What is Gajanana Stotram (Devarshi Kritam)?

Read Gajanana Stotram (Devarshi Kritam) in Gujarati script — full lyrics with English meaning and transliteration. Not, despite the name it arrived under, a hymn to the saint of Shegaon. Its colophon puts it in the forty-third chapter of the Gajanana Charita in the Mudgala Purana, spoken there by the divine sages, and it belongs with the other Mudgala texts in this collection. Every verse ends the same — with devotion we worship Gajanana — and what fills the space before it is negation. Bodiless, breaker of the bond of becoming, always established in himself, giver of his own happiness, a lord reached only by measureless reckoning; of immeasurable form, seated in the heart, the one brahman, without beginning or middle or end. The fifth verse is the sharpest: not earth, not form, not water, not light, not standing in fire, not standing in wind, not gone into the sky. Its practice is twenty-one recitations across twenty-one days.

Which deity is Gajanana Stotram (Devarshi Kritam) dedicated to?

Gajanana Stotram (Devarshi Kritam) is a Sanskrit hymn dedicated to Lord Ganesha.

Who composed Gajanana Stotram (Devarshi Kritam)?

Gajanana Stotram (Devarshi Kritam) is traditionally attributed to Devarshi Gan.

Gajanana Stotram (Devarshi Kritam) in Gujarati – Meaning

॥ શ્રી ગજાનન સ્તોત્રમ્ (દેવર્ષિ કૃતમ્)॥

દેવર્ષય ઊચુઃ ।
વિદેહરૂપં ભવબન્ધહારં સદા સ્વનિષ્ઠં સ્વસુખપ્રદં તમ્ ।
અમેયસાઙ્ખ્યેન ચ લભ્યમીશં ગજાનનં ભક્તિયુતા ભજામઃ ॥

મુનીન્દ્રવન્દ્યં વિધિબોધહીનં સુબુદ્ધિદં બુદ્ધિધરં પ્રશાન્તમ્ ।
વિકાલહીનં સકલાન્તગં વૈ ગજાનનં ભક્તિયુતા ભજામઃ ॥

અમેયરૂપં હૃદિ સંસ્થિતં તં બ્રહ્માહમેકં ભ્રમનાશકારમ્ ।
અનાદિમધ્યાન્તમપારરૂપં ગજાનનં ભક્તિયુતા ભજામઃ ॥

જગત્પ્રમાણં જગદીશમેવ- મગમ્યમાદ્યં જગદાદિહીનમ્ ।
અનાત્મનાં મોહપ્રદં પુરાણં ગજાનનં ભક્તિયુતા ભજામઃ ॥

ન ભૂર્ન રૂપં ન જલં પ્રકાશં ન તેજસિસ્થં ન સમીરણસ્થમ્ ।
ન ખે ગતં પઞ્ચવિભૂતિહીનં ગજાનનં ભક્તિયુતા ભજામઃ ॥

ન વિશ્વગં તૈજસગં ન પ્રાજ્ઞં સમષ્ટિવ્યષ્ટિસ્થમનન્તગં ન ।
ગુણૈર્વિહીનં પરમાર્થભૂતં ગજાનનં ભક્તિયુતા ભજામઃ ॥

ગુણેશગં નૈવ ચ બિન્દુસંસ્થં ન દેહિનં બોધમયં ન ઢુણ્ઢિમ્ ।
સમ્યોગહીનાઃ પ્રવદન્તિ તત્સ્થં ગજાનનં ભક્તિયુતા ભજામઃ ॥

અનાગતં નૈવ ગતં ગણેશં કથં તદાકારમયં વદામઃ ।
તથાપિ સર્વં પ્રભુદેહસંસ્થં ગજાનનં ભક્તિયુતા ભજામઃ ॥

યદિ ત્વયા નાથ કૃતં ન કિઞ્ચિત્ તદા કથં સર્વમિદં વિભાતિ ।
અતો મહાત્માનમચિન્ત્યમેવ ગજાનનં ભક્તિયુતા ભજામઃ ॥

સુસિદ્ધિદં ભક્તજનસ્ય દેવં સ કામિકાનામિહ સૌખ્યદં તમ્ ।
અકામિકાનાં ભવબન્ધહારં ગજાનનં ભક્તિયુતા ભજામઃ ॥

સુરેન્દ્રસેવ્યં હ્યસુરૈઃ સુસેવ્યં સમાનભાવેન વિરાજયન્તમ્ ।
અનન્તવાહં મુષકધ્વજં તં ગજાનનં ભક્તિયુતા ભજામઃ ॥

સદા સુખાનન્દમયે જલે ચ સમુદ્રજે ચેક્ષુરસે નિવાસમ્ ।
દ્વન્દ્વસ્ય પાનેન ચ નાશરૂપે ગજાનનં ભક્તિયુતા ભજામઃ ॥

ચતુઃપદાર્થા વિવિધપ્રકાશા- સ્ત એવ હસ્તાઃ સ ચતુર્ભુજં તમ્ ।
અનાથનાથં ચ મહોદરં વૈ ગજાનનં ભક્તિયુતા ભજામઃ ॥

મહાખુમારૂઢમકાલકાલં વિદેહયોગેન ચ લભ્યમાનમ્ ।
અમાયિનં માયિકમોહદં તં ગજાનનં ભક્તિયુતા ભજામઃ ॥

રવિસ્વરૂપં રવિભાસહીનં હરિસ્વરૂપં હરિબોધહીનમ્ ।
શિવસ્વરૂપં શિવભાસનાશં ગજાનનં ભક્તિયુતા ભજામઃ ॥

મહેશ્વરીસ્થં ચ સુશક્તિહીનં પ્રભું પરેશં પરવન્દ્યમેવમ્ ।
અચાલકં ચાલકબીજભૂતં ગજાનનં ભક્તિયુતા ભજામઃ ॥

શિવાદિદેવૈશ્ચ ખગૈઃ સુવન્દ્યં નરૈર્લતાવૃક્ષપશુપ્રભૂભિઃ ।
ચરાચરૈર્લોકવિહીનમેવં ગજાનનં ભક્તિયુતા ભજામઃ ॥

મનોવચોહીનતયા સુસંસ્થં નિવૃત્તિમાત્રં હ્યજમવ્યયં તમ્ ।
તથાપિ દેવં પુર આસ્થિતં તં ગજાનનં ભક્તિયુતા ભજામઃ ॥

વયં સુધન્યા ગણપસ્તવેન તથૈવ નત્યાર્ચનતસ્તવૈવ ।
ગણેશરૂપાશ્ચ કૃતાસ્ત્વયા તં ગજાનનં ભક્તિયુતા ભજામઃ ॥

ગજાખ્યબીજં પ્રવદન્તિ વેદા- સ્તદેવ ચિહ્નેન ચ યોગિનસ્ત્વામ્ ।
ગચ્છન્તિ તેનૈવ ગજાનનસ્ત્વં ગજાનનં ભક્તિયુતા ભજામઃ ॥

પુરાણવેદાઃ શિવવિષ્ણુકાદ્યા- ઽમરાઃ શુકાદ્યા ગણપસ્તવે વૈ ।
વિકુણ્ઠિતાઃ કિં ચ વયં સ્તવામ ગજાનનં ભક્તિયુતા ભજામઃ ॥

મુદ્ગલ ઉવાચ। એવં સ્તુત્વા ગણેશાનં નેમુઃ સર્વે પુનઃ પુનઃ ।
તાનુત્થાપ્ય વચો રમ્યં ગજાનન ઉવાચહ ॥

ગજાનન ઉવાચ। વરં બ્રૂત મહાભાગા દેવાઃ સર્ષિગણાઃ પરમ્ ।
સ્તોત્રેણ પ્રીતિસમ્યુક્તઃ પરં દાસ્યામિ વાઞ્છિતમ્ ॥

ગજાનનવચઃ શ્રુત્વા હર્ષયુક્તાઃ સુરર્ષયઃ ।
જગુસ્તં ભક્તિભાવેન સાશ્રુનેત્રાઃ પ્રજાપતે ॥

દેવર્ષય ઊચુઃ । ગજાનન યદિ સ્વામિન્ પ્રસન્નો વરદોઽસિ ભોઃ ।
તદા ભક્તિં દૃઢાં દેહિ લોભહીનાં ત્વદીયકામ્ ॥

લોભાસુરસ્ય દેવેશ કૃતા શાન્તિઃ સુખપ્રદા ।
તદા જગદિદં સર્વં વરયુક્તં કૃતં ત્વયા ॥

અધુના દેવદેવેશ કર્મયુક્તા દ્વિજાદયઃ ।
ભવિષ્યન્તિ ધરાયાં વૈ વયં સ્વસ્થાનગાસ્તથા ॥

સ્વસ્વધર્મરતાઃ સર્વે ગજાનન કૃતાસ્ત્વયા ।
અતઃપરં વરં યાચામહે ઢુણ્ઢે કમપ્યહો ॥

યદા તે સ્મરણં નાથ કરિષ્યામો વયં પ્રભો ।
તદા સઙ્કટહીનાન્ વૈ કુરુ ત્વં નો ગજાનન ॥

એવમુક્ત્વા પ્રણેમુસ્તં ગજાનનમનામયમ્ ।
સ તાનુવાચ પ્રીતાત્મા ભક્ત્યધીનસ્વભાવતઃ ॥

ગજાનન ઉવાચ। યદ્યચ્ચ પ્રાર્થિતં દેવા મુનયઃ સર્વમઞ્જસા ।
ભવિષ્યતિ ન સન્દેહો મત્સ્મૃત્યા સર્વદા હિ વઃ ॥

ભવત્કૃતમદીયં વૈ સ્તોત્રં સર્વત્ર સિદ્ધિદમ્ ।
ભવિષ્યતિ વિશેષેણ મમ ભક્તિપ્રદાયકમ્ ॥

પુત્રપૌત્રપ્રદં પૂર્ણં ધનધાન્યવિવર્ધનમ્ ।
સર્વસમ્પત્કરં દેવાઃ પઠનાચ્છ્રવણાન્નૃણામ્ ॥

મારણોચ્ચાટનાદીનિ નશ્યન્તિ સ્તોત્રપાઠતઃ ।
પરકૃત્યં ચ વિપ્રેન્દ્રા અશુભં નૈવ બાધતે ॥

સઙ્ગ્રામે જયદં ચૈવ યાત્રાકાલે ફલપ્રદમ્ ।
શત્રૂચ્ચાટનકાદ્યેષુ પ્રશસ્તં તદ્ભવિષ્યતિ ॥

કારાગૃહગતસ્યૈવ બન્ધનાશકરં ભવેત્ ।
અસાધ્યં સાધયેત્ સર્વમનેનૈવ સુરર્ષયઃ ॥

એકવિંશતિવારં ચૈકવિંશતિ દિનાવધિમ્ ।
પ્રયોગં યઃ કરોત્યેવ સ ભવેત્ સર્વસિદ્ધિભાક્ ॥

ધર્માર્થકામમોક્ષાણાં બ્રહ્મભૂતસ્ય દાયકમ્ ।
ભવિષ્યતિ ન સન્દેહઃ સ્તોત્રં મદ્ભક્તિવર્ધનમ્ ।
એવમુક્ત્વા ગણાધીશસ્તત્રૈવાન્તરધીયત ॥

ઇતિ શ્રીમન્મુદ્ગલપુરાણે ગજાનનચરિતે ત્રિચત્વારિંશોઽધ્યાયે દેવમુનિકૃત ગજાનનસ્તોત્રં સમ્પૂર્ણમ્ ।

More Ganesha Stotras

Explore More