Lord Ganesha

শ্রী গজানন স্তোত্রম্ (দেবর্ষি কৃতম্)

(Gajanana Stotram (Devarshi Kritam) in Bengali)

Devarshi Gan

Also known as sri gajanan maharaj stotra · shree gajanan maharaj stotra · gajanan maharaj stotra

Language:Sanskrit
Translation:English

Not, despite the name it arrived under, a hymn to the saint of Shegaon. Its colophon puts it in the forty-third chapter of the Gajanana Charita in the Mudgala Purana, spoken there by the divine sages, and it belongs with the other Mudgala texts in this collection. Every verse ends the same — with devotion we worship Gajanana — and what fills the space before it is negation. Bodiless, breaker of the bond of becoming, always established in himself, giver of his own happiness, a lord reached only by measureless reckoning; of immeasurable form, seated in the heart, the one brahman, without beginning or middle or end. The fifth verse is the sharpest: not earth, not form, not water, not light, not standing in fire, not standing in wind, not gone into the sky. Its practice is twenty-one recitations across twenty-one days.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ শ্রী গজানন স্তোত্রম্ (দেবর্ষি কৃতম্)॥
দেবর্ষয ঊচুঃ ।
বিদেহরূপং ভববন্ধহারং সদা স্বনিষ্ঠং স্বসুখপ্রদং তম্ ।
অমেযসাঙ্খ্যেন চ লভ্যমীশং গজাননং ভক্তিযুতা ভজামঃ ॥
মুনীন্দ্রবন্দ্যং বিধিবোধহীনং সুবুদ্ধিদং বুদ্ধিধরং প্রশান্তম্ ।
বিকালহীনং সকলান্তগং বৈ গজাননং ভক্তিযুতা ভজামঃ ॥
অমেযরূপং হৃদি সংস্থিতং তং ব্রহ্মাহমেকং ভ্রমনাশকারম্ ।
অনাদিমধ্যান্তমপাররূপং গজাননং ভক্তিযুতা ভজামঃ ॥
জগত্প্রমাণং জগদীশমেব- মগম্যমাদ্যং জগদাদিহীনম্ ।
অনাত্মনাং মোহপ্রদং পুরাণং গজাননং ভক্তিযুতা ভজামঃ ॥
ন ভূর্ন রূপং ন জলং প্রকাশং ন তেজসিস্থং ন সমীরণস্থম্ ।
ন খে গতং পঞ্চবিভূতিহীনং গজাননং ভক্তিযুতা ভজামঃ ॥
ন বিশ্বগং তৈজসগং ন প্রাজ্ঞং সমষ্টিব্যষ্টিস্থমনন্তগং ন ।
গুণৈর্বিহীনং পরমার্থভূতং গজাননং ভক্তিযুতা ভজামঃ ॥
গুণেশগং নৈব চ বিন্দুসংস্থং ন দেহিনং বোধমযং ন ঢুণ্ঢিম্ ।
সম্যোগহীনাঃ প্রবদন্তি তত্স্থং গজাননং ভক্তিযুতা ভজামঃ ॥
অনাগতং নৈব গতং গণেশং কথং তদাকারমযং বদামঃ ।
তথাপি সর্বং প্রভুদেহসংস্থং গজাননং ভক্তিযুতা ভজামঃ ॥
যদি ত্বযা নাথ কৃতং ন কিঞ্চিত্ তদা কথং সর্বমিদং বিভাতি ।
অতো মহাত্মানমচিন্ত্যমেব গজাননং ভক্তিযুতা ভজামঃ ॥
সুসিদ্ধিদং ভক্তজনস্য দেবং স কামিকানামিহ সৌখ্যদং তম্ ।
অকামিকানাং ভববন্ধহারং গজাননং ভক্তিযুতা ভজামঃ ॥
সুরেন্দ্রসেব্যং হ্যসুরৈঃ সুসেব্যং সমানভাবেন বিরাজযন্তম্ ।
অনন্তবাহং মুষকধ্বজং তং গজাননং ভক্তিযুতা ভজামঃ ॥
সদা সুখানন্দমযে জলে চ সমুদ্রজে চেক্ষুরসে নিবাসম্ ।
দ্বন্দ্বস্য পানেন চ নাশরূপে গজাননং ভক্তিযুতা ভজামঃ ॥
চতুঃপদার্থা বিবিধপ্রকাশা- স্ত এব হস্তাঃ স চতুর্ভুজং তম্ ।
অনাথনাথং চ মহোদরং বৈ গজাননং ভক্তিযুতা ভজামঃ ॥
মহাখুমারূঢমকালকালং বিদেহযোগেন চ লভ্যমানম্ ।
অমাযিনং মাযিকমোহদং তং গজাননং ভক্তিযুতা ভজামঃ ॥
রবিস্বরূপং রবিভাসহীনং হরিস্বরূপং হরিবোধহীনম্ ।
শিবস্বরূপং শিবভাসনাশং গজাননং ভক্তিযুতা ভজামঃ ॥
মহেশ্বরীস্থং চ সুশক্তিহীনং প্রভুং পরেশং পরবন্দ্যমেবম্ ।
অচালকং চালকবীজভূতং গজাননং ভক্তিযুতা ভজামঃ ॥
শিবাদিদেবৈশ্চ খগৈঃ সুবন্দ্যং নরৈর্লতাবৃক্ষপশুপ্রভূভিঃ ।
চরাচরৈর্লোকবিহীনমেবং গজাননং ভক্তিযুতা ভজামঃ ॥
মনোবচোহীনতযা সুসংস্থং নিবৃত্তিমাত্রং হ্যজমব্যযং তম্ ।
তথাপি দেবং পুর আস্থিতং তং গজাননং ভক্তিযুতা ভজামঃ ॥
বযং সুধন্যা গণপস্তবেন তথৈব নত্যার্চনতস্তবৈব ।
গণেশরূপাশ্চ কৃতাস্ত্বযা তং গজাননং ভক্তিযুতা ভজামঃ ॥
গজাখ্যবীজং প্রবদন্তি বেদা- স্তদেব চিহ্নেন চ যোগিনস্ত্বাম্ ।
গচ্ছন্তি তেনৈব গজাননস্ত্বং গজাননং ভক্তিযুতা ভজামঃ ॥
পুরাণবেদাঃ শিববিষ্ণুকাদ্যা- ঽমরাঃ শুকাদ্যা গণপস্তবে বৈ ।
বিকুণ্ঠিতাঃ কিং চ বযং স্তবাম গজাননং ভক্তিযুতা ভজামঃ ॥
মুদ্গল উবাচ। এবং স্তুত্বা গণেশানং নেমুঃ সর্বে পুনঃ পুনঃ ।
তানুত্থাপ্য বচো রম্যং গজানন উবাচহ ॥
গজানন উবাচ। বরং ব্রূত মহাভাগা দেবাঃ সর্ষিগণাঃ পরম্ ।
স্তোত্রেণ প্রীতিসম্যুক্তঃ পরং দাস্যামি বাঞ্ছিতম্ ॥
গজাননবচঃ শ্রুত্বা হর্ষযুক্তাঃ সুরর্ষযঃ ।
জগুস্তং ভক্তিভাবেন সাশ্রুনেত্রাঃ প্রজাপতে ॥
দেবর্ষয ঊচুঃ । গজানন যদি স্বামিন্ প্রসন্নো বরদোঽসি ভোঃ ।
তদা ভক্তিং দৃঢাং দেহি লোভহীনাং ত্বদীযকাম্ ॥
লোভাসুরস্য দেবেশ কৃতা শান্তিঃ সুখপ্রদা ।
তদা জগদিদং সর্বং বরযুক্তং কৃতং ত্বযা ॥
অধুনা দেবদেবেশ কর্মযুক্তা দ্বিজাদযঃ ।
ভবিষ্যন্তি ধরাযাং বৈ বযং স্বস্থানগাস্তথা ॥
স্বস্বধর্মরতাঃ সর্বে গজানন কৃতাস্ত্বযা ।
অতঃপরং বরং যাচামহে ঢুণ্ঢে কমপ্যহো ॥
যদা তে স্মরণং নাথ করিষ্যামো বযং প্রভো ।
তদা সঙ্কটহীনান্ বৈ কুরু ত্বং নো গজানন ॥
এবমুক্ত্বা প্রণেমুস্তং গজাননমনামযম্ ।
স তানুবাচ প্রীতাত্মা ভক্ত্যধীনস্বভাবতঃ ॥
গজানন উবাচ। যদ্যচ্চ প্রার্থিতং দেবা মুনযঃ সর্বমঞ্জসা ।
ভবিষ্যতি ন সন্দেহো মত্স্মৃত্যা সর্বদা হি বঃ ॥
ভবত্কৃতমদীযং বৈ স্তোত্রং সর্বত্র সিদ্ধিদম্ ।
ভবিষ্যতি বিশেষেণ মম ভক্তিপ্রদাযকম্ ॥
পুত্রপৌত্রপ্রদং পূর্ণং ধনধান্যবিবর্ধনম্ ।
সর্বসম্পত্করং দেবাঃ পঠনাচ্ছ্রবণান্নৃণাম্ ॥
মারণোচ্চাটনাদীনি নশ্যন্তি স্তোত্রপাঠতঃ ।
পরকৃত্যং চ বিপ্রেন্দ্রা অশুভং নৈব বাধতে ॥
সঙ্গ্রামে জযদং চৈব যাত্রাকালে ফলপ্রদম্ ।
শত্রূচ্চাটনকাদ্যেষু প্রশস্তং তদ্ভবিষ্যতি ॥
কারাগৃহগতস্যৈব বন্ধনাশকরং ভবেত্ ।
অসাধ্যং সাধযেত্ সর্বমনেনৈব সুরর্ষযঃ ॥
একবিংশতিবারং চৈকবিংশতি দিনাবধিম্ ।
প্রযোগং যঃ করোত্যেব স ভবেত্ সর্বসিদ্ধিভাক্ ॥
ধর্মার্থকামমোক্ষাণাং ব্রহ্মভূতস্য দাযকম্ ।
ভবিষ্যতি ন সন্দেহঃ স্তোত্রং মদ্ভক্তিবর্ধনম্ ।
এবমুক্ত্বা গণাধীশস্তত্রৈবান্তরধীযত ॥
ইতি শ্রীমন্মুদ্গলপুরাণে গজাননচরিতে ত্রিচত্বারিংশোঽধ্যাযে দেবমুনিকৃত গজাননস্তোত্রং সম্পূর্ণম্ ।

More Ganesha Stotras

श्रीगजाननारात्रिका
Shri Gajanana Aratrika (Sanskrit Aarti)
दण्डकारण्यकृता श्रीगजाननस्तुतिः
Dandakaranyakrta Srigajananastutih
देवाकृता श्रीगजाननस्तुतिः
Devakrta Srigajananastutih
गजाननस्तुतिः (लोभासुर कृत)
Gajananastutih Lobhasura Krta
नारदमुनिकृता गजाननस्तुतिः
Naradamunikrta Gajananastutih
विघ्नासुरकृता श्रीगजाननस्तुतिः
Vighnasurakrta Srigajananastutih
श्री गणेश स्तुति
Shri Ganesh Stuti
श्रीगणेश संस्कृतमारात्रिकम्
Shri Ganesha Sanskrit Aratrikam (Sanskrit Aarti)
View All Ganesha Collection →

Explore More

Ganesha CollectionWealthObstaclesHealthProtectionWisdomHome