Lord Ganesha

ശ്രീ ഗജാനന സ്തോത്രമ് (ദേവര്ഷി കൃതമ്)

(Gajanana Stotram (Devarshi Kritam) in Malayalam)

Devarshi Gan

Also known as sri gajanan maharaj stotra · shree gajanan maharaj stotra · gajanan maharaj stotra

Language:Sanskrit
Translation:English

Not, despite the name it arrived under, a hymn to the saint of Shegaon. Its colophon puts it in the forty-third chapter of the Gajanana Charita in the Mudgala Purana, spoken there by the divine sages, and it belongs with the other Mudgala texts in this collection. Every verse ends the same — with devotion we worship Gajanana — and what fills the space before it is negation. Bodiless, breaker of the bond of becoming, always established in himself, giver of his own happiness, a lord reached only by measureless reckoning; of immeasurable form, seated in the heart, the one brahman, without beginning or middle or end. The fifth verse is the sharpest: not earth, not form, not water, not light, not standing in fire, not standing in wind, not gone into the sky. Its practice is twenty-one recitations across twenty-one days.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ ശ്രീ ഗജാനന സ്തോത്രമ് (ദേവര്ഷി കൃതമ്)॥
ദേവര്ഷയ ഊചുഃ ।
വിദേഹരൂപം ഭവബന്ധഹാരം സദാ സ്വനിഷ്ഠം സ്വസുഖപ്രദം തമ് ।
അമേയസാങ്ഖ്യേന ച ലഭ്യമീശം ഗജാനനം ഭക്തിയുതാ ഭജാമഃ ॥
മുനീന്ദ്രവന്ദ്യം വിധിബോധഹീനം സുബുദ്ധിദം ബുദ്ധിധരം പ്രശാന്തമ് ।
വികാലഹീനം സകലാന്തഗം വൈ ഗജാനനം ഭക്തിയുതാ ഭജാമഃ ॥
അമേയരൂപം ഹൃദി സംസ്ഥിതം തം ബ്രഹ്മാഹമേകം ഭ്രമനാശകാരമ് ।
അനാദിമധ്യാന്തമപാരരൂപം ഗജാനനം ഭക്തിയുതാ ഭജാമഃ ॥
ജഗത്പ്രമാണം ജഗദീശമേവ- മഗമ്യമാദ്യം ജഗദാദിഹീനമ് ।
അനാത്മനാം മോഹപ്രദം പുരാണം ഗജാനനം ഭക്തിയുതാ ഭജാമഃ ॥
ന ഭൂര്ന രൂപം ന ജലം പ്രകാശം ന തേജസിസ്ഥം ന സമീരണസ്ഥമ് ।
ന ഖേ ഗതം പഞ്ചവിഭൂതിഹീനം ഗജാനനം ഭക്തിയുതാ ഭജാമഃ ॥
ന വിശ്വഗം തൈജസഗം ന പ്രാജ്ഞം സമഷ്ടിവ്യഷ്ടിസ്ഥമനന്തഗം ന ।
ഗുണൈര്വിഹീനം പരമാര്ഥഭൂതം ഗജാനനം ഭക്തിയുതാ ഭജാമഃ ॥
ഗുണേശഗം നൈവ ച ബിന്ദുസംസ്ഥം ന ദേഹിനം ബോധമയം ന ഢുണ്ഢിമ് ।
സമ്യോഗഹീനാഃ പ്രവദന്തി തത്സ്ഥം ഗജാനനം ഭക്തിയുതാ ഭജാമഃ ॥
അനാഗതം നൈവ ഗതം ഗണേശം കഥം തദാകാരമയം വദാമഃ ।
തഥാപി സര്വം പ്രഭുദേഹസംസ്ഥം ഗജാനനം ഭക്തിയുതാ ഭജാമഃ ॥
യദി ത്വയാ നാഥ കൃതം ന കിഞ്ചിത് തദാ കഥം സര്വമിദം വിഭാതി ।
അതോ മഹാത്മാനമചിന്ത്യമേവ ഗജാനനം ഭക്തിയുതാ ഭജാമഃ ॥
സുസിദ്ധിദം ഭക്തജനസ്യ ദേവം സ കാമികാനാമിഹ സൌഖ്യദം തമ് ।
അകാമികാനാം ഭവബന്ധഹാരം ഗജാനനം ഭക്തിയുതാ ഭജാമഃ ॥
സുരേന്ദ്രസേവ്യം ഹ്യസുരൈഃ സുസേവ്യം സമാനഭാവേന വിരാജയന്തമ് ।
അനന്തവാഹം മുഷകധ്വജം തം ഗജാനനം ഭക്തിയുതാ ഭജാമഃ ॥
സദാ സുഖാനന്ദമയേ ജലേ ച സമുദ്രജേ ചേക്ഷുരസേ നിവാസമ് ।
ദ്വന്ദ്വസ്യ പാനേന ച നാശരൂപേ ഗജാനനം ഭക്തിയുതാ ഭജാമഃ ॥
ചതുഃപദാര്ഥാ വിവിധപ്രകാശാ- സ്ത ഏവ ഹസ്താഃ സ ചതുര്ഭുജം തമ് ।
അനാഥനാഥം ച മഹോദരം വൈ ഗജാനനം ഭക്തിയുതാ ഭജാമഃ ॥
മഹാഖുമാരൂഢമകാലകാലം വിദേഹയോഗേന ച ലഭ്യമാനമ് ।
അമായിനം മായികമോഹദം തം ഗജാനനം ഭക്തിയുതാ ഭജാമഃ ॥
രവിസ്വരൂപം രവിഭാസഹീനം ഹരിസ്വരൂപം ഹരിബോധഹീനമ് ।
ശിവസ്വരൂപം ശിവഭാസനാശം ഗജാനനം ഭക്തിയുതാ ഭജാമഃ ॥
മഹേശ്വരീസ്ഥം ച സുശക്തിഹീനം പ്രഭും പരേശം പരവന്ദ്യമേവമ് ।
അചാലകം ചാലകബീജഭൂതം ഗജാനനം ഭക്തിയുതാ ഭജാമഃ ॥
ശിവാദിദേവൈശ്ച ഖഗൈഃ സുവന്ദ്യം നരൈര്ലതാവൃക്ഷപശുപ്രഭൂഭിഃ ।
ചരാചരൈര്ലോകവിഹീനമേവം ഗജാനനം ഭക്തിയുതാ ഭജാമഃ ॥
മനോവചോഹീനതയാ സുസംസ്ഥം നിവൃത്തിമാത്രം ഹ്യജമവ്യയം തമ് ।
തഥാപി ദേവം പുര ആസ്ഥിതം തം ഗജാനനം ഭക്തിയുതാ ഭജാമഃ ॥
വയം സുധന്യാ ഗണപസ്തവേന തഥൈവ നത്യാര്ചനതസ്തവൈവ ।
ഗണേശരൂപാശ്ച കൃതാസ്ത്വയാ തം ഗജാനനം ഭക്തിയുതാ ഭജാമഃ ॥
ഗജാഖ്യബീജം പ്രവദന്തി വേദാ- സ്തദേവ ചിഹ്നേന ച യോഗിനസ്ത്വാമ് ।
ഗച്ഛന്തി തേനൈവ ഗജാനനസ്ത്വം ഗജാനനം ഭക്തിയുതാ ഭജാമഃ ॥
പുരാണവേദാഃ ശിവവിഷ്ണുകാദ്യാ- ഽമരാഃ ശുകാദ്യാ ഗണപസ്തവേ വൈ ।
വികുണ്ഠിതാഃ കിം ച വയം സ്തവാമ ഗജാനനം ഭക്തിയുതാ ഭജാമഃ ॥
മുദ്ഗല ഉവാച। ഏവം സ്തുത്വാ ഗണേശാനം നേമുഃ സര്വേ പുനഃ പുനഃ ।
താനുത്ഥാപ്യ വചോ രമ്യം ഗജാനന ഉവാചഹ ॥
ഗജാനന ഉവാച। വരം ബ്രൂത മഹാഭാഗാ ദേവാഃ സര്ഷിഗണാഃ പരമ് ।
സ്തോത്രേണ പ്രീതിസമ്യുക്തഃ പരം ദാസ്യാമി വാഞ്ഛിതമ് ॥
ഗജാനനവചഃ ശ്രുത്വാ ഹര്ഷയുക്താഃ സുരര്ഷയഃ ।
ജഗുസ്തം ഭക്തിഭാവേന സാശ്രുനേത്രാഃ പ്രജാപതേ ॥
ദേവര്ഷയ ഊചുഃ । ഗജാനന യദി സ്വാമിന് പ്രസന്നോ വരദോഽസി ഭോഃ ।
തദാ ഭക്തിം ദൃഢാം ദേഹി ലോഭഹീനാം ത്വദീയകാമ് ॥
ലോഭാസുരസ്യ ദേവേശ കൃതാ ശാന്തിഃ സുഖപ്രദാ ।
തദാ ജഗദിദം സര്വം വരയുക്തം കൃതം ത്വയാ ॥
അധുനാ ദേവദേവേശ കര്മയുക്താ ദ്വിജാദയഃ ।
ഭവിഷ്യന്തി ധരായാം വൈ വയം സ്വസ്ഥാനഗാസ്തഥാ ॥
സ്വസ്വധര്മരതാഃ സര്വേ ഗജാനന കൃതാസ്ത്വയാ ।
അതഃപരം വരം യാചാമഹേ ഢുണ്ഢേ കമപ്യഹോ ॥
യദാ തേ സ്മരണം നാഥ കരിഷ്യാമോ വയം പ്രഭോ ।
തദാ സങ്കടഹീനാന് വൈ കുരു ത്വം നോ ഗജാനന ॥
ഏവമുക്ത്വാ പ്രണേമുസ്തം ഗജാനനമനാമയമ് ।
സ താനുവാച പ്രീതാത്മാ ഭക്ത്യധീനസ്വഭാവതഃ ॥
ഗജാനന ഉവാച। യദ്യച്ച പ്രാര്ഥിതം ദേവാ മുനയഃ സര്വമഞ്ജസാ ।
ഭവിഷ്യതി ന സന്ദേഹോ മത്സ്മൃത്യാ സര്വദാ ഹി വഃ ॥
ഭവത്കൃതമദീയം വൈ സ്തോത്രം സര്വത്ര സിദ്ധിദമ് ।
ഭവിഷ്യതി വിശേഷേണ മമ ഭക്തിപ്രദായകമ് ॥
പുത്രപൌത്രപ്രദം പൂര്ണം ധനധാന്യവിവര്ധനമ് ।
സര്വസമ്പത്കരം ദേവാഃ പഠനാച്ഛ്രവണാന്നൃണാമ് ॥
മാരണോച്ചാടനാദീനി നശ്യന്തി സ്തോത്രപാഠതഃ ।
പരകൃത്യം ച വിപ്രേന്ദ്രാ അശുഭം നൈവ ബാധതേ ॥
സങ്ഗ്രാമേ ജയദം ചൈവ യാത്രാകാലേ ഫലപ്രദമ് ।
ശത്രൂച്ചാടനകാദ്യേഷു പ്രശസ്തം തദ്ഭവിഷ്യതി ॥
കാരാഗൃഹഗതസ്യൈവ ബന്ധനാശകരം ഭവേത് ।
അസാധ്യം സാധയേത് സര്വമനേനൈവ സുരര്ഷയഃ ॥
ഏകവിംശതിവാരം ചൈകവിംശതി ദിനാവധിമ് ।
പ്രയോഗം യഃ കരോത്യേവ സ ഭവേത് സര്വസിദ്ധിഭാക് ॥
ധര്മാര്ഥകാമമോക്ഷാണാം ബ്രഹ്മഭൂതസ്യ ദായകമ് ।
ഭവിഷ്യതി ന സന്ദേഹഃ സ്തോത്രം മദ്ഭക്തിവര്ധനമ് ।
ഏവമുക്ത്വാ ഗണാധീശസ്തത്രൈവാന്തരധീയത ॥
ഇതി ശ്രീമന്മുദ്ഗലപുരാണേ ഗജാനനചരിതേ ത്രിചത്വാരിംശോഽധ്യായേ ദേവമുനികൃത ഗജാനനസ്തോത്രം സമ്പൂര്ണമ് ।

More Ganesha Stotras

श्रीगजाननारात्रिका
Shri Gajanana Aratrika (Sanskrit Aarti)
दण्डकारण्यकृता श्रीगजाननस्तुतिः
Dandakaranyakrta Srigajananastutih
देवाकृता श्रीगजाननस्तुतिः
Devakrta Srigajananastutih
गजाननस्तुतिः (लोभासुर कृत)
Gajananastutih Lobhasura Krta
नारदमुनिकृता गजाननस्तुतिः
Naradamunikrta Gajananastutih
विघ्नासुरकृता श्रीगजाननस्तुतिः
Vighnasurakrta Srigajananastutih
श्री गणेश स्तुति
Shri Ganesh Stuti
श्रीगणेश संस्कृतमारात्रिकम्
Shri Ganesha Sanskrit Aratrikam (Sanskrit Aarti)
View All Ganesha Collection →

Explore More

Ganesha CollectionWealthObstaclesHealthProtectionWisdomHome