൃതാമോദമാമോദം ദേവമാശ്രയേ ॥ ൧൮ ॥

ദലത്കപോലവിഗലന്മദധാരാവലാഹകമ് ।
സമൃദ്ധിതടിദാശ്ലിഷ്ടം പ്രമോദം ഹൃദി ഭാവയേ ॥ ൧൯ ॥

സകാന്തിം കാന്തിലതികാപരിരബ്ധതനും ഭജേ ।
ഭുജപ്രകാണ്ഡസച്ഛായം സുമുഖം കല്പപാദപമ് ॥ ൨൦ ॥

വന്ദേ തുന്ദിലമിന്ധാനം ചന്ദ്രകന്ദലശീതലമ് ।
ദുര്മുഖം മദനാവത്യാ നിര്മിതാലിങ്ഗനാമൃതമ് ॥ ൨൧ ॥

ജമ്ഭവൈരികൃതാഭ്യര്ച്യൌ ജഗദഭ്യുദയപ്രദൌ ।
അഹം മദദ്രവാവിഘ്നൌ ഹതയേ ത്വേനസാം ശ്രയേ ॥ ൨൨ ॥

നവശൃങ്ഗാരരുചിരൌ നമത്സര്വസുരാസുരൌ ।
ദ്രാവിണീവിഘ്നകര്താരൌ ദ്രാവയേതാം ദരിദ്രതാമ് ॥ ൨ ൩ ॥

മേദുരം മൌക്തികാസാരം വര്ഷന്തൌ ഭക്തിശാലിനാമ് ।
വസുധാരാശങ്ഖനിധീ വാക്പുഷ്പാഞ്ജലിഭിഃ സ്തുമഃ ॥ ൨൪ ॥

വര്ഷന്തൌ രത്നവര്ഷേണ വലദ്ബാലാതപത്വിഷൌ ।
വരദൌ നമതാം വന്ദേ വസുധാപദ്മശേവധീ ॥ ൨൫ ॥

ശമിതാധിമഹാവ്യാധീഃ സാന്ദ്രാനന്ദകരമ്ബിതാഃ ।
ബ്രാഹ്മ്യാദീഃ കലയേ ശക്തീഃ ശക്തീനാമഭിവൃദ്ധയേ ॥ ൨൬ ॥

മാമവന്തു മഹേന്ദ്രാദ്യാ ദിക്പാലാ ദര്പശാലിനഃ ।
സംനതാഃ ശ്രീഗണാധീശം സവാഹായുധശക്തയഃ ॥ ൨൭ ॥

നവീനപല്ലവച്ഛായാദായാദവപുരുജ്ജ്വലമ് ।
മേദസ്വി മദനിഷ്യന്ദസ്രോതസ്വി കടകോടരമ് ॥ ൨൮ ॥

യജമാനതനും യാഗരൂപിണം യജ്ഞപൂരുഷമ് ।
യമം യമവതാമര്ച്യം യത്നഭാജാമദുര്ലഭമ് ॥ ൨൯ ॥

സ്വാരസ്യപരമാനന്ദസ്വരൂപം സ്വയമുദ്ഗതമ് ।
സ്വയം വേദ്യം സ്വയം ശക്തം സ്വയം കൃത്യത്രയാകരമ് ॥ ൩൦ ॥

ഹാരകേയൂര മുകുടകനകാങ്ഗദ കുണ്ഡലൈഃ ।
അലങ്കൃതം ച വിഘ്നാനാം ഹര്താരം ദേവമാശ്രയേ ॥ ൩൧ ॥

ഫലശ്രുതി

മന്ത്രാക്ഷരാവലിസ്തോത്രം കഥിതം തവ സുന്ദരി ।
സമസ്തമീപ്സിതം തേന സമ്പാദയ ശിവേ ശിവമ് ॥ ൩൨ ॥

More Ganesha Stotras

Explore More