What is Sri Ganapati Mantraksaravali Stotram?

Read Sri Ganapati Mantraksaravali Stotram in Kannada script — full lyrics with English meaning and transliteration. The Goddess asks for a shortcut and says so plainly: without austerity, without meditation, without oblation and without recitation, tell me the effortless way of pleasing the lord of obstacles. What Maheshvara gives her is a garland made from the syllables of the mantra, taken one at a time, each turned into an image before the next is reached. The first is the syllable om, and it becomes an ocean of sugarcane juice — ring-shaped like the letter itself, garlanded with clear waves, its sound kindled. He warns her only that the thing is hard for the ill-intentioned to come by and easy for the pure of heart, which is the single condition placed on it. The closing verse hands it back to her to use.

Which deity is Sri Ganapati Mantraksaravali Stotram dedicated to?

Sri Ganapati Mantraksaravali Stotram is a Sanskrit hymn dedicated to Lord Ganesha.

Sri Ganapati Mantraksaravali Stotram in Kannada – Meaning

॥ ಶ್ರೀ ಗಣಪತಿ ಮನ್ತ್ರಾಕ್ಷರಾವಲಿ ಸ್ತೋತ್ರಮ್ ॥

ಶ್ರೀದೇವ್ಯುವಾಚ।

ವಿನಾ ತಪೋ ವಿನಾ ಧ್ಯಾನಮ್ ವಿನಾ ಹೋಮಂ ವಿನಾ ಜಪಮ್ ।
ಅನಾಯಾಸೇನ ವಿಘ್ನೇಶಪ್ರೀಣನಂ ವದ ಮೇ ಪ್ರಭೋ ॥ ೧ ॥

ಮಹೇಶ್ವರ ಉವಾಚ।

ಮನ್ತ್ರಾಕ್ಷರಾವಲಿಸ್ತೋತ್ರಂ ಮಹಾಸೌಭಾಗ್ಯವರ್ಧನಮ್ ।
ದುರ್ಲಭಂ ದುಷ್ಟಮನಸಾಂ ಸುಲಭಂ ಶುದ್ಧಚೇತಸಾಮ್ ॥ ೨ ॥

ಮಹಾಗಣಪತಿಪ್ರೀತಿಪ್ರತಿಪಾದಕಮಞ್ಜಸಾ ।
ಕಥಯಾಮಿ ಘನಶ್ರೋಣಿ ಕರ್ಣಾಭ್ಯಾಮವತಂಸಯ ॥ ೩ ॥

ಓಙ್ಕಾರವಲಯಾಕಾರಂ ಅಚ್ಛಕಲ್ಲೋಲಮಾಲಿಕಮ್ ।
ಐಕ್ಷವಂ ಚೇತಸಾ ವನ್ದೇ ಸಿನ್ಧುಂ ಸನ್ಧುಕ್ಷಿತಸ್ವನಮ್ ॥ ೪ ॥

ಶ್ರೀಮನ್ತಮಿಕ್ಷುಜಲಧೇಃ ಅನ್ತರಭ್ಯುದಿತಂ ನುಮಃ ।
ಮಣಿದ್ವೀಪಂ ಮಹಾಕಾರಂ ಮಹಾಕಲ್ಪಂ ಮಹೋದಯಮ್ ॥ ೫ ॥

ಹ್ರೀಪ್ರದೇನ ಮಹಾಧಾಮ್ನಾ ಧಾಮ್ನಾಮೀಶೇ ವಿಭಾರಕೇ ।
ಕಲ್ಪೋದ್ಯಾನಸ್ಥಿತಂ ವನ್ದೇ ಭಾಸ್ವನ್ತಂ ಮಣಿಮಣ್ಡಪಮ್ ॥ ೬ ॥

ಕ್ಲೀಬಸ್ಯಾಪಿ ಸ್ಮರೋನ್ಮಾದಕಾರಿಶೃಙ್ಗಾರಶಾಲಿನಿ ।
ತನ್ಮಧ್ಯೇ ಗಣನಾಥಸ್ಯ ಮಣಿಸಿಂಹಾಸನಂ ಭಜೇ ॥ ೭ ॥

ಗ್ಲೌಕಲಾಭಿರಿವಾಚ್ಛಾಭಿಸ್ತೀವ್ರಾದಿನವಶಕ್ತಿಭಿಃ ।
ಜುಷ್ಟಂ ಲಿಪಿಮಯಂ ಪದ್ಮಂ ಧರ್ಮಾದ್ಯಾಶ್ರಯಮಾಶ್ರಯೇ ॥ ೮ ॥

ಗಮ್ಭೀರಮಿವ ತತ್ರಾಬ್ಧಿಂ ವಸನ್ತಂ ತ್ರ್ಯಶ್ರಮಣ್ಡಲೇ ।
ಉತ್ಸಙ್ಗಗತಲಕ್ಷ್ಮೀಕಂ ಉದ್ಯತ್ತಿಗ್ಮಾಂಶುಪಾಟಲಮ್ ॥ ೯ ॥

ಗದೇಕ್ಷುಕಾರ್ಮುಕರುಜಾಚಕ್ರಾಮ್ಬುಜಗುಣೋತ್ಪಲೈಃ ।
ವ್ರೀಹ್ಯಗ್ರನಿಜದನ್ತಾಗ್ರಕಲಶೀಮಾತುಲುಙ್ಗಕೈಃ ॥ ೧೦ ॥

ಣಷಷ್ಠವರ್ಣವಾಚ್ಯಸ್ಯ ದಾರಿದ್ರ್ಯಸ್ಯ ವಿಭಞ್ಜಕೈಃ ।
ಏತೈರೇಕಾದಶಕರಾನ್ ಅಲಙ್ಕುರ್ವಾಣಮುನ್ಮದಮ್ ॥ ೧೧ ॥

ಪರಾನನ್ದಮಯಂ ಭಕ್ತಪ್ರತ್ಯೂಹವ್ಯೂಹನಾಶನಮ್ ।
ಪರಮಾರ್ಥಪ್ರಬೋಧಾಬ್ಧಿಂ ಪಶ್ಯಾಮಿ ಗಣನಾಯಕಮ್ ॥ ೧೨ ॥

ತತ್ಪುರಃ ಪ್ರಸ್ಫುರದ್ಬಿಲ್ವಮೂಲಪೀಠಸಮಾಶ್ರಯೌ ।
ರಮಾರಮೇಶೌ ವಿಮೃಶಾಮ್ಯಶೇಷಶುಭದಾಯಕೌ ॥ ೧೩ ॥

ಯೇನ ದಕ್ಷಿಣಭಾಗಸ್ಥನ್ಯಗ್ರೋಧತಲಮಾಶ್ರಿತಮ್ ।
ಸಾಕಲ್ಪಂ ಸಾಯುಧಂ ವನ್ದೇ ತಂ ಸಾಮ್ಬಂ ಪರಮೇಶ್ವರಮ್ ॥ ೧೪ ॥

ವರಸಮ್ಭೋಗರುಚಿರೌ ಪಶ್ಚಿಮೇ ಪಿಪ್ಪಲಾಶ್ರಯೌ ।
ರಮಣೀಯತರೌ ವನ್ದೇ ರತಿಪುಷ್ಪಶಿಲೀಮುಖೌ । ೧೫ ॥

ರಮಮಾಣೌ ಗಣೇಶಾನೋತ್ತರದಿಕ್ಫಲಿನೀತಲೇ ।
ಭೂಭೂಧರಾವುದಾರಾಭೌ ಭಜೇ ಭುವನಪಾಲಕೌ ॥ ೧೬ ॥

ವಲಮಾನವಪುರ್ಜ್ಯೋತಿಃ ಕಡಾರಿತಕಕುಪ್ತಟೀಃ ।
ಹೃದಯಾದ್ಯಙ್ಗಷಡ್ದೇವೀರಙ್ಗರಕ್ಷಾಕೃತೇ ಭಜೇ ॥ ೧೭ ॥

ರದಕಾಣ್ಡರುಚಿಜ್ಯೋತ್ಸ್ನಾಕಾಶಗಣ್ಡಸ್ರವನ್ಮದಮ್ ।
ಋದ್ಧ್ಯಾಶ್ಲೇಷಕೃತಾಮೋದಮಾಮೋದಂ ದೇವಮಾಶ್ರಯೇ ॥ ೧೮ ॥

ದಲತ್ಕಪೋಲವಿಗಲನ್ಮದಧಾರಾವಲಾಹಕಮ್ ।
ಸಮೃದ್ಧಿತಟಿದಾಶ್ಲಿಷ್ಟಂ ಪ್ರಮೋದಂ ಹೃದಿ ಭಾವಯೇ ॥ ೧೯ ॥

ಸಕಾನ್ತಿಂ ಕಾನ್ತಿಲತಿಕಾಪರಿರಬ್ಧತನುಂ ಭಜೇ ।
ಭುಜಪ್ರಕಾಣ್ಡಸಚ್ಛಾಯಂ ಸುಮುಖಂ ಕಲ್ಪಪಾದಪಮ್ ॥ ೨೦ ॥

ವನ್ದೇ ತುನ್ದಿಲಮಿನ್ಧಾನಂ ಚನ್ದ್ರಕನ್ದಲಶೀತಲಮ್ ।
ದುರ್ಮುಖಂ ಮದನಾವತ್ಯಾ ನಿರ್ಮಿತಾಲಿಙ್ಗನಾಮೃತಮ್ ॥ ೨೧ ॥

ಜಮ್ಭವೈರಿಕೃತಾಭ್ಯರ್ಚ್ಯೌ ಜಗದಭ್ಯುದಯಪ್ರದೌ ।
ಅಹಂ ಮದದ್ರವಾವಿಘ್ನೌ ಹತಯೇ ತ್ವೇನಸಾಂ ಶ್ರಯೇ ॥ ೨೨ ॥

ನವಶೃಙ್ಗಾರರುಚಿರೌ ನಮತ್ಸರ್ವಸುರಾಸುರೌ ।
ದ್ರಾವಿಣೀವಿಘ್ನಕರ್ತಾರೌ ದ್ರಾವಯೇತಾಂ ದರಿದ್ರತಾಮ್ ॥ ೨ ೩ ॥

ಮೇದುರಂ ಮೌಕ್ತಿಕಾಸಾರಂ ವರ್ಷನ್ತೌ ಭಕ್ತಿಶಾಲಿನಾಮ್ ।
ವಸುಧಾರಾಶಙ್ಖನಿಧೀ ವಾಕ್ಪುಷ್ಪಾಞ್ಜಲಿಭಿಃ ಸ್ತುಮಃ ॥ ೨೪ ॥

ವರ್ಷನ್ತೌ ರತ್ನವರ್ಷೇಣ ವಲದ್ಬಾಲಾತಪತ್ವಿಷೌ ।
ವರದೌ ನಮತಾಂ ವನ್ದೇ ವಸುಧಾಪದ್ಮಶೇವಧೀ ॥ ೨೫ ॥

ಶಮಿತಾಧಿಮಹಾವ್ಯಾಧೀಃ ಸಾನ್ದ್ರಾನನ್ದಕರಮ್ಬಿತಾಃ ।
ಬ್ರಾಹ್ಮ್ಯಾದೀಃ ಕಲಯೇ ಶಕ್ತೀಃ ಶಕ್ತೀನಾಮಭಿವೃದ್ಧಯೇ ॥ ೨೬ ॥

ಮಾಮವನ್ತು ಮಹೇನ್ದ್ರಾದ್ಯಾ ದಿಕ್ಪಾಲಾ ದರ್ಪಶಾಲಿನಃ ।
ಸಂನತಾಃ ಶ್ರೀಗಣಾಧೀಶಂ ಸವಾಹಾಯುಧಶಕ್ತಯಃ ॥ ೨೭ ॥

ನವೀನಪಲ್ಲವಚ್ಛಾಯಾದಾಯಾದವಪುರುಜ್ಜ್ವಲಮ್ ।
ಮೇದಸ್ವಿ ಮದನಿಷ್ಯನ್ದಸ್ರೋತಸ್ವಿ ಕಟಕೋಟರಮ್ ॥ ೨೮ ॥

ಯಜಮಾನತನುಂ ಯಾಗರೂಪಿಣಂ ಯಜ್ಞಪೂರುಷಮ್ ।
ಯಮಂ ಯಮವತಾಮರ್ಚ್ಯಂ ಯತ್ನಭಾಜಾಮದುರ್ಲಭಮ್ ॥ ೨೯ ॥

ಸ್ವಾರಸ್ಯಪರಮಾನನ್ದಸ್ವರೂಪಂ ಸ್ವಯಮುದ್ಗತಮ್ ।
ಸ್ವಯಂ ವೇದ್ಯಂ ಸ್ವಯಂ ಶಕ್ತಂ ಸ್ವಯಂ ಕೃತ್ಯತ್ರಯಾಕರಮ್ ॥ ೩೦ ॥

ಹಾರಕೇಯೂರ ಮುಕುಟಕನಕಾಙ್ಗದ ಕುಣ್ಡಲೈಃ ।
ಅಲಙ್ಕೃತಂ ಚ ವಿಘ್ನಾನಾಂ ಹರ್ತಾರಂ ದೇವಮಾಶ್ರಯೇ ॥ ೩೧ ॥

ಫಲಶ್ರುತಿ

ಮನ್ತ್ರಾಕ್ಷರಾವಲಿಸ್ತೋತ್ರಂ ಕಥಿತಂ ತವ ಸುನ್ದರಿ ।
ಸಮಸ್ತಮೀಪ್ಸಿತಂ ತೇನ ಸಮ್ಪಾದಯ ಶಿವೇ ಶಿವಮ್ ॥ ೩೨ ॥

More Ganesha Stotras

Explore More