Lord Ganesha

ଶ୍ରୀ ଗଣପତି ମନ୍ତ୍ରାକ୍ଷରାଵଲି ସ୍ତୋତ୍ରମ୍

(Sri Ganapati Mantraksaravali Stotram in Odia)

Also known as sri ganapati mantraksharavali stotram · shri ganapati mantraksaravali stotram · shree ganapati mantraksaravali stotram

Language:Sanskrit
Translation:English

The Goddess asks for a shortcut and says so plainly: without austerity, without meditation, without oblation and without recitation, tell me the effortless way of pleasing the lord of obstacles. What Maheshvara gives her is a garland made from the syllables of the mantra, taken one at a time, each turned into an image before the next is reached. The first is the syllable om, and it becomes an ocean of sugarcane juice — ring-shaped like the letter itself, garlanded with clear waves, its sound kindled. He warns her only that the thing is hard for the ill-intentioned to come by and easy for the pure of heart, which is the single condition placed on it. The closing verse hands it back to her to use.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ ଶ୍ରୀ ଗଣପତି ମନ୍ତ୍ରାକ୍ଷରାଵଲି ସ୍ତୋତ୍ରମ୍ ॥
ଶ୍ରୀଦେଵ୍ଯୁଵାଚ।
ଵିନା ତପୋ ଵିନା ଧ୍ଯାନମ୍ ଵିନା ହୋମଂ ଵିନା ଜପମ୍ ।
ଅନାଯାସେନ ଵିଘ୍ନେଶପ୍ରୀଣନଂ ଵଦ ମେ ପ୍ରଭୋ ॥ ୧ ॥
ମହେଶ୍ଵର ଉଵାଚ।
ମନ୍ତ୍ରାକ୍ଷରାଵଲିସ୍ତୋତ୍ରଂ ମହାସୌଭାଗ୍ଯଵର୍ଧନମ୍ ।
ଦୁର୍ଲଭଂ ଦୁଷ୍ଟମନସାଂ ସୁଲଭଂ ଶୁଦ୍ଧଚେତସାମ୍ ॥ ୨ ॥
ମହାଗଣପତିପ୍ରୀତିପ୍ରତିପାଦକମଞ୍ଜସା ।
କଥଯାମି ଘନଶ୍ରୋଣି କର୍ଣାଭ୍ଯାମଵତଂସଯ ॥ ୩ ॥
ଓଙ୍କାରଵଲଯାକାରଂ ଅଚ୍ଛକଲ୍ଲୋଲମାଲିକମ୍ ।
ଐକ୍ଷଵଂ ଚେତସା ଵନ୍ଦେ ସିନ୍ଧୁଂ ସନ୍ଧୁକ୍ଷିତସ୍ଵନମ୍ ॥ ୪ ॥
ଶ୍ରୀମନ୍ତମିକ୍ଷୁଜଲଧେଃ ଅନ୍ତରଭ୍ଯୁଦିତଂ ନୁମଃ ।
ମଣିଦ୍ଵୀପଂ ମହାକାରଂ ମହାକଲ୍ପଂ ମହୋଦଯମ୍ ॥ ୫ ॥
ହ୍ରୀପ୍ରଦେନ ମହାଧାମ୍ନା ଧାମ୍ନାମୀଶେ ଵିଭାରକେ ।
କଲ୍ପୋଦ୍ଯାନସ୍ଥିତଂ ଵନ୍ଦେ ଭାସ୍ଵନ୍ତଂ ମଣିମଣ୍ଡପମ୍ ॥ ୬ ॥
କ୍ଲୀବସ୍ଯାପି ସ୍ମରୋନ୍ମାଦକାରିଶୃଙ୍ଗାରଶାଲିନି ।
ତନ୍ମଧ୍ଯେ ଗଣନାଥସ୍ଯ ମଣିସିଂହାସନଂ ଭଜେ ॥ ୭ ॥
ଗ୍ଲୌକଲାଭିରିଵାଚ୍ଛାଭିସ୍ତୀଵ୍ରାଦିନଵଶକ୍ତିଭିଃ ।
ଜୁଷ୍ଟଂ ଲିପିମଯଂ ପଦ୍ମଂ ଧର୍ମାଦ୍ଯାଶ୍ରଯମାଶ୍ରଯେ ॥ ୮ ॥
ଗମ୍ଭୀରମିଵ ତତ୍ରାବ୍ଧିଂ ଵସନ୍ତଂ ତ୍ର୍ଯଶ୍ରମଣ୍ଡଲେ ।
ଉତ୍ସଙ୍ଗଗତଲକ୍ଷ୍ମୀକଂ ଉଦ୍ଯତ୍ତିଗ୍ମାଂଶୁପାଟଲମ୍ ॥ ୯ ॥
ଗଦେକ୍ଷୁକାର୍ମୁକରୁଜାଚକ୍ରାମ୍ବୁଜଗୁଣୋତ୍ପଲୈଃ ।
ଵ୍ରୀହ୍ଯଗ୍ରନିଜଦନ୍ତାଗ୍ରକଲଶୀମାତୁଲୁଙ୍ଗକୈଃ ॥ ୧୦ ॥
ଣଷଷ୍ଠଵର୍ଣଵାଚ୍ଯସ୍ଯ ଦାରିଦ୍ର୍ଯସ୍ଯ ଵିଭଞ୍ଜକୈଃ ।
ଏତୈରେକାଦଶକରାନ୍ ଅଲଙ୍କୁର୍ଵାଣମୁନ୍ମଦମ୍ ॥ ୧୧ ॥
ପରାନନ୍ଦମଯଂ ଭକ୍ତପ୍ରତ୍ଯୂହଵ୍ଯୂହନାଶନମ୍ ।
ପରମାର୍ଥପ୍ରବୋଧାବ୍ଧିଂ ପଶ୍ଯାମି ଗଣନାଯକମ୍ ॥ ୧୨ ॥
ତତ୍ପୁରଃ ପ୍ରସ୍ଫୁରଦ୍ବିଲ୍ଵମୂଲପୀଠସମାଶ୍ରଯୌ ।
ରମାରମେଶୌ ଵିମୃଶାମ୍ଯଶେଷଶୁଭଦାଯକୌ ॥ ୧୩ ॥
ଯେନ ଦକ୍ଷିଣଭାଗସ୍ଥନ୍ଯଗ୍ରୋଧତଲମାଶ୍ରିତମ୍ ।
ସାକଲ୍ପଂ ସାଯୁଧଂ ଵନ୍ଦେ ତଂ ସାମ୍ବଂ ପରମେଶ୍ଵରମ୍ ॥ ୧୪ ॥
ଵରସମ୍ଭୋଗରୁଚିରୌ ପଶ୍ଚିମେ ପିପ୍ପଲାଶ୍ରଯୌ ।
ରମଣୀଯତରୌ ଵନ୍ଦେ ରତିପୁଷ୍ପଶିଲୀମୁଖୌ । ୧୫ ॥
ରମମାଣୌ ଗଣେଶାନୋତ୍ତରଦିକ୍ଫଲିନୀତଲେ ।
ଭୂଭୂଧରାଵୁଦାରାଭୌ ଭଜେ ଭୁଵନପାଲକୌ ॥ ୧୬ ॥
ଵଲମାନଵପୁର୍ଜ୍ଯୋତିଃ କଡାରିତକକୁପ୍ତଟୀଃ ।
ହୃଦଯାଦ୍ଯଙ୍ଗଷଡ୍ଦେଵୀରଙ୍ଗରକ୍ଷାକୃତେ ଭଜେ ॥ ୧୭ ॥
ରଦକାଣ୍ଡରୁଚିଜ୍ଯୋତ୍ସ୍ନାକାଶଗଣ୍ଡସ୍ରଵନ୍ମଦମ୍ ।
ଋଦ୍ଧ୍ଯାଶ୍ଲେଷକୃତାମୋଦମାମୋଦଂ ଦେଵମାଶ୍ରଯେ ॥ ୧୮ ॥
ଦଲତ୍କପୋଲଵିଗଲନ୍ମଦଧାରାଵଲାହକମ୍ ।
ସମୃଦ୍ଧିତଟିଦାଶ୍ଲିଷ୍ଟଂ ପ୍ରମୋଦଂ ହୃଦି ଭାଵଯେ ॥ ୧୯ ॥
ସକାନ୍ତିଂ କାନ୍ତିଲତିକାପରିରବ୍ଧତନୁଂ ଭଜେ ।
ଭୁଜପ୍ରକାଣ୍ଡସଚ୍ଛାଯଂ ସୁମୁଖଂ କଲ୍ପପାଦପମ୍ ॥ ୨୦ ॥
ଵନ୍ଦେ ତୁନ୍ଦିଲମିନ୍ଧାନଂ ଚନ୍ଦ୍ରକନ୍ଦଲଶୀତଲମ୍ ।
ଦୁର୍ମୁଖଂ ମଦନାଵତ୍ଯା ନିର୍ମିତାଲିଙ୍ଗନାମୃତମ୍ ॥ ୨୧ ॥
ଜମ୍ଭଵୈରିକୃତାଭ୍ଯର୍ଚ୍ଯୌ ଜଗଦଭ୍ଯୁଦଯପ୍ରଦୌ ।
ଅହଂ ମଦଦ୍ରଵାଵିଘ୍ନୌ ହତଯେ ତ୍ଵେନସାଂ ଶ୍ରଯେ ॥ ୨୨ ॥
ନଵଶୃଙ୍ଗାରରୁଚିରୌ ନମତ୍ସର୍ଵସୁରାସୁରୌ ।
ଦ୍ରାଵିଣୀଵିଘ୍ନକର୍ତାରୌ ଦ୍ରାଵଯେତାଂ ଦରିଦ୍ରତାମ୍ ॥ ୨ ୩ ॥
ମେଦୁରଂ ମୌକ୍ତିକାସାରଂ ଵର୍ଷନ୍ତୌ ଭକ୍ତିଶାଲିନାମ୍ ।
ଵସୁଧାରାଶଙ୍ଖନିଧୀ ଵାକ୍ପୁଷ୍ପାଞ୍ଜଲିଭିଃ ସ୍ତୁମଃ ॥ ୨୪ ॥
ଵର୍ଷନ୍ତୌ ରତ୍ନଵର୍ଷେଣ ଵଲଦ୍ବାଲାତପତ୍ଵିଷୌ ।
ଵରଦୌ ନମତାଂ ଵନ୍ଦେ ଵସୁଧାପଦ୍ମଶେଵଧୀ ॥ ୨୫ ॥
ଶମିତାଧିମହାଵ୍ଯାଧୀଃ ସାନ୍ଦ୍ରାନନ୍ଦକରମ୍ବିତାଃ ।
ବ୍ରାହ୍ମ୍ଯାଦୀଃ କଲଯେ ଶକ୍ତୀଃ ଶକ୍ତୀନାମଭିଵୃଦ୍ଧଯେ ॥ ୨୬ ॥
ମାମଵନ୍ତୁ ମହେନ୍ଦ୍ରାଦ୍ଯା ଦିକ୍ପାଲା ଦର୍ପଶାଲିନଃ ।
ସଂନତାଃ ଶ୍ରୀଗଣାଧୀଶଂ ସଵାହାଯୁଧଶକ୍ତଯଃ ॥ ୨୭ ॥
ନଵୀନପଲ୍ଲଵଚ୍ଛାଯାଦାଯାଦଵପୁରୁଜ୍ଜ୍ଵଲମ୍ ।
ମେଦସ୍ଵି ମଦନିଷ୍ଯନ୍ଦସ୍ରୋତସ୍ଵି କଟକୋଟରମ୍ ॥ ୨୮ ॥
ଯଜମାନତନୁଂ ଯାଗରୂପିଣଂ ଯଜ୍ଞପୂରୁଷମ୍ ।
ଯମଂ ଯମଵତାମର୍ଚ୍ଯଂ ଯତ୍ନଭାଜାମଦୁର୍ଲଭମ୍ ॥ ୨୯ ॥
ସ୍ଵାରସ୍ଯପରମାନନ୍ଦସ୍ଵରୂପଂ ସ୍ଵଯମୁଦ୍ଗତମ୍ ।
ସ୍ଵଯଂ ଵେଦ୍ଯଂ ସ୍ଵଯଂ ଶକ୍ତଂ ସ୍ଵଯଂ କୃତ୍ଯତ୍ରଯାକରମ୍ ॥ ୩୦ ॥
ହାରକେଯୂର ମୁକୁଟକନକାଙ୍ଗଦ କୁଣ୍ଡଲୈଃ ।
ଅଲଙ୍କୃତଂ ଚ ଵିଘ୍ନାନାଂ ହର୍ତାରଂ ଦେଵମାଶ୍ରଯେ ॥ ୩୧ ॥
ଫଲଶ୍ରୁତି
ମନ୍ତ୍ରାକ୍ଷରାଵଲିସ୍ତୋତ୍ରଂ କଥିତଂ ତଵ ସୁନ୍ଦରି ।
ସମସ୍ତମୀପ୍ସିତଂ ତେନ ସମ୍ପାଦଯ ଶିଵେ ଶିଵମ୍ ॥ ୩୨ ॥
ଇତି ଶ୍ରୀ ଗଣପତି ମନ୍ତ୍ରାକ୍ଷରାଵଲି ସ୍ତୋତ୍ରମ୍ ।

More Ganesha Stotras

श्री गणेशाक्षरमालिका स्तोत्रम्
Sri Ganesaksaramalika Stotram
श्री गणेशाष्टकम्
Sri Ganesha Ashtakam (Vyasa Krutam)
श्री गणेशावतार स्तोत्रम्
Sri Ganesavatara Stotram
श्री गणेशाद्वात्रिंश नामावलिः
Sri Ganesha Dwathrimshat Namavali
श्री गणेश कीलक स्तोत्रम्
Sri Ganesa Kilaka Stotram
श्री गणेश नामाष्टकम्
Sri Ganesha Namashtakam
श्री गणेश पञ्चचामर स्तोत्रम्
Sri Ganesa Pancacamara Stotram
श्री गणेश मन्त्रप्रभाव स्तुतिः
Sri Ganesa Mantraprabhava Stutih
View All Ganesha Collection →

Explore More

Ganesha CollectionWealthObstaclesHealthProtectionWisdomHome