Lord Ganesha

శ్రీ గజానన స్తోత్రమ్ (దేవర్షి కృతమ్)

(Gajanana Stotram (Devarshi Kritam) in Telugu)

Devarshi Gan

Also known as sri gajanan maharaj stotra · shree gajanan maharaj stotra · gajanan maharaj stotra

Language:Sanskrit
Translation:English

Not, despite the name it arrived under, a hymn to the saint of Shegaon. Its colophon puts it in the forty-third chapter of the Gajanana Charita in the Mudgala Purana, spoken there by the divine sages, and it belongs with the other Mudgala texts in this collection. Every verse ends the same — with devotion we worship Gajanana — and what fills the space before it is negation. Bodiless, breaker of the bond of becoming, always established in himself, giver of his own happiness, a lord reached only by measureless reckoning; of immeasurable form, seated in the heart, the one brahman, without beginning or middle or end. The fifth verse is the sharpest: not earth, not form, not water, not light, not standing in fire, not standing in wind, not gone into the sky. Its practice is twenty-one recitations across twenty-one days.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ శ్రీ గజానన స్తోత్రమ్ (దేవర్షి కృతమ్)॥
దేవర్షయ ఊచుః ।
విదేహరూపం భవబన్ధహారం సదా స్వనిష్ఠం స్వసుఖప్రదం తమ్ ।
అమేయసాఙ్ఖ్యేన చ లభ్యమీశం గజాననం భక్తియుతా భజామః ॥
మునీన్ద్రవన్ద్యం విధిబోధహీనం సుబుద్ధిదం బుద్ధిధరం ప్రశాన్తమ్ ।
వికాలహీనం సకలాన్తగం వై గజాననం భక్తియుతా భజామః ॥
అమేయరూపం హృది సంస్థితం తం బ్రహ్మాహమేకం భ్రమనాశకారమ్ ।
అనాదిమధ్యాన్తమపారరూపం గజాననం భక్తియుతా భజామః ॥
జగత్ప్రమాణం జగదీశమేవ- మగమ్యమాద్యం జగదాదిహీనమ్ ।
అనాత్మనాం మోహప్రదం పురాణం గజాననం భక్తియుతా భజామః ॥
న భూర్న రూపం న జలం ప్రకాశం న తేజసిస్థం న సమీరణస్థమ్ ।
న ఖే గతం పఞ్చవిభూతిహీనం గజాననం భక్తియుతా భజామః ॥
న విశ్వగం తైజసగం న ప్రాజ్ఞం సమష్టివ్యష్టిస్థమనన్తగం న ।
గుణైర్విహీనం పరమార్థభూతం గజాననం భక్తియుతా భజామః ॥
గుణేశగం నైవ చ బిన్దుసంస్థం న దేహినం బోధమయం న ఢుణ్ఢిమ్ ।
సమ్యోగహీనాః ప్రవదన్తి తత్స్థం గజాననం భక్తియుతా భజామః ॥
అనాగతం నైవ గతం గణేశం కథం తదాకారమయం వదామః ।
తథాపి సర్వం ప్రభుదేహసంస్థం గజాననం భక్తియుతా భజామః ॥
యది త్వయా నాథ కృతం న కిఞ్చిత్ తదా కథం సర్వమిదం విభాతి ।
అతో మహాత్మానమచిన్త్యమేవ గజాననం భక్తియుతా భజామః ॥
సుసిద్ధిదం భక్తజనస్య దేవం స కామికానామిహ సౌఖ్యదం తమ్ ।
అకామికానాం భవబన్ధహారం గజాననం భక్తియుతా భజామః ॥
సురేన్ద్రసేవ్యం హ్యసురైః సుసేవ్యం సమానభావేన విరాజయన్తమ్ ।
అనన్తవాహం ముషకధ్వజం తం గజాననం భక్తియుతా భజామః ॥
సదా సుఖానన్దమయే జలే చ సముద్రజే చేక్షురసే నివాసమ్ ।
ద్వన్ద్వస్య పానేన చ నాశరూపే గజాననం భక్తియుతా భజామః ॥
చతుఃపదార్థా వివిధప్రకాశా- స్త ఏవ హస్తాః స చతుర్భుజం తమ్ ।
అనాథనాథం చ మహోదరం వై గజాననం భక్తియుతా భజామః ॥
మహాఖుమారూఢమకాలకాలం విదేహయోగేన చ లభ్యమానమ్ ।
అమాయినం మాయికమోహదం తం గజాననం భక్తియుతా భజామః ॥
రవిస్వరూపం రవిభాసహీనం హరిస్వరూపం హరిబోధహీనమ్ ।
శివస్వరూపం శివభాసనాశం గజాననం భక్తియుతా భజామః ॥
మహేశ్వరీస్థం చ సుశక్తిహీనం ప్రభుం పరేశం పరవన్ద్యమేవమ్ ।
అచాలకం చాలకబీజభూతం గజాననం భక్తియుతా భజామః ॥
శివాదిదేవైశ్చ ఖగైః సువన్ద్యం నరైర్లతావృక్షపశుప్రభూభిః ।
చరాచరైర్లోకవిహీనమేవం గజాననం భక్తియుతా భజామః ॥
మనోవచోహీనతయా సుసంస్థం నివృత్తిమాత్రం హ్యజమవ్యయం తమ్ ।
తథాపి దేవం పుర ఆస్థితం తం గజాననం భక్తియుతా భజామః ॥
వయం సుధన్యా గణపస్తవేన తథైవ నత్యార్చనతస్తవైవ ।
గణేశరూపాశ్చ కృతాస్త్వయా తం గజాననం భక్తియుతా భజామః ॥
గజాఖ్యబీజం ప్రవదన్తి వేదా- స్తదేవ చిహ్నేన చ యోగినస్త్వామ్ ।
గచ్ఛన్తి తేనైవ గజాననస్త్వం గజాననం భక్తియుతా భజామః ॥
పురాణవేదాః శివవిష్ణుకాద్యా- ఽమరాః శుకాద్యా గణపస్తవే వై ।
వికుణ్ఠితాః కిం చ వయం స్తవామ గజాననం భక్తియుతా భజామః ॥
ముద్గల ఉవాచ। ఏవం స్తుత్వా గణేశానం నేముః సర్వే పునః పునః ।
తానుత్థాప్య వచో రమ్యం గజానన ఉవాచహ ॥
గజానన ఉవాచ। వరం బ్రూత మహాభాగా దేవాః సర్షిగణాః పరమ్ ।
స్తోత్రేణ ప్రీతిసమ్యుక్తః పరం దాస్యామి వాఞ్ఛితమ్ ॥
గజాననవచః శ్రుత్వా హర్షయుక్తాః సురర్షయః ।
జగుస్తం భక్తిభావేన సాశ్రునేత్రాః ప్రజాపతే ॥
దేవర్షయ ఊచుః । గజానన యది స్వామిన్ ప్రసన్నో వరదోఽసి భోః ।
తదా భక్తిం దృఢాం దేహి లోభహీనాం త్వదీయకామ్ ॥
లోభాసురస్య దేవేశ కృతా శాన్తిః సుఖప్రదా ।
తదా జగదిదం సర్వం వరయుక్తం కృతం త్వయా ॥
అధునా దేవదేవేశ కర్మయుక్తా ద్విజాదయః ।
భవిష్యన్తి ధరాయాం వై వయం స్వస్థానగాస్తథా ॥
స్వస్వధర్మరతాః సర్వే గజానన కృతాస్త్వయా ।
అతఃపరం వరం యాచామహే ఢుణ్ఢే కమప్యహో ॥
యదా తే స్మరణం నాథ కరిష్యామో వయం ప్రభో ।
తదా సఙ్కటహీనాన్ వై కురు త్వం నో గజానన ॥
ఏవముక్త్వా ప్రణేముస్తం గజాననమనామయమ్ ।
స తానువాచ ప్రీతాత్మా భక్త్యధీనస్వభావతః ॥
గజానన ఉవాచ। యద్యచ్చ ప్రార్థితం దేవా మునయః సర్వమఞ్జసా ।
భవిష్యతి న సన్దేహో మత్స్మృత్యా సర్వదా హి వః ॥
భవత్కృతమదీయం వై స్తోత్రం సర్వత్ర సిద్ధిదమ్ ।
భవిష్యతి విశేషేణ మమ భక్తిప్రదాయకమ్ ॥
పుత్రపౌత్రప్రదం పూర్ణం ధనధాన్యవివర్ధనమ్ ।
సర్వసమ్పత్కరం దేవాః పఠనాచ్ఛ్రవణాన్నృణామ్ ॥
మారణోచ్చాటనాదీని నశ్యన్తి స్తోత్రపాఠతః ।
పరకృత్యం చ విప్రేన్ద్రా అశుభం నైవ బాధతే ॥
సఙ్గ్రామే జయదం చైవ యాత్రాకాలే ఫలప్రదమ్ ।
శత్రూచ్చాటనకాద్యేషు ప్రశస్తం తద్భవిష్యతి ॥
కారాగృహగతస్యైవ బన్ధనాశకరం భవేత్ ।
అసాధ్యం సాధయేత్ సర్వమనేనైవ సురర్షయః ॥
ఏకవింశతివారం చైకవింశతి దినావధిమ్ ।
ప్రయోగం యః కరోత్యేవ స భవేత్ సర్వసిద్ధిభాక్ ॥
ధర్మార్థకామమోక్షాణాం బ్రహ్మభూతస్య దాయకమ్ ।
భవిష్యతి న సన్దేహః స్తోత్రం మద్భక్తివర్ధనమ్ ।
ఏవముక్త్వా గణాధీశస్తత్రైవాన్తరధీయత ॥
ఇతి శ్రీమన్ముద్గలపురాణే గజాననచరితే త్రిచత్వారింశోఽధ్యాయే దేవమునికృత గజాననస్తోత్రం సమ్పూర్ణమ్ ।

More Ganesha Stotras

श्रीगजाननारात्रिका
Shri Gajanana Aratrika (Sanskrit Aarti)
दण्डकारण्यकृता श्रीगजाननस्तुतिः
Dandakaranyakrta Srigajananastutih
देवाकृता श्रीगजाननस्तुतिः
Devakrta Srigajananastutih
गजाननस्तुतिः (लोभासुर कृत)
Gajananastutih Lobhasura Krta
नारदमुनिकृता गजाननस्तुतिः
Naradamunikrta Gajananastutih
विघ्नासुरकृता श्रीगजाननस्तुतिः
Vighnasurakrta Srigajananastutih
श्री गणेश स्तुति
Shri Ganesh Stuti
श्रीगणेश संस्कृतमारात्रिकम्
Shri Ganesha Sanskrit Aratrikam (Sanskrit Aarti)
View All Ganesha Collection →

Explore More

Ganesha CollectionWealthObstaclesHealthProtectionWisdomHome