Lord Ganesha

ಶ್ರೀ ಗಜಾನನ ಸ್ತೋತ್ರಮ್ (ದೇವರ್ಷಿ ಕೃತಮ್)

(Gajanana Stotram (Devarshi Kritam) in Kannada)

Devarshi Gan

Also known as sri gajanan maharaj stotra · shree gajanan maharaj stotra · gajanan maharaj stotra

Language:Sanskrit
Translation:English

Not, despite the name it arrived under, a hymn to the saint of Shegaon. Its colophon puts it in the forty-third chapter of the Gajanana Charita in the Mudgala Purana, spoken there by the divine sages, and it belongs with the other Mudgala texts in this collection. Every verse ends the same — with devotion we worship Gajanana — and what fills the space before it is negation. Bodiless, breaker of the bond of becoming, always established in himself, giver of his own happiness, a lord reached only by measureless reckoning; of immeasurable form, seated in the heart, the one brahman, without beginning or middle or end. The fifth verse is the sharpest: not earth, not form, not water, not light, not standing in fire, not standing in wind, not gone into the sky. Its practice is twenty-one recitations across twenty-one days.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
॥ ಶ್ರೀ ಗಜಾನನ ಸ್ತೋತ್ರಮ್ (ದೇವರ್ಷಿ ಕೃತಮ್)॥
ದೇವರ್ಷಯ ಊಚುಃ ।
ವಿದೇಹರೂಪಂ ಭವಬನ್ಧಹಾರಂ ಸದಾ ಸ್ವನಿಷ್ಠಂ ಸ್ವಸುಖಪ್ರದಂ ತಮ್ ।
ಅಮೇಯಸಾಙ್ಖ್ಯೇನ ಚ ಲಭ್ಯಮೀಶಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಮುನೀನ್ದ್ರವನ್ದ್ಯಂ ವಿಧಿಬೋಧಹೀನಂ ಸುಬುದ್ಧಿದಂ ಬುದ್ಧಿಧರಂ ಪ್ರಶಾನ್ತಮ್ ।
ವಿಕಾಲಹೀನಂ ಸಕಲಾನ್ತಗಂ ವೈ ಗಜಾನನಂ ಭಕ್ತಿಯುತಾ ಭಜಾಮಃ ॥
ಅಮೇಯರೂಪಂ ಹೃದಿ ಸಂಸ್ಥಿತಂ ತಂ ಬ್ರಹ್ಮಾಹಮೇಕಂ ಭ್ರಮನಾಶಕಾರಮ್ ।
ಅನಾದಿಮಧ್ಯಾನ್ತಮಪಾರರೂಪಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಜಗತ್ಪ್ರಮಾಣಂ ಜಗದೀಶಮೇವ- ಮಗಮ್ಯಮಾದ್ಯಂ ಜಗದಾದಿಹೀನಮ್ ।
ಅನಾತ್ಮನಾಂ ಮೋಹಪ್ರದಂ ಪುರಾಣಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ನ ಭೂರ್ನ ರೂಪಂ ನ ಜಲಂ ಪ್ರಕಾಶಂ ನ ತೇಜಸಿಸ್ಥಂ ನ ಸಮೀರಣಸ್ಥಮ್ ।
ನ ಖೇ ಗತಂ ಪಞ್ಚವಿಭೂತಿಹೀನಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ನ ವಿಶ್ವಗಂ ತೈಜಸಗಂ ನ ಪ್ರಾಜ್ಞಂ ಸಮಷ್ಟಿವ್ಯಷ್ಟಿಸ್ಥಮನನ್ತಗಂ ನ ।
ಗುಣೈರ್ವಿಹೀನಂ ಪರಮಾರ್ಥಭೂತಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಗುಣೇಶಗಂ ನೈವ ಚ ಬಿನ್ದುಸಂಸ್ಥಂ ನ ದೇಹಿನಂ ಬೋಧಮಯಂ ನ ಢುಣ್ಢಿಮ್ ।
ಸಮ್ಯೋಗಹೀನಾಃ ಪ್ರವದನ್ತಿ ತತ್ಸ್ಥಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಅನಾಗತಂ ನೈವ ಗತಂ ಗಣೇಶಂ ಕಥಂ ತದಾಕಾರಮಯಂ ವದಾಮಃ ।
ತಥಾಪಿ ಸರ್ವಂ ಪ್ರಭುದೇಹಸಂಸ್ಥಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಯದಿ ತ್ವಯಾ ನಾಥ ಕೃತಂ ನ ಕಿಞ್ಚಿತ್ ತದಾ ಕಥಂ ಸರ್ವಮಿದಂ ವಿಭಾತಿ ।
ಅತೋ ಮಹಾತ್ಮಾನಮಚಿನ್ತ್ಯಮೇವ ಗಜಾನನಂ ಭಕ್ತಿಯುತಾ ಭಜಾಮಃ ॥
ಸುಸಿದ್ಧಿದಂ ಭಕ್ತಜನಸ್ಯ ದೇವಂ ಸ ಕಾಮಿಕಾನಾಮಿಹ ಸೌಖ್ಯದಂ ತಮ್ ।
ಅಕಾಮಿಕಾನಾಂ ಭವಬನ್ಧಹಾರಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಸುರೇನ್ದ್ರಸೇವ್ಯಂ ಹ್ಯಸುರೈಃ ಸುಸೇವ್ಯಂ ಸಮಾನಭಾವೇನ ವಿರಾಜಯನ್ತಮ್ ।
ಅನನ್ತವಾಹಂ ಮುಷಕಧ್ವಜಂ ತಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಸದಾ ಸುಖಾನನ್ದಮಯೇ ಜಲೇ ಚ ಸಮುದ್ರಜೇ ಚೇಕ್ಷುರಸೇ ನಿವಾಸಮ್ ।
ದ್ವನ್ದ್ವಸ್ಯ ಪಾನೇನ ಚ ನಾಶರೂಪೇ ಗಜಾನನಂ ಭಕ್ತಿಯುತಾ ಭಜಾಮಃ ॥
ಚತುಃಪದಾರ್ಥಾ ವಿವಿಧಪ್ರಕಾಶಾ- ಸ್ತ ಏವ ಹಸ್ತಾಃ ಸ ಚತುರ್ಭುಜಂ ತಮ್ ।
ಅನಾಥನಾಥಂ ಚ ಮಹೋದರಂ ವೈ ಗಜಾನನಂ ಭಕ್ತಿಯುತಾ ಭಜಾಮಃ ॥
ಮಹಾಖುಮಾರೂಢಮಕಾಲಕಾಲಂ ವಿದೇಹಯೋಗೇನ ಚ ಲಭ್ಯಮಾನಮ್ ।
ಅಮಾಯಿನಂ ಮಾಯಿಕಮೋಹದಂ ತಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ರವಿಸ್ವರೂಪಂ ರವಿಭಾಸಹೀನಂ ಹರಿಸ್ವರೂಪಂ ಹರಿಬೋಧಹೀನಮ್ ।
ಶಿವಸ್ವರೂಪಂ ಶಿವಭಾಸನಾಶಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಮಹೇಶ್ವರೀಸ್ಥಂ ಚ ಸುಶಕ್ತಿಹೀನಂ ಪ್ರಭುಂ ಪರೇಶಂ ಪರವನ್ದ್ಯಮೇವಮ್ ।
ಅಚಾಲಕಂ ಚಾಲಕಬೀಜಭೂತಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಶಿವಾದಿದೇವೈಶ್ಚ ಖಗೈಃ ಸುವನ್ದ್ಯಂ ನರೈರ್ಲತಾವೃಕ್ಷಪಶುಪ್ರಭೂಭಿಃ ।
ಚರಾಚರೈರ್ಲೋಕವಿಹೀನಮೇವಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಮನೋವಚೋಹೀನತಯಾ ಸುಸಂಸ್ಥಂ ನಿವೃತ್ತಿಮಾತ್ರಂ ಹ್ಯಜಮವ್ಯಯಂ ತಮ್ ।
ತಥಾಪಿ ದೇವಂ ಪುರ ಆಸ್ಥಿತಂ ತಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ವಯಂ ಸುಧನ್ಯಾ ಗಣಪಸ್ತವೇನ ತಥೈವ ನತ್ಯಾರ್ಚನತಸ್ತವೈವ ।
ಗಣೇಶರೂಪಾಶ್ಚ ಕೃತಾಸ್ತ್ವಯಾ ತಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಗಜಾಖ್ಯಬೀಜಂ ಪ್ರವದನ್ತಿ ವೇದಾ- ಸ್ತದೇವ ಚಿಹ್ನೇನ ಚ ಯೋಗಿನಸ್ತ್ವಾಮ್ ।
ಗಚ್ಛನ್ತಿ ತೇನೈವ ಗಜಾನನಸ್ತ್ವಂ ಗಜಾನನಂ ಭಕ್ತಿಯುತಾ ಭಜಾಮಃ ॥
ಪುರಾಣವೇದಾಃ ಶಿವವಿಷ್ಣುಕಾದ್ಯಾ- ಽಮರಾಃ ಶುಕಾದ್ಯಾ ಗಣಪಸ್ತವೇ ವೈ ।
ವಿಕುಣ್ಠಿತಾಃ ಕಿಂ ಚ ವಯಂ ಸ್ತವಾಮ ಗಜಾನನಂ ಭಕ್ತಿಯುತಾ ಭಜಾಮಃ ॥
ಮುದ್ಗಲ ಉವಾಚ। ಏವಂ ಸ್ತುತ್ವಾ ಗಣೇಶಾನಂ ನೇಮುಃ ಸರ್ವೇ ಪುನಃ ಪುನಃ ।
ತಾನುತ್ಥಾಪ್ಯ ವಚೋ ರಮ್ಯಂ ಗಜಾನನ ಉವಾಚಹ ॥
ಗಜಾನನ ಉವಾಚ। ವರಂ ಬ್ರೂತ ಮಹಾಭಾಗಾ ದೇವಾಃ ಸರ್ಷಿಗಣಾಃ ಪರಮ್ ।
ಸ್ತೋತ್ರೇಣ ಪ್ರೀತಿಸಮ್ಯುಕ್ತಃ ಪರಂ ದಾಸ್ಯಾಮಿ ವಾಞ್ಛಿತಮ್ ॥
ಗಜಾನನವಚಃ ಶ್ರುತ್ವಾ ಹರ್ಷಯುಕ್ತಾಃ ಸುರರ್ಷಯಃ ।
ಜಗುಸ್ತಂ ಭಕ್ತಿಭಾವೇನ ಸಾಶ್ರುನೇತ್ರಾಃ ಪ್ರಜಾಪತೇ ॥
ದೇವರ್ಷಯ ಊಚುಃ । ಗಜಾನನ ಯದಿ ಸ್ವಾಮಿನ್ ಪ್ರಸನ್ನೋ ವರದೋಽಸಿ ಭೋಃ ।
ತದಾ ಭಕ್ತಿಂ ದೃಢಾಂ ದೇಹಿ ಲೋಭಹೀನಾಂ ತ್ವದೀಯಕಾಮ್ ॥
ಲೋಭಾಸುರಸ್ಯ ದೇವೇಶ ಕೃತಾ ಶಾನ್ತಿಃ ಸುಖಪ್ರದಾ ।
ತದಾ ಜಗದಿದಂ ಸರ್ವಂ ವರಯುಕ್ತಂ ಕೃತಂ ತ್ವಯಾ ॥
ಅಧುನಾ ದೇವದೇವೇಶ ಕರ್ಮಯುಕ್ತಾ ದ್ವಿಜಾದಯಃ ।
ಭವಿಷ್ಯನ್ತಿ ಧರಾಯಾಂ ವೈ ವಯಂ ಸ್ವಸ್ಥಾನಗಾಸ್ತಥಾ ॥
ಸ್ವಸ್ವಧರ್ಮರತಾಃ ಸರ್ವೇ ಗಜಾನನ ಕೃತಾಸ್ತ್ವಯಾ ।
ಅತಃಪರಂ ವರಂ ಯಾಚಾಮಹೇ ಢುಣ್ಢೇ ಕಮಪ್ಯಹೋ ॥
ಯದಾ ತೇ ಸ್ಮರಣಂ ನಾಥ ಕರಿಷ್ಯಾಮೋ ವಯಂ ಪ್ರಭೋ ।
ತದಾ ಸಙ್ಕಟಹೀನಾನ್ ವೈ ಕುರು ತ್ವಂ ನೋ ಗಜಾನನ ॥
ಏವಮುಕ್ತ್ವಾ ಪ್ರಣೇಮುಸ್ತಂ ಗಜಾನನಮನಾಮಯಮ್ ।
ಸ ತಾನುವಾಚ ಪ್ರೀತಾತ್ಮಾ ಭಕ್ತ್ಯಧೀನಸ್ವಭಾವತಃ ॥
ಗಜಾನನ ಉವಾಚ। ಯದ್ಯಚ್ಚ ಪ್ರಾರ್ಥಿತಂ ದೇವಾ ಮುನಯಃ ಸರ್ವಮಞ್ಜಸಾ ।
ಭವಿಷ್ಯತಿ ನ ಸನ್ದೇಹೋ ಮತ್ಸ್ಮೃತ್ಯಾ ಸರ್ವದಾ ಹಿ ವಃ ॥
ಭವತ್ಕೃತಮದೀಯಂ ವೈ ಸ್ತೋತ್ರಂ ಸರ್ವತ್ರ ಸಿದ್ಧಿದಮ್ ।
ಭವಿಷ್ಯತಿ ವಿಶೇಷೇಣ ಮಮ ಭಕ್ತಿಪ್ರದಾಯಕಮ್ ॥
ಪುತ್ರಪೌತ್ರಪ್ರದಂ ಪೂರ್ಣಂ ಧನಧಾನ್ಯವಿವರ್ಧನಮ್ ।
ಸರ್ವಸಮ್ಪತ್ಕರಂ ದೇವಾಃ ಪಠನಾಚ್ಛ್ರವಣಾನ್ನೃಣಾಮ್ ॥
ಮಾರಣೋಚ್ಚಾಟನಾದೀನಿ ನಶ್ಯನ್ತಿ ಸ್ತೋತ್ರಪಾಠತಃ ।
ಪರಕೃತ್ಯಂ ಚ ವಿಪ್ರೇನ್ದ್ರಾ ಅಶುಭಂ ನೈವ ಬಾಧತೇ ॥
ಸಙ್ಗ್ರಾಮೇ ಜಯದಂ ಚೈವ ಯಾತ್ರಾಕಾಲೇ ಫಲಪ್ರದಮ್ ।
ಶತ್ರೂಚ್ಚಾಟನಕಾದ್ಯೇಷು ಪ್ರಶಸ್ತಂ ತದ್ಭವಿಷ್ಯತಿ ॥
ಕಾರಾಗೃಹಗತಸ್ಯೈವ ಬನ್ಧನಾಶಕರಂ ಭವೇತ್ ।
ಅಸಾಧ್ಯಂ ಸಾಧಯೇತ್ ಸರ್ವಮನೇನೈವ ಸುರರ್ಷಯಃ ॥
ಏಕವಿಂಶತಿವಾರಂ ಚೈಕವಿಂಶತಿ ದಿನಾವಧಿಮ್ ।
ಪ್ರಯೋಗಂ ಯಃ ಕರೋತ್ಯೇವ ಸ ಭವೇತ್ ಸರ್ವಸಿದ್ಧಿಭಾಕ್ ॥
ಧರ್ಮಾರ್ಥಕಾಮಮೋಕ್ಷಾಣಾಂ ಬ್ರಹ್ಮಭೂತಸ್ಯ ದಾಯಕಮ್ ।
ಭವಿಷ್ಯತಿ ನ ಸನ್ದೇಹಃ ಸ್ತೋತ್ರಂ ಮದ್ಭಕ್ತಿವರ್ಧನಮ್ ।
ಏವಮುಕ್ತ್ವಾ ಗಣಾಧೀಶಸ್ತತ್ರೈವಾನ್ತರಧೀಯತ ॥
ಇತಿ ಶ್ರೀಮನ್ಮುದ್ಗಲಪುರಾಣೇ ಗಜಾನನಚರಿತೇ ತ್ರಿಚತ್ವಾರಿಂಶೋಽಧ್ಯಾಯೇ ದೇವಮುನಿಕೃತ ಗಜಾನನಸ್ತೋತ್ರಂ ಸಮ್ಪೂರ್ಣಮ್ ।

More Ganesha Stotras

श्रीगजाननारात्रिका
Shri Gajanana Aratrika (Sanskrit Aarti)
दण्डकारण्यकृता श्रीगजाननस्तुतिः
Dandakaranyakrta Srigajananastutih
देवाकृता श्रीगजाननस्तुतिः
Devakrta Srigajananastutih
गजाननस्तुतिः (लोभासुर कृत)
Gajananastutih Lobhasura Krta
नारदमुनिकृता गजाननस्तुतिः
Naradamunikrta Gajananastutih
विघ्नासुरकृता श्रीगजाननस्तुतिः
Vighnasurakrta Srigajananastutih
श्री गणेश स्तुति
Shri Ganesh Stuti
श्रीगणेश संस्कृतमारात्रिकम्
Shri Ganesha Sanskrit Aratrikam (Sanskrit Aarti)
View All Ganesha Collection →

Explore More

Ganesha CollectionWealthObstaclesHealthProtectionWisdomHome