Lord Ganesha

শ্ৰী গজানন স্তোত্ৰম্ (দেৱৰ্ষি কৃতম্)

(Gajanana Stotram (Devarshi Kritam) in Assamese)

Devarshi Gan

Also known as sri gajanan maharaj stotra · shree gajanan maharaj stotra · gajanan maharaj stotra

Language:Sanskrit
Translation:English

Not, despite the name it arrived under, a hymn to the saint of Shegaon. Its colophon puts it in the forty-third chapter of the Gajanana Charita in the Mudgala Purana, spoken there by the divine sages, and it belongs with the other Mudgala texts in this collection. Every verse ends the same — with devotion we worship Gajanana — and what fills the space before it is negation. Bodiless, breaker of the bond of becoming, always established in himself, giver of his own happiness, a lord reached only by measureless reckoning; of immeasurable form, seated in the heart, the one brahman, without beginning or middle or end. The fifth verse is the sharpest: not earth, not form, not water, not light, not standing in fire, not standing in wind, not gone into the sky. Its practice is twenty-one recitations across twenty-one days.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ শ্ৰী গজানন স্তোত্ৰম্ (দেৱৰ্ষি কৃতম্)॥
দেৱৰ্ষয ঊচুঃ ।
ৱিদেহৰূপং ভৱবন্ধহাৰং সদা স্ৱনিষ্ঠং স্ৱসুখপ্ৰদং তম্ ।
অমেযসাঙ্খ্যেন চ লভ্যমীশং গজাননং ভক্তিযুতা ভজামঃ ॥
মুনীন্দ্ৰৱন্দ্যং ৱিধিবোধহীনং সুবুদ্ধিদং বুদ্ধিধৰং প্ৰশান্তম্ ।
ৱিকালহীনং সকলান্তগং ৱৈ গজাননং ভক্তিযুতা ভজামঃ ॥
অমেযৰূপং হৃদি সংস্থিতং তং ব্ৰহ্মাহমেকং ভ্ৰমনাশকাৰম্ ।
অনাদিমধ্যান্তমপাৰৰূপং গজাননং ভক্তিযুতা ভজামঃ ॥
জগত্প্ৰমাণং জগদীশমেৱ- মগম্যমাদ্যং জগদাদিহীনম্ ।
অনাত্মনাং মোহপ্ৰদং পুৰাণং গজাননং ভক্তিযুতা ভজামঃ ॥
ন ভূৰ্ন ৰূপং ন জলং প্ৰকাশং ন তেজসিস্থং ন সমীৰণস্থম্ ।
ন খে গতং পঞ্চৱিভূতিহীনং গজাননং ভক্তিযুতা ভজামঃ ॥
ন ৱিশ্ৱগং তৈজসগং ন প্ৰাজ্ঞং সমষ্টিৱ্যষ্টিস্থমনন্তগং ন ।
গুণৈৰ্ৱিহীনং পৰমাৰ্থভূতং গজাননং ভক্তিযুতা ভজামঃ ॥
গুণেশগং নৈৱ চ বিন্দুসংস্থং ন দেহিনং বোধমযং ন ঢুণ্ঢিম্ ।
সম্যোগহীনাঃ প্ৰৱদন্তি তত্স্থং গজাননং ভক্তিযুতা ভজামঃ ॥
অনাগতং নৈৱ গতং গণেশং কথং তদাকাৰমযং ৱদামঃ ।
তথাপি সৰ্ৱং প্ৰভুদেহসংস্থং গজাননং ভক্তিযুতা ভজামঃ ॥
যদি ত্ৱযা নাথ কৃতং ন কিঞ্চিত্ তদা কথং সৰ্ৱমিদং ৱিভাতি ।
অতো মহাত্মানমচিন্ত্যমেৱ গজাননং ভক্তিযুতা ভজামঃ ॥
সুসিদ্ধিদং ভক্তজনস্য দেৱং স কামিকানামিহ সৌখ্যদং তম্ ।
অকামিকানাং ভৱবন্ধহাৰং গজাননং ভক্তিযুতা ভজামঃ ॥
সুৰেন্দ্ৰসেৱ্যং হ্যসুৰৈঃ সুসেৱ্যং সমানভাৱেন ৱিৰাজযন্তম্ ।
অনন্তৱাহং মুষকধ্ৱজং তং গজাননং ভক্তিযুতা ভজামঃ ॥
সদা সুখানন্দমযে জলে চ সমুদ্ৰজে চেক্ষুৰসে নিৱাসম্ ।
দ্ৱন্দ্ৱস্য পানেন চ নাশৰূপে গজাননং ভক্তিযুতা ভজামঃ ॥
চতুঃপদাৰ্থা ৱিৱিধপ্ৰকাশা- স্ত এৱ হস্তাঃ স চতুৰ্ভুজং তম্ ।
অনাথনাথং চ মহোদৰং ৱৈ গজাননং ভক্তিযুতা ভজামঃ ॥
মহাখুমাৰূঢমকালকালং ৱিদেহযোগেন চ লভ্যমানম্ ।
অমাযিনং মাযিকমোহদং তং গজাননং ভক্তিযুতা ভজামঃ ॥
ৰৱিস্ৱৰূপং ৰৱিভাসহীনং হৰিস্ৱৰূপং হৰিবোধহীনম্ ।
শিৱস্ৱৰূপং শিৱভাসনাশং গজাননং ভক্তিযুতা ভজামঃ ॥
মহেশ্ৱৰীস্থং চ সুশক্তিহীনং প্ৰভুং পৰেশং পৰৱন্দ্যমেৱম্ ।
অচালকং চালকবীজভূতং গজাননং ভক্তিযুতা ভজামঃ ॥
শিৱাদিদেৱৈশ্চ খগৈঃ সুৱন্দ্যং নৰৈৰ্লতাৱৃক্ষপশুপ্ৰভূভিঃ ।
চৰাচৰৈৰ্লোকৱিহীনমেৱং গজাননং ভক্তিযুতা ভজামঃ ॥
মনোৱচোহীনতযা সুসংস্থং নিৱৃত্তিমাত্ৰং হ্যজমৱ্যযং তম্ ।
তথাপি দেৱং পুৰ আস্থিতং তং গজাননং ভক্তিযুতা ভজামঃ ॥
ৱযং সুধন্যা গণপস্তৱেন তথৈৱ নত্যাৰ্চনতস্তৱৈৱ ।
গণেশৰূপাশ্চ কৃতাস্ত্ৱযা তং গজাননং ভক্তিযুতা ভজামঃ ॥
গজাখ্যবীজং প্ৰৱদন্তি ৱেদা- স্তদেৱ চিহ্নেন চ যোগিনস্ত্ৱাম্ ।
গচ্ছন্তি তেনৈৱ গজাননস্ত্ৱং গজাননং ভক্তিযুতা ভজামঃ ॥
পুৰাণৱেদাঃ শিৱৱিষ্ণুকাদ্যা- ঽমৰাঃ শুকাদ্যা গণপস্তৱে ৱৈ ।
ৱিকুণ্ঠিতাঃ কিং চ ৱযং স্তৱাম গজাননং ভক্তিযুতা ভজামঃ ॥
মুদ্গল উৱাচ। এৱং স্তুত্ৱা গণেশানং নেমুঃ সৰ্ৱে পুনঃ পুনঃ ।
তানুত্থাপ্য ৱচো ৰম্যং গজানন উৱাচহ ॥
গজানন উৱাচ। ৱৰং ব্ৰূত মহাভাগা দেৱাঃ সৰ্ষিগণাঃ পৰম্ ।
স্তোত্ৰেণ প্ৰীতিসম্যুক্তঃ পৰং দাস্যামি ৱাঞ্ছিতম্ ॥
গজাননৱচঃ শ্ৰুত্ৱা হৰ্ষযুক্তাঃ সুৰৰ্ষযঃ ।
জগুস্তং ভক্তিভাৱেন সাশ্ৰুনেত্ৰাঃ প্ৰজাপতে ॥
দেৱৰ্ষয ঊচুঃ । গজানন যদি স্ৱামিন্ প্ৰসন্নো ৱৰদোঽসি ভোঃ ।
তদা ভক্তিং দৃঢাং দেহি লোভহীনাং ত্ৱদীযকাম্ ॥
লোভাসুৰস্য দেৱেশ কৃতা শান্তিঃ সুখপ্ৰদা ।
তদা জগদিদং সৰ্ৱং ৱৰযুক্তং কৃতং ত্ৱযা ॥
অধুনা দেৱদেৱেশ কৰ্মযুক্তা দ্ৱিজাদযঃ ।
ভৱিষ্যন্তি ধৰাযাং ৱৈ ৱযং স্ৱস্থানগাস্তথা ॥
স্ৱস্ৱধৰ্মৰতাঃ সৰ্ৱে গজানন কৃতাস্ত্ৱযা ।
অতঃপৰং ৱৰং যাচামহে ঢুণ্ঢে কমপ্যহো ॥
যদা তে স্মৰণং নাথ কৰিষ্যামো ৱযং প্ৰভো ।
তদা সঙ্কটহীনান্ ৱৈ কুৰু ত্ৱং নো গজানন ॥
এৱমুক্ত্ৱা প্ৰণেমুস্তং গজাননমনামযম্ ।
স তানুৱাচ প্ৰীতাত্মা ভক্ত্যধীনস্ৱভাৱতঃ ॥
গজানন উৱাচ। যদ্যচ্চ প্ৰাৰ্থিতং দেৱা মুনযঃ সৰ্ৱমঞ্জসা ।
ভৱিষ্যতি ন সন্দেহো মত্স্মৃত্যা সৰ্ৱদা হি ৱঃ ॥
ভৱত্কৃতমদীযং ৱৈ স্তোত্ৰং সৰ্ৱত্ৰ সিদ্ধিদম্ ।
ভৱিষ্যতি ৱিশেষেণ মম ভক্তিপ্ৰদাযকম্ ॥
পুত্ৰপৌত্ৰপ্ৰদং পূৰ্ণং ধনধান্যৱিৱৰ্ধনম্ ।
সৰ্ৱসম্পত্কৰং দেৱাঃ পঠনাচ্ছ্ৰৱণান্নৃণাম্ ॥
মাৰণোচ্চাটনাদীনি নশ্যন্তি স্তোত্ৰপাঠতঃ ।
পৰকৃত্যং চ ৱিপ্ৰেন্দ্ৰা অশুভং নৈৱ বাধতে ॥
সঙ্গ্ৰামে জযদং চৈৱ যাত্ৰাকালে ফলপ্ৰদম্ ।
শত্ৰূচ্চাটনকাদ্যেষু প্ৰশস্তং তদ্ভৱিষ্যতি ॥
কাৰাগৃহগতস্যৈৱ বন্ধনাশকৰং ভৱেত্ ।
অসাধ্যং সাধযেত্ সৰ্ৱমনেনৈৱ সুৰৰ্ষযঃ ॥
একৱিংশতিৱাৰং চৈকৱিংশতি দিনাৱধিম্ ।
প্ৰযোগং যঃ কৰোত্যেৱ স ভৱেত্ সৰ্ৱসিদ্ধিভাক্ ॥
ধৰ্মাৰ্থকামমোক্ষাণাং ব্ৰহ্মভূতস্য দাযকম্ ।
ভৱিষ্যতি ন সন্দেহঃ স্তোত্ৰং মদ্ভক্তিৱৰ্ধনম্ ।
এৱমুক্ত্ৱা গণাধীশস্তত্ৰৈৱান্তৰধীযত ॥
ইতি শ্ৰীমন্মুদ্গলপুৰাণে গজাননচৰিতে ত্ৰিচত্ৱাৰিংশোঽধ্যাযে দেৱমুনিকৃত গজাননস্তোত্ৰং সম্পূৰ্ণম্ ।

More Ganesha Stotras

श्रीगजाननारात्रिका
Shri Gajanana Aratrika (Sanskrit Aarti)
दण्डकारण्यकृता श्रीगजाननस्तुतिः
Dandakaranyakrta Srigajananastutih
देवाकृता श्रीगजाननस्तुतिः
Devakrta Srigajananastutih
गजाननस्तुतिः (लोभासुर कृत)
Gajananastutih Lobhasura Krta
नारदमुनिकृता गजाननस्तुतिः
Naradamunikrta Gajananastutih
विघ्नासुरकृता श्रीगजाननस्तुतिः
Vighnasurakrta Srigajananastutih
श्री गणेश स्तुति
Shri Ganesh Stuti
श्रीगणेश संस्कृतमारात्रिकम्
Shri Ganesha Sanskrit Aratrikam (Sanskrit Aarti)
View All Ganesha Collection →

Explore More

Ganesha CollectionWealthObstaclesHealthProtectionWisdomHome